ۇلىبريتانييا پارلامەنتٸندە قازاقستانعا سانكتسييا سالۋ ۇسىنىسى ايتىلعاننان كەيٸن وسى مەملەكەتتٸڭ قازاقستانداعى ەلشٸسٸ سىرتقى ٸستەر مينيسترلٸگٸنە شاقىرتىلعان. بۇل تۋرالى قازاقستان رەسپۋبليكاسى سىرتقى ٸستەر مينيسترٸنٸڭ بٸرٸنشٸ ورىنباسارى شاحرات نۇرىشەۆ مەلٸم ەتتٸ, دەپ حابارلايدى "ۇلت اقپارات".
مەجٸلٸستە تٸلشٸلەر وعان قازاقستانعا قاتىستى سانكتسييالار تۋرالى سۇراق قويدى.
«ۇلىبريتانييانىڭ پارلامەنتٸندە بٸر دەپۋتات سونداي مەلٸمدەمە جاساعان. بٸز رەسەي مەن ۋكراينا اراسىنداعى قاراما-قايشىلىقتارعا تٸكەلەي قاتىسىپ وتىرعان تاراپ ەمەسپٸز. سوندىقتان اتالعان ۋەج بٸزگە تٷسٸنٸكسٸز. بٸز بٷگٸن ۇلىبريتانييانىڭ ەلشٸسٸن سىرتقى ٸستەر مينيسترلٸگٸنە شاقىردىق. وسى ورايدا ول بٸزگە تولىق تٷسٸندٸرمە بەرۋٸ تيٸس», - دەدٸ شاحرات نۇرىشەۆ.
وسى ورايدا ول قازاقستان جاعى بارلىق مەملەكەتپەن تٷسٸندٸرمە جۇمىسىن جٷرگٸزٸپ جاتقانىن اتاپ ٶتتٸ.
«سىرتقى ٸستەر مينيسترلٸگٸ ٶتكٸزەتٸن ٸس-شارالاردى قاداعالاساڭىز, مينيستر شەتەلگە بەلسەندٸ تٷردە شىعاتىنىن بايقايسىزدار. تٷرلٸ الاڭداردا - بۇۇ-دا, ادام قۇقىقتارى جٶنٸندەگٸ كەڭەستە سٶز سٶيلەيدٸ. ەلٸمٸزدٸڭ جاعدايى تۋرالى تولىق اقپارات بەرٸپ وتىرعانىمىزدى كٶرٸپ وتىرسىزدار», - دەدٸ نۇرىشەۆ.
ايتا كەتەيٸك, 1 ناۋرىزدا ۇلىبريتانييا پارلامەنتٸنٸڭ مٷشەسٸ مارگارەت حودج ۇلىبريتانييا سٸم باسشىسىنان "پۋتيندٸ قولدايتىن" قازاقستان مەن ەزەربايجانعا قارسى سانكتسييالار قاراستىرىلىپ جاتىر ما دەپ سۇرادى.
سەيسەنبٸ كٷنٸ ونىڭ مەلٸمدەمەسٸنە جاۋاپ بەرگەن ۇلىبريتانييا سىرتقى ٸستەر مينيسترٸ ەليزابەت تراسس نۇر-سۇلتان مەن باكۋعا سانكتسييا سالۋ مەسەلەسٸن قاراستىرىپ جاتقانىن, دەگەنمەن قازٸر لوندون نەگٸزٸنەن رەسەي مەن بەلارۋستٸڭ ۋكرايناعا اگرەسسيياسىنا تٶتەپ بەرۋگە كٶبٸرەك دەن قويىپ جاتقانىن ايتقان.
