ۇلىبريتانييادا كوروناۆيرۋستىڭ جاڭا تٷرٸ "وميكرون" شتامىمەن بايلانىستى بٸرٸنشٸ ادام ٶلٸمٸ تٸركەلدٸ. بۇل جٶنٸندە دٷيسەنبٸ كٷنٸ ۇلىبريتانييا پرەمەر-مينيسترٸ بوريس دجونسون حابارلادى. ول وقيعانىڭ جاي-جاپسارىنا توقتالمادى.
پرەمەر-مينيستر "وميكرون" جۇققان بٸرنەشە ادامنىڭ اۋرۋحاناعا تٷسكەنٸن راستادى. جالپى ەلدە كوروناۆيرۋستىڭ جاڭا شتامى مىڭنان استام ادامنان انىقتالعان.
دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸنشە, شامامەن ٷش اپتا بۇرىن وڭتٷستٸك افريكادا انىقتالعان "وميكرون" الدىڭعى شتامدارعا قاراعاندا جىلدام تارايدى جەنە ٸس جٷزٸندە ۆاكتسينا قالىپتاستىرعان اعزانىڭ قورعانىس قابٸلەتٸن ٸشٸنارا "جويادى". ساراپشىلار "وميكرونعا" شالدىققان ناۋقاستاردىڭ باسىم بٶلٸگٸنٸڭ اۋرۋى اسقىنبايتىنىن ايتادى.
جۋىردا تەلەارنادان حالىققا ٷندەۋ جولداعان دجونسون بارلىق ەرەسەك ازاماتتاردى جاڭا جىلعا دەيٸن ۆاكتسينانىڭ ٷشٸنشٸ دوزاسىن سالدىرۋعا شاقىردى: مامانداردىڭ ايتۋىنشا, قوسىمشا دوزا كوروناۆيرۋستىڭ جاڭا شتامىنان قورعايدى. دجونسوننىڭ ايتۋىنشا, "دەلتاعا" قاراعاندا "وميكرون" اۋرۋدى اسقىندىرماسا دا, تەز تاراپ, اۋرۋحانالاردى ناۋقاستارمەن جىلدام تولتىرىپ جٸبەرۋگە ىقپال ەتۋٸ مٷمكٸن.
