ۇلى دالانىڭ بٸرنەشە مىڭجىلدىق تاريحىنان سىر شەرتەتٸن «ۇلى دالا تاريحى» كٸتابى پراگاداعى «Card Couture Award-2019» فەستيۆالٸندە ەڭ جوعارى ناگراداعا يە بولدى. بۇل — جىل سايىن جەتٸ اتالىم بويىنشا بەرٸلەتٸن ەۋروپاداعى ەڭ بەدەلدٸ, ٷزدٸك ماراپاتتاردىڭ بٸرٸ.
ۇيىمداستىرۋشىلاردىڭ ايتۋى بويىنشا, بيىلعى ماراپاتتاۋ رەسٸمٸنە بەلگٸلٸ باسپاحانالاردان 100-دەن استام ۇسىنىس كەلٸپ تٷسكەن. كٸتاپتىڭ مازمۇنى, ونى جازۋدا پايدالانىلعان قۇرالدار مەن ماتەريالداردىڭ جوعارى باعاسى جەنە قىزىقتى قۇرىلىسىنىڭ ارقاسىندا «ۇلى دالا تاريحى» «ٷزدٸك كٸتاپ» نوميناتسيياسىندا جەڭٸمپاز اتاندى.
«ۇلى دالا تاريحى» كٸتابىنىڭ شىعارىلۋىمەن اينالىسقان بەلگٸلٸ باسپاگەر بەرٸك بارىسبەكوۆ «ۇلى دالا تاريحى» قازاقستان رەسپۋبليكاسىنىڭ تۇڭعىش پرەزيدەنتٸ - ەلباسى قورىنىڭ تاپسىرىسىمەن جازىلعان. نۇرسۇلتان نازارباەۆتىڭ «تاريح تولقىنىندا» كٸتابىنا نەگٸزدەلٸپ جازىلعان «ۇلى دالا تاريحى» كٸتابىنىڭ ماتەريالدارى ون جىلدان استام ۋاقىت بويى جينالدى. بٸز اتالعان كٸتاپتا ۇلى دالانىڭ بٸرنەشە مىڭجىلدىقتاعى تاريحىن كٶرسەتە الدىق. دەگەنمەن مۇندا تەك قازاقستاننىڭ تاريحى عانا ەمەس, وندا ٶمٸر سٷرگەن ۇلتتار مەن تايپالاردىڭ ۇلى مەدەنيەتتەرٸ تۋرالى دا باياندالادى» - دەيدٸ ٶز كومانداسىمەن كٸتاپتى شىعارۋمەن اينالىسقان بەلگٸلٸ باسپاگەر بەرٸك بارىسبەكوۆ.
