بٷگٸن ەلورداسى استانادا ۇلتتىق سپورت تٷرلەرٸنەن رەسپۋبليكالىق «ۇلى دالا رۋحى» فەستيۆالٸنٸڭ توعىزقۇمالاق, اسىق اتۋ ويىندارى مەن قازاق كٷرەسٸنەن فينالدىق جارىستارى ٶتتٸ. بۇعان دەيٸن فەستيۆالدٸڭ ٸرٸكتەۋ كەزەڭٸنە 700-گە جۋىق سپورتشى قاتىسسا, «دەۋلەت» سپورت كەشەنٸندەگٸ فينالدىق سايىستار اسىق اتۋشىلاردىڭ ويىنىمەن باستالعان بولاتىن.
اسىق اتۋ سپورت تٷرٸنەن جاستار اراسىنداعى كوماندالىق ەسەپتە قر چەمپيوناتىنىڭ جەڭٸمپازدارى مەن حالىقارالىق «التىن ساقا» تۋرنيرٸنٸڭ چەمپيوندارى سانالاتىن اسانقۇل نۇربەك, بۇلانباي اسلان, مىڭتٶرە نۇرباقىتتاردىڭ بٷگٸنگٸ سايىستا جولى بولمادى. ولار فينالدا 2:3 ەسەبەٸمەن جامبىل وبلىسىنان كەلگەن اسىق اتۋشىلارعا جول بەرسە, اقتٶبەلٸكتەردٸ 4:1 ەسەبٸمەن قاپى قالدىرعان شىعىسقازاقستاندىق ٶرەندەر جٷلدەلٸ ٸٸٸ ورىنعا يە بولدى.
بۇدان كەيٸن فەستيۆال بٸلەگٸنەن گٶرٸ ميىنا كٶپ كٷش تٷسٸرەتٸن توعىزقۇمالاقشىلاردىڭ سايىسىنا ۇلاستى. توعىزقۇمالاقتان ازييا جەنە قر چەمپيوناتتارىنىڭ جەڭٸمپازدارى مەن جٷلدەگەرلەرٸ ەسەركەپ قۇندىز, سٷلەيمەنوۆ نۇرسۇلتان, باتىربەك بەيبارىس پەن اباي ديانالار قاتىسقان جارىستا كەرەكۋ ٶڭٸرٸنەن كەلگەن سپورتشىلاردىڭ باعى جانىپ, كوماندالىق ەسەپتە باس جٷلدەنٸ يەلەندٸ. فينالدىق ويىنداردا پاۆلودارلىق كوماندا ەلوردالىقتاردان باسىم تٷسسە (جالپى ەسەپ 4:2), جوعارىدا اتى اتالعان قۇندىز بەن ديانانىڭ جٷزدەسۋٸندە ديانا ايقىن جەڭٸسكە جەتكەن ەدٸ. ال, اتىراۋدان كەلگەن توعىزقۇمالاقشىلار تٷركٸستان وبلىسىنىڭ سپورتشىلارىنا تٶتەپ بەرە الماي, 4-شٸ ورىندى مٸسە تۇتتى, قورىتىندى ەسەپ – 2:4. جەڭٸس تۇعىرىنا كٶتەرٸلگەن اسىق اتۋشىلار مەن توعىزقۇمالاقشىلار كوماندالارى اقشالاي جٷلدەمەن ماراپاتتالدى. اتاپ ايتقاندا, ٸ ورىن – 600 مىڭ, ٸٸ ورىن – 400 مىڭ, ٸٸٸ ورىن – 200 مىڭ جەنە IV ورىن يەلەرٸنە 100 مىڭ تەڭگە تابىستالدى.
فەستيۆالدٸڭ العاشقى جارىس كٷنٸن قازاق كٷرەسٸنٸڭ بالۋاندارى تٷيٸندەدٸ. تٶرت وبلىستىڭ, ياعني, تٷركٸستان, شقو, اتىراۋ وبلىسى مەن استانا قالاسىنىڭ نامىسىن قورعاعان باھادٷرلەر بوزكٸلەمدە بەل كەتكەنشە كٷرەستٸ. الدىمەن, 8 سالماق دەرەجەسٸندە تٷركٸستان وبلىسىنىڭ بالۋاندارى «بوزكٸلەم يەلەرٸ» شىعىسقازاقستاندىق بالۋانداردى 5:3 ەسەبٸمەن تٸزە بٷكتٸرسە, 4:4 ەسەبەٸمەن تەڭ تٷسكەن اتىراۋلىقتار مەن «بوزكٸلەم يەلەرٸنٸڭ» تارتىستى كەزدەسۋلەرٸنٸڭ قورىتىندىسىندا تٶرەشٸلەر باتىستان كەلگەن بالۋانداردىڭ بابى باسىم بولدى دەگەن شەشٸم شىعاردى. دەل وسىنداي ەسەپ ٸٸٸ ورىن ٷشٸن ٶتكەن شقو مەن استانا قالاسىنىڭ بالۋاندارىنىڭ اراسىندا ٶتكەن جەكپە-جەكتەردٸڭ سوڭىندا تٸركەلسە, بۇل جولى دا تٶرەشٸلەر ەلوردالىق بالۋانداردى جەڭٸسكە لايىق دەپ تاپپادى. ال, فينالدا تٷركٸستان مەن اتىراۋ وبلىسىنىڭ بالۋاندارى بەلدەسٸپ, كوماندالىق جارىس نەتيجەسٸندە 7:1 ەسەبٸمەن وڭتٷستٸكتەن كەلگەن اپايتٶس جٸگٸتتەر كٷمەنسٸز جەڭٸسكە جەتتٸ. سٶيتٸپ, استانا قالاسىنىڭ 20 جىلدىعىنا وراي العاش رەت رەسپۋليكا كٶلەمٸندە ۇيىمداستىرىلعان «ۇلى دالا رۋحى» فەستيۆالٸندە توپ جارعان تٷركٸستاندىق بالۋاندار 1 500 000 تەڭگەنٸ قانجىعالارىنا بايلاسا, اتىراۋ وبلىسىنىڭ سپورتشىلارى 800 مىڭ تەڭگەنٸ يەلەندٸ. جٷلدەلٸ ٸٸٸ ورىن العان شىعىسقازاقستاندىق بالۋاندارعا 600 مىڭ تەڭگە تابىستالسا, ەلوردالىقتارعا 200 مىڭ تەڭگە اقشالاي سىيلىق بۇيىردى.
قر مەدەنيەت جەنە سپورت مينيسترلٸگٸ مەن ۇلتتىق جەنە ات سپورتى تٷرلەرٸ ورتالىعى ۇيىمداستىرعان فەستيۆال ەرتەڭ «قازانات» اتشابارىندا 16 قىركٷيەككە دەيٸن جالعاسادى. فەستيۆال اياسىندا استانا قالاسىنىڭ تۇرعىندارى مەن قوناقتارى تەڭگە ٸلۋ, جامبى اتۋ, اۋدارىسپاق, الامان بەيگە جەنە كٶكپار ويىندارىن تاماشالاي الادى.
ۇلت-اقپارات
