Ulybritaniiada koronavirýstyń jańa túri "Omikron" shtamymen bailanysty birinshi adam ólimi tirkeldi. Bul jóninde dúisenbi kúni Ulybritaniia premer-ministri Boris Djonson habarlady. Ol oqiǵanyń jai-japsaryna toqtalmady.
Premer-ministr "Omikron" juqqan birneshe adamnyń aýrýhanaǵa túskenin rastady. Jalpy elde koronavirýstyń jańa shtamy myńnan astam adamnan anyqtalǵan.
Dúniejúzilik densaýlyq saqtaý uiymynyń málimetinshe, shamamen úsh apta buryn Ońtústik Afrikada anyqtalǵan "Omikron" aldyńǵy shtamdarǵa qaraǵanda jyldam taraidy jáne is júzinde vaktsina qalyptastyrǵan aǵzanyń qorǵanys qabiletin ishinara "joiady". Sarapshylar "Omikronǵa" shaldyqqan naýqastardyń basym bóliginiń aýrýy asqynbaitynyn aitady.
Jýyrda telearnadan halyqqa úndeý joldaǵan Djonson barlyq eresek azamattardy Jańa jylǵa deiin vaktsinanyń úshinshi dozasyn saldyrýǵa shaqyrdy: mamandardyń aitýynsha, qosymsha doza koronavirýstyń jańa shtamynan qorǵaidy. Djonsonnyń aitýynsha, "Deltaǵa" qaraǵanda "Omikron" aýrýdy asqyndyrmasa da, tez tarap, aýrýhanalardy naýqastarmen jyldam toltyryp jiberýge yqpal etýi múmkin.
