تەۋەلسٸزدٸك العاننان بەرگٸ ۋاقىتتا اڭساعان ازاتتىعىمىزدى ٶزٸمٸز كٶبٸرەك قىزىقتاپ, ٶز قازانىمىزدا ٶزٸمٸز كٶبٸرەك قايناپ قالدىق. ەكونوميكا مەن ساياساتقا كٶبٸرەك كٶڭٸل بٶلٸندٸ. ەدەبيەتكە نازار اۋدارۋ جاعى كەنجەلەپ قالعانىن دا جاسىرمايمىز. دەگەنمەن, ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىنان كەيٸن ەدەبي دە, مەدەني دە ٶمٸرٸمٸزدە ٷلكەن سەرپٸلٸس پايدا بولدى.
بىلتىردان بەرٸ قاراي قازاقستان جازۋشىلار وداعىنىڭ تٸكەلەي باستامالارىمەن قازاق ەدەبيەتٸن حالىقارالىق كەڭٸستٸككە شىعارۋ بويىنشا جوسپارلى جۇمىستار جٷزەگە اسىپ كەلەدٸ.
بىلتىردىڭ ٶزٸندە نۇر-سۇلتان قالاسىنىڭ جيىرما جىلدىعىنا ارنالعان حالىقارالىق پوەزييا فەستيۆالٸ, ەۋرازييا جازۋشىلارىنىڭ فورۋمى, سونداي-اق بيىل تاريحتان بەلگٸلٸ ۇلى جٸبەك جولى بويىنداعى استانالار قالامگەرلەرٸنٸڭ فورۋمى ٶتتٸ. وعان 25 ەلدەن اقىن-جازۋشى قاتىستى. مۇنىڭ بەرٸن بٸز نەگە ايتىپ وتىرمىز, اتالعان اۋقىمدى شارالاردىڭ بارلىعى الدا كەلە جاتقان تۇڭعىش حالىقارالىق ازييا قالامگەرلەرٸنٸڭ ٸ فورۋمىنا دايىندىق ەسەبٸندە بولدى دەسەك قاتەلەسپەيمٸز.
ەل تاريحىنا ٷڭٸلسەك, وسىدان تۋرا 46 جىل بۇرىن سوناۋ كەڭەس ٶكٸمەتٸ تۇسىندا ازييا-افريكا جازۋشىلارىنىڭ 5-شٸ كونفەرەنتسيياسى الماتى قالاسىندا ٶتكەن بولاتىن. بۇل فورۋمنىڭ ول فورۋمنان باستى ەرەكشەلٸگٸ دە سول, ٶتكەن كەزەڭدە ول كونفەرەنتسيياعا تەك قانا سوتسياليستٸك-دەموكراتييالىق رەسپۋبليكالاردىڭ قالامگەرلەرٸ شاقىرىلعان بولاتىن.
بۇل جولعى جيىندا ونداي ساياسي شەكتەۋلەر مٷلدەم بولمايدى. بٸز ازييانىڭ 44 مەملەكەتٸنٸڭ بارلىعىنا شاقىرتۋ جٸبەردٸك. سولاردىڭ ٸشٸنەن 38 مەملەكەتتەن 80-گە جۋىق قالامگەر ەلٸمٸزگە كەلٸپ, فورۋمعا قاتىسۋعا ىقىلاس تانىتتى. ەرينە شاقىرتۋىمىزعا ٷن قاتپاعان ەلدەر دە بار, ولاردى اتاپ ايتۋعا دا بولادى. ايتالىق شىعىس تيمور, باحرەين, بۋتان, كامبودجا, مالديۆ سيياقتى ەلدەردٸڭ قالامگەرلەرٸمەن ٶكٸنٸشكە قاراي, بايلانىس ورناتا المادىق.
جالپى, كەلەتٸن قوناقتاردىڭ تٸزٸمٸنە نوبەل سىيلىعىنىڭ لاۋرەاتتارىن دا قوسقان بولاتىنبىز. ولاردىڭ كەيبٸرەۋلەرٸ ٸرٸ كٶلەمدە قالاماقى سۇرادى. ونداي قاراجات تٶلەۋگە بٸزدٸڭ جاعداي كٶتەرمەيتٸنٸن جاسىرماۋىمىز كەرەك. الايدا نوبەل سىيلىعىنا نومينانت بەلگٸلٸ 3 اقىن-جازۋشى اتالعان فورۋمعا قاتىسادى. ولاردىڭ ٸشٸندە وڭتٷستٸككورەيالىق جازۋشى كو ىندى ەرەكشە اتاپ كەتۋگە بولادى. سونىمەن قاتار نوبەل نومينانتى, قاتار جازۋشىسى موزا ەل-مالكي دە فورۋمعا قۇرمەتتٸ قوناق رەتٸندە شاقىرىلدى.
