© Photo: pixabay/rebcenter-moscow
ٷندٸستاننىڭ كالكۋتتا قالاسىندا تۇراتىن ٷندٸگە كٷيەۋگە شىققان قازاق ەيەل قازاقستاندىقتاردان كٶمەك سۇرايدى, دەپ حابارلايدى Sputnik قازاقستان.
قاراعاندىلىق ەيەل جاعدايىنىڭ اۋىر ەكەنٸن ايتىپ, "نەمولچي" قوعامدىق قورىنان كٶمەك سۇراعان. ەيەلدٸڭ ايتۋىنشا, كەمەلەتكە تولماعان 10, 3 جەنە 1 جاستاعى ٷش بالاسىمەن تۇرمىستىق زورلىق-زومبىلىققا ۇشىراعان.
"ەگەر مەنٸڭ ازعانتاي مٷمكٸندٸگٸم بار بولسا, ٷندٸستاننان كەتۋٸمە كٶمەكتەسٸڭٸزدەرشٸ. مەنٸڭ بۇل جەردە ٶلگٸم كەلمەيدٸ. بالالارىما باقىتتا بولاشاق سىيلاعىم كەلەدٸ. كٷيەۋٸم مەنٸ سوققىعا جىعىپ, ٷيدٸڭ استاڭ-كەستەڭٸن شىعارادى. ەگەر ەلٸمە بارسام, جۇمىس ٸستەپ بالالارىمدى اياققا تۇرعىزار ەدٸم", - دەيدٸ ەيەل.
ايتۋىنشا, كٷيەۋٸ ماسكٷنەم, بالالارى ازىق-تٷلٸكتەن تارشىلىق كٶرگەن. ەشقايدا اتتاپ شىعارمايدى. ٷلكەن قىزىنا بٸلٸم الۋعا رۇقسات بەرمەيدٸ. ٷلكەن بالاسىنىڭ ۆيزالىق رەجيمٸ جويىلعان, ال ەكٸ كٸشٸ بالاسىنىڭ ۆيزاسى جوق.
"ول مەنٸڭ بارلىق جيعان قاراجاتىمدى تارتىپ الدى. كٷيەۋگە شىققانعا دەيٸن ەشبٸر وعاش قىلىعى بولماعان", - دەپ جازعان ەيەل.
Sputnik قازاقستان مەسەلەنٸڭ مەن-جايىن سىرتقى ٸستەر مينيسترلٸگٸنەن سۇرادى.
"28 تامىزدا قازاقستاننىڭ ٷندٸستانداعى ەلشٸلٸگٸنە قازاقستان ازاماتشاسى حابارلاسىپ, وعان جەنە ونىڭ 3 بالاسىنا ەلٸمٸزگە ورالۋعا كٶمەك كٶرسەتۋ تۋرالى ٶتٸنٸش بٸلدٸردٸ. ول ٷندٸستان ازاماتى بولىپ تابىلاتىن كٷيەۋٸمەن بٸرگە كالكۋتتا قالاسىندا تۇرادى. ازاماتشامىزدىڭ ايتۋىنشا, ونىڭ كٷيەۋٸ وعان مورالدىق قىسىم جاسايدى, قارجىلاي شەكتەيدٸ جەنە كٷش قولدانۋ ەرەكەتٸمەن قورقىتادى. جەكە وتباسىلىق جانجالدار اياسىندا اتالعان ەيەل قازاقستانعا ورالۋعا نيەت بٸلدٸردٸ", - دەدٸ Cىرتقى ٸستەر مينيسترلٸگٸنٸڭ باسپاسٶز جەتەكشٸسٸ ايبەك سماديياروۆ.
مينيسترلٸكتٸڭ ايتۋىنشا, وتانداسىمىزدىڭ ٷلكەن قىزى قر ازاماتى, ال قالعان ەكەۋٸ – ٷندٸستان ازاماتتارى.
"ٷلكەن قىزىنىن ٷندٸستان ۆيزاسىنىڭ مەرزٸمٸ ٶتٸپ كەتكەن, بۇل كٶشٸ-قون زاڭناماسىن بۇزۋ بولىپ سانالادى. ال كٸشٸ ەكٸ بالانى ەكەتۋ ٷشٸن ەكٸنشٸ اتا-انانىڭ زاڭدى رۇقساتى قاجەت. قالىپتاسقان كٷردەلٸ جاعدايدى ەسكەرە وتىرىپ, قازاقستاندىق ديپلوماتتار وتانداسىمىزعا قاجەتتٸ كونسۋلدىق-قۇقىقتىق كٶمەك كٶرسەتٸپ جاتىر. سونىمەن قاتار قازاقستاننىڭ كالكۋتتاداعى كونسۋلى قۇجاتتار مەسەلەسٸن شەشۋ ٷشٸن كٶمەك كٶرسەتۋدە", - دەيدٸ ايبەك سماديياروۆ.
مينيسترلٸك ٶكٸلٸنٸڭ ايتۋىنشا, مەسەلە قازاقستاننىڭ ٷندٸستانداعى ەلشٸلٸگٸنٸڭ ەرەكشە باقىلاۋىندا.
