شىمكەنتتە «ۇلى دالا ۇلاندارى» اتتى دومبىراشىلار فلەشموبى ٶتتٸ. فيزيكا-ماتەماتيكا باعىتىنداعى نازارباەۆ زيياتكەرلٸك مەكتەبٸنٸڭ مۇعالٸمدەرٸ مەن وقۋشىلارى ادام كٶپ شوعىرلانعان «شىمكەنت پلازا» ساۋدا ورتالىعىندا قازاقتىڭ بٸرنەشە كٷيٸن ورىندادى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
50-گە جۋىق دومبىراشى كٷمبٸرلەتە كٷي تارتقاندا ولارعا تامسانا دا تاڭىرقاي قاراعاندار كٶپ بولدى. قۇرمانعازىنىڭ «سارىارقاسى» مەن «بالبىراۋىن», سٷگٸردٸڭ «بوزٸنگەنٸن» بٸر دەممەن, ەرەكشە لەپپەن تارتىپ, جينالعاندارعا ەرەكشە كٶڭٸل-كٷي سىيلادى.
جالپى, جىل سايىن دومبىراشىلار فلەشموبىن ٶتكٸزۋ زيياتكەرٸك مەكتەبٸنٸڭ وقۋشىلارى ٷشٸن دەستٷرگە اينالعان. ٶيتكەنٸ بٸلٸم وشاعىندا «100 كٷيدٸڭ تاريحى» اتتى جوبا بٸرنەشە جىلدان بەرٸ جٷزەگە اسىرىلىپ كەلەدٸ. وسى جوبا اياسىندا ٶتكەندٸ ۇمىتپاي, بٷگٸنگٸنٸ ۇلىقتاۋعا ارنالعان تٷرلٸ شارالار ۇيىمداستىرىلىپ وتىرادى.
ايتا ٶتەيٸك, اتالعان فلەشموب بٸر مەزەتتە قازاقستاننىڭ بارلىق وبلىسىنداعى نازارباەۆ زيياتكەرلٸك مەكتەپتەرٸندە ۇيىمداستىرىلدى.
بۇل شارا ارقىلى زيياتكەرلٸك مەكتەپتٸڭ وقۋشىلارى جان-جاقتى بٸلٸمدٸ بولۋلارىمەن قاتار, ٶنەردە دە زەرەك ەكەندٸكتەرٸن دە دەلەلدەدٸ.
«ناعىز قازاق – قازاق ەمەس, ناعىز قازاق - دومبىرا» دەپ بەكەر ايتىلماسا كەرەك. ٶيتكەنٸ تٶرٸنەن ورىن بەرٸپ, ٸلٸپ قوياتىن قارا دومبىرا حالقىمىز ٷشٸن قاشاندا قاسيەتتٸ سانالعان. ال قوس ٸشەكتٸ كٷمبٸرلەتٸپ, قۋانىشى مەن قايعىسىن, مٸنەزٸ مەن تەكتٸلٸگٸن, بار بولمىسى مەن جان دٷنيەسٸن كٶرسەتە وتىرىپ, تٶگٸلتە شەرتٸپ سالاتىن كٷيدٸ اتا-بابامىز ەردايىم ۇرپاعىنا مۇرا ەتٸپ قالدىرعان. ال بٷگٸنگٸ ۇرپاقتىڭ سول بايلىقتى, اسىل مۇرانى كٶزدٸڭ قاراشىعىنداي ساقتاپ قانا قويماي, بويىنا سٸڭٸرۋٸ قۋانتادى.
