قازاقستاندىق ٶنەرپازدار ۇلىبريتانييا جۇرتشىلىعى الدىندا ٶنەر كٶرسەتتٸ. Made in KZ توبى جەنە ايبەك بەكبوسىن قازاقتىڭ ۇلتتىق اسپابى دومبىرانى كەمبريدج قالاسىنىڭ حالقىنا پاش ەتتٸ, دەپ حابارلايدى قازاقپارات.
كەمبريدج ۋنيۆەرسيتەتٸنٸڭ فيتسۋيليام مۇراجايىندا «ۇلى دالا التىنى» كٶرمەسٸ اشىلعانى بەلگٸلٸ.
وعان شىعىس قازاقستان وبلىسىنداعى ەجەلگٸ ساق قورعاندارىنان تابىلعان التىن ارتەفاكتٸلەر قويىلعان.
قازاقستان تەۋەلسٸزدٸگٸنٸڭ 30 جىلدىعى قۇرمەتٸنە ۇيىمداستىرىلعان شاراعا وتاندىق ٶنەرپازدار دا ٶز ٷلەسٸن قوستى.
اعىلشىن رىتسارلارىنىڭ دۋلىعاسى مەن مٷسٸندەرٸنە ارنالعان مۇراجاي گالەرەيالارى بٸر كەشكە قازاق ٶنەرٸنٸڭ ورداسىنا اينالدى.
قازاقستاندىق شىعارماشىلىق ٶكٸلدەرٸ بارشاعا تانىس حيت ەندەر مەن ۇلتتىق فولكلوردان شاشۋ شاشتى.
ەۋروپالىق كٶرەرمەننٸڭ كٶڭٸلٸن بٸردەن باۋراپ الۋ ٷشٸن الدىمەن ولارعا تانىس, جٷرەگٸنە جاقىن ەۋەندەردٸ قارا دومبىرانىڭ ٷنٸمەن قازاقي ناقىشتا جەتكٸزۋگە تىرىستى.
«تىڭدارمانعا ٶزٸمٸزدٸڭ كاۆەر-نۇسقالارىمىزدى ۇسىندىق. ول ەلەمدٸك حيت ەندەردەن, ونىڭ ٸشٸندە بريتاندىق ەنشٸلەردٸڭ حيت ەندەرٸنەن جەنە دە ەرينە, ٶزٸمٸزدٸڭ قازاق ەندەرٸن, شەمشٸ قالداياقوۆتىڭ, قۇرمانعازى اتامىزدىڭ كٷيلەرٸنەن ۇسىندىق», - دەيدٸ Made in KZ توبىنىڭ جەتەكشٸسٸ باۋىرجان يتەكەەۆ.
«بٸز ەندٸ جاندى داۋىستا, 100 پايىز جاندى داۋىستا ورىندايمىز. ٶيتكەنٸ بٸز جانىمىزبەن, تەنٸمٸزبەن ساپالى مۋزىكاعا باسىمدىق بەرەمٸز», دەدٸ Made in KZ توبىنىڭ ەنشٸسٸ نازىم يتەكەەۆا.
Made in KZ توبىنىڭ تاعى بٸر مٷشەسٸ جاندوس ەكٸمباەۆتىڭ ايتۋىنشا, ٶنەرپازدار دومبىرانىڭ ٷنٸن بٷكٸل ەلەمگە تانىمال ەتكٸسٸ كەلەدٸ جەنە Made in KZ توبىن برەندكە اينالدىرعىسى بار.
ٶنەرپازداردىڭ كونتسەرتٸ ەرتەسٸنە اشىق اسپان استىندا جالعاستى. مۇراجاي جانىنان ٶتٸپ بارا جاتقان كەمبريدج قالاسىنىڭ تۇرعىندارى كٸدٸرٸپ, ەسەم ەن مەن تەتتٸ كٷيلەردٸ سٷيسٸنە تىڭدادى. ايالداماعا توقتاعان ەكٸ قاباتتى اۆتوبۋستاردىڭ جولاۋشىلارى بولسىن, كٶشە تازالاپ جٷرگەن جۇمىسشىلار بولسىن قوس ٸشەكتٸ مۋزىكالىق اسپاپپەن جاقىنىراق تانىسقىسى كەلدٸ. ۇيالى تەلەفوندارىنا تٷسٸرٸپ, ىرعاقتى مۋزىكاعا قوسىلا بيلەگەندەر دە تابىلدى.
«شىعارماشىلىق الدىندا باس يەتٸن, ٶنەر دەسە ٸشكەن اسىن جەرگە قوياتىن جەرگٸلٸكتٸ تۇرعىندار كەلٸپ, دومبىراعا قىزىعۋشىلىق تانىتىپ جاتىر. ول دەگەنٸمٸز قازاق جۇرتىنىڭ ارماندارىنىڭ بٸرٸ ورىندالدى دەپ ويلايمىن. قازاقتىڭ قاسيەتتٸ قارا دومبىراسى بٷكٸل ەلەمدٸ جاۋلاسا ول بٸزدٸڭ ماقساتىمىزدىڭ ورىندالعانى», - دەيدٸ كٷيشٸ-كومپوزيتور, شىعىس قازاقستان وبلىستىق فيلارمونيياسىنىڭ ديرەكتورى ايبەك بەكبوسىن.
«مەن بٷگٸن كٶرمەگە كٸرگٸم كەلدٸ. بٸراق حالىق ٶتە كٶپ بولعاندىقتان كٸرۋ مٷمكٸن بولمادى. ونىڭ ورنىنا سٸزدەردٸڭ مۋزىكالارىڭىزدى تىڭداۋ قۇرمەتٸنە يە بولدىم جەنە شىنىمەن دە راحات سەزٸمگە بٶلەندٸم. بۇل ۇلتتىق دىبىستى ەستي وتىرىپ, جاڭا عانا ينتەرنەتكە جەدەل كٸردٸم جەنە ونىڭ اتى دومبىرا ەكەنٸن بٸلدٸم. قازٸر اسپاپتى قولىما ۇستاپ وتىرىپ, ونىڭ عاجاپ ەكەنٸنە كٶزٸم جەتٸپ وتىر», دەپ تىڭدارمانداردىڭ بٸرٸ, زەينەتكەر نيكولا حارريسون قۋانىشىن جاسىرمادى.
قازاقتىڭ تٶل ٶنەرٸنە تەنتٸ بولعان اعىلشىندار قازاقستانعا بارىپ, ۇلى دالا ٶركەنيەتٸن ٶز كٶزٸمەن كٶرگٸسٸ كەلەتٸندەرٸن ايتىپ جاتتى. ٶنەرپازداردان شاعىن شەبەرلٸك ساباعىن الىپ, دومبىرا تارتۋدى ٷيرەندٸ.
