Uly Dalanyń birneshe myńjyldyq tarihynan syr shertetin «Uly Dala Tarihy» kitaby Pragadaǵy «Card Couture Award-2019» festivalinde eń joǵary nagradaǵa ie boldy. Bul — jyl saiyn jeti atalym boiynsha beriletin Eýropadaǵy eń bedeldi, úzdik marapattardyń biri.
Uiymdastyrýshylardyń aitýy boiynsha, biylǵy marapattaý rásimine belgili baspahanalardan 100-den astam usynys kelip túsken. Kitaptyń mazmuny, ony jazýda paidalanylǵan quraldar men materialdardyń joǵary baǵasy jáne qyzyqty qurylysynyń arqasynda «Uly Dala Tarihy» «Úzdik kitap» nominatsiiasynda jeńimpaz atandy.
«Uly Dala Tarihy» kitabynyń shyǵarylýymen ainalysqan belgili baspager Berik Barysbekov «Uly Dala Tarihy» Qazaqstan Respýblikasynyń Tuńǵysh Prezidenti - Elbasy Qorynyń tapsyrysymen jazylǵan. Nursultan Nazarbaevtyń «Tarih tolqynynda» kitabyna negizdelip jazylǵan «Uly dala tarihy» kitabynyń materialdary on jyldan astam ýaqyt boiy jinaldy. Biz atalǵan kitapta Uly dalanyń birneshe myńjyldyqtaǵy tarihyn kórsete aldyq. Degenmen munda tek Qazaqstannyń tarihy ǵana emes, onda ómir súrgen ulttar men taipalardyń uly mádenietteri týraly da baiandalady» - deidi óz komandasymen kitapty shyǵarýmen ainalysqan belgili baspager Berik Barysbekov.
