فوتو: ۇيىمداستىرۋشىلاردان
"اباي" باسپاسىنان جارىق كٶرگەن 155 كٸتاپتىڭ تۇساۋكەسەرٸ ٶتتٸ. بۇل باسپادان بيىل جارىق كٶرگەن كٸتاپتاردىڭ ناقتى سانى. باسپادان شىعارىلعان كٸتاپتار اراسىندا قازاق جازۋشىلارىنىڭ شىعارمالارى, بالالار مەن جاسٶسپٸرٸمدەرگە ارنالعان ەدەبي تۋىندىلار بار, دەپ حابارلايدى Ult.kz.
قازٸرگٸ تاڭدا «اباي» باسپاسىنان شىعارىلعان كٶركەم ەدەبيەت كٸتاپتارىنىڭ كٶشٸن دۋلات باباتايۇلى, حاكٸم اباي, شەكەرٸم, مەشھٷر جٷسٸپ كٶپەيۇلى, مۇحتار ەۋەزوۆ, الاشوردا قايراتكەرلەرٸنٸڭ شىعارمالارى مەن كەڭەس وداعى زامانىنىڭ ەيگٸلٸ قالامگەرلەرٸ باستاپ تۇر. ودان بٶلەك باسپادا قازٸرگٸ تاڭداعى قازاقستاننىڭ كٶرنەكتٸ جازۋشىلارى مەن جاس اۆتورلارىنىڭ شىعارمالارى دا وقىرمانعا ۇسىنىلىپ وتىر.
«سٷمبٸلە جۇلدىزى تۋعاندا» دەگەن كٸتابىم شىقتى. مۇندا بۇرىنعى ٶلەڭدەرٸممەن قاتار جاڭا جازىلعان «جاسىل تٷن» دەگەن پوەمام كٸرٸپ وتىر. ەرينە, سٶزسٸز قۋانىشتىمىن. مۇنداي يگٸ باستاما مەن ٷشٸن عانا ەمەس, بارشا قالامگەر ٷشٸن ٷلكەن بٸر جاقسىلىق دەپ ويلايمىن», - دەيدٸ اقىن مۇرات شايماران.
فوتو: ۇيىمداستىرۋشىلاردان
"اباي" باسپاسى كٶركەم ەدەبيەتتەن بٶلەك دٸني-رۋحاني, تاريحي جەنە اۋىز ەدەبيەتٸندەگٸ تاڭداۋلى تۋىندىلاردى وقىرمانعا ۇسىندى. اتاپ ايتساق, «ۇلى تاريح جەنە ۇلى ەۋليەلەر», «ۇلى دالا اقيقاتى», «تاراز – ٶركەنيەتتەر ٶرٸمدەرٸنٸڭ كۋەگەرٸ», «قاراحان بابا مەن ايشا بيبٸ», التىبارماق بابامىزدىڭ «مۇحاممەدتٸڭ پايعامبارلىق دەلەلدەرٸ», «تۇرمىس-سالت جىرلارى», «باتىرلىق جىر-داستاندار», «ليرو-ەپوستىق جىرلار», «تۇرمىس-سالت ەرتەگٸلەرٸ», «اڭىز-ەڭگٸمەلەر», «قييال-عاجايىپ ەرتەگٸلەر», «اۋىز ەدەبيەتٸنٸڭ شاعىن تٷرلەرٸ», «حايۋاناتتار تۋرالى ەرتەگٸلەر», تاعى باسقالار.
«ۇلى اعارتۋشىلاردان باستاپ بٷكٸل قازاقتىڭ اۋىز ەدەبيەتٸ, فولكلورى بار – سونىڭ بەرٸن قوسقان كەزدە قىرىق پايىزىن قۇرايدى. ال قالعان قىرىق پايىزى كەڭەس ٶكٸمەتٸ مەن تەۋەلسٸز زامانداعى ٶمٸر سٷرگەن بٸزدٸڭ كلاسسيك اقىن-جازۋشىلارىمىز. قالعان بٶلٸگٸ جاس اۆتورلارمەن تولىقتىرىلىپ وتىر», - دەيدٸ «اباي» باسپاسىنىڭ ديرەكتورى اقبەرەن ەلگەزەك.
فوتو: ۇيىمداستىرۋشىلاردان
ٶتكەن جىلى باسپا ۇجىمى 35 كٸتاپتى وقىرماندارعا ۇسىنىپ, “الداعى جىلى قازاقتىڭ كٶركەم ەدەبيەت تۋىندىلارىن 100 تومدىققا جەتكٸزەمٸز”,- دەگەن ەدٸ. وسى جىلى باسپادان شىعارىلعان كٸتاپتاردىڭ سانى 150 دەن اسىپ, ۇجىمنىڭ ۋەدەسٸ تولىقتاي ورىندالدى.
ودان بٶلەك, اباي» باسپاسى قازاق اۆتورلارى جەنە وتاندىق باسپالارمەن تاعى بٸر جاڭالىقتى بٶلٸستٸ. ول – ەلەكتروندىق جەنە اۋديوكٸتاپتار جارييالاناتىن بٸرەگەي ينتەرنەت پلاتفورما.
«Bookstagram» دەپ اتالاتىن موبيلدٸك قوسىمشا ارقىلى باسپا وقىرمانعا قازاق كٸتاپتارىن قولجەتٸمدٸ باعادا ۇسىنۋدى كٶزدەپ وتىر. موبيلدٸك قوسىمشانى دامىتىپ, ەلدٸڭ سٷيٸكتٸ ونلاين كٸتاپحاناسىنا اينالدىرۋ ارقىلى قازٸرگٸ تاڭدا اۆتورلىق قۇقىقتاردى ٶرەسكەل بۇزىپ, قازاق كٸتاپتارىن تٷرلٸ ەلەۋمەتتٸك جەلٸ ارقىلى جٶنسٸز تاراتىپ جاتقان پيراتتىق قوسىمشالارعا توسقاۋىل قويماق.
ايتا كەتەيٸك, "اباي" باسپاسى كٸتاپتىڭ شىعۋىنا كەتەتٸن قارجىنىڭ بارلىعىن ٶز قالتاسىنان جۇمسايدى. دەگەنمەن باسپادان جارىق كٶرگەن كٸتاپتاردىڭ بارلىعى ەلەمدٸك سۇرانىسقا ساي, زاماناۋي ٷلگٸدە, بوياۋى باي, بٸرەگەي ديزايندا جاساقتالىپ, ٶزٸنە تەن تارتىمدىلىعىمەن ەرەكشەلەنەدٸ. "اباي" باسپاسى ٶز قارجىسىنا شىعارىلىپ, ساتىلعان كٸتاپتاردان اۆتورلارعا قالاماقى تٶلەيتٸن دەڭگەيگە دە جەتكەن. وسى جىلدىڭ ٶزٸندە 50-دەن استام اۆتور مەن قايتىس بولعان اۆتورلاردىڭ مۇراگەرلەرٸ «اباي» باسپاسىنان تٷرلٸ سوماداعى قالاماقى العان.