جالپى, وسىناۋ يگٸ ٸستٸڭ شىمىلدىعىن تٷرٸپ, شارانى اشىپ بەرۋگە مەملەكەت باسشىسى قاسىم-جومارت كەمەلۇلى توقاەۆ قاتىسادى دەپ كٷتٸلۋدە. دايىندىق جۇمىسىنا مەملەكەتتٸك حاتشى مارات تەجين باستاعان, پرەمەر-مينيستردٸڭ ورىنباسارى بەردٸبەك ساپارباەۆ, سونداي-اق مەدەنيەت جەنە سپورت مينيسترلٸگٸ, اقپارات جەنە قوعامدىق دامۋ مينيسترلٸگٸ, سىرتقى ٸستەر مينيسترلٸگٸ, ٸشكٸ ٸستەر مينيسترلٸگٸ, سونداي-اق نۇر-سۇلتان قالاسىنىڭ ەكٸمدٸگٸ جۇدىرىقشا جۇمىلىپ, شاراعا مەن بەرٸپ, قولۇشتارىن سوزىپ وتىر. فورۋم بارىسىندا ەلباسى نۇرسۇلتان نازارباەۆ بٸر توپ شەتەلدٸك قالامگەردٸ قابىلداۋى جوسپارلانىپ وتىر.
جالپى, جيىندا قوزعالاتىن مەسەلەلەر نەگٸزٸنەن «قازٸرگٸ ازييا ٶركەنيەتٸندەگٸ ەدەبي پانوراما» تاقىرىبى اينالاسىندا ٶربيدٸ. پٸكٸر الماسۋ مەجٸلٸسٸندە ازييا ەدەبيەتٸ جەنە جاھاندىق مەسەلەلەر, ازييا جازۋشىسىنىڭ بٷگٸنگٸ قوعامداعى ورنى, ازييا روماندارىنداعى قازٸرگٸ زاماناۋي تاقىرىپتار, ەلەمدٸك ەدەبيەتتەگٸ ازييا ادامىنىڭ بەينەسٸ, ازييا اقىندارى پوەزيياسىنداعى جاڭا اعىمدار جەنە ەدەمدٸك ەدەبيەتكە ەسەرٸ سيياقتى, ەدەبيەتتەگٸ جالعىزدىق تاقىرىپتارى, جوعالىپ بارا جاتقان جانرلار مەن بايانداۋ تەسٸلدەرٸ, قارۋ مەن قالام, دامۋ مەن سەنٸم, جوعالعان تٸلدەر مەن ۇلتتىق ەدەبيەتتەر, تەروريزممەن كٷرەستەگٸ ەدەبيەت رٶلٸ سيياقتى كٶپتەگەن تاقىرىپ قاۋزالادى.
بۇل تاقىرىپتاردىڭ بٸرازىن بٸز ۇسىنىپ, كەيبٸرەۋٸن شەتەلدٸك بايانداماشىلاردىڭ ٶزدەرٸ ٶتٸندٸ. ولاردىڭ ماتەريالدارىن فورۋم ٶتكەننەن كەيٸن وقىرمان قاۋىم نازارىنا گازەت-جۋرنالدار ارقىلى ۇسىناتىنىمىزدى ايتا كەتكەن جٶن.
جالپى, فورۋم قارساڭىندا نۇر-سۇلتان قالاسىنىڭ ٸرگەسٸنەن اقىندار اللەياسى اشىلىپ, فورۋمعا قاتىساتىن قالامگەرلەردٸڭ ەكٸ تومدىق انتولوگيياسىن جارىققا شىعارۋ جوسپارلانۋدا.
ۇلىقبەك ەسدەۋلەت,
اقىن, قازاقستان جازۋشىلار وداعى باسقارماسىنىڭ تٶراعاسى
"ەگەمەن قازاقستان" گازەتٸ
