قازاقتىڭ باس اقىنى – ابايدىڭ ەدەبي مۇرالارى ارقىلى جاستاردىڭ بويىنا ۇلتتىق قۇندىلىقتار مەن رۋحاني-ادامگەرشٸلٸك قاسيەتتەرٸن قالىپتاستىرۋ, تەرەڭ ماعىنالى سٶز مارجاندارى مەن وي جاۋھارلارىن كەڭٸنەن ناسيحاتتاۋ ماقساتىندا تەربيە باسقارماسى جەنە «حەكٸم اباي» عىلىمي-زەرتتەۋ ورتالىعىنىڭ بٸرلەسە ۇيىمداستىرۋىمەن «قايتالانباس دانالىقتىڭ بەينەسٸ» اتتى تانىمدىق شارا ٶتكٸزٸلدٸ.
ۇلى ابايدىڭ تۋعان كٷنٸنە ورايلاستىرىلعان شارا اباي اتىن يەمدەنگەن قارا شاڭىراقتىڭ باس عيماراتىنىڭ الدىنداعى حەكٸم ەسكەرتكٸشٸنە گٷل شوعىن قويۋ رەسٸمٸمەن باستالىپ, «ابايتانۋ» مۇراجايىندا عۇلاما اقىننىڭ رۋحىنا تاعزىم جاسالدى. ودان ەرٸ شارا «اباي – دانا, اباي – دارا» اتتى كەڭەيتٸلگەن دٶڭگەلەك ٷستەلگە ۇلاستى. دٶڭگەلەك ٷستەل جۇمىسىن ۋنيۆەرسيتەتٸمٸزدٸڭ تەربيە ٸسٸ جٶنٸندەگٸ پرورەكتورى جاناتبەك ٸشپەكباەۆ اشىپ, سٶز كەزەگٸن «حەكٸم اباي» عىلىمي-زەرتتەۋ ورتالىعىنىڭ ديرەكتورى جابال شويىنبەتكە بەردٸ. اباي ەلەمٸن تەرەڭٸنەن زەرتتەپ, زەردەلەپ جٷرگەن عالىم-ۇستاز ٶز سٶزٸندە جۋىردا عانا ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸنە جاساعان ساياحاتى بارىسىندا العان ەسەرٸمەن بٶلٸسٸپ, ەلٸ دە بولسا زەرتتەلۋدٸ قاجەت ەتەتٸن تاريحي جەدٸگەرلەر مەن ەدەبي قۇندىلىقتار تۋرالى مازمۇندى ەڭگٸمە ٶربٸتتٸ.
ٶز كەزەگٸندە ۋنيۆەرسيتەتٸمٸزدٸڭ بەلسەندٸ جاستارى حەكٸمنٸڭ مۇرالارىن ناسيحاتتاۋ ماقساتىندا قارا شاڭىراعىمىزدا اتقارىلىپ جاتقان تاعلىمى مەن تەلٸمٸ مول يگٸ شارالارعا توقتالا كەلە, ۇلى اقىننىڭ مۇراسىن اۋقىمى كەڭ جوبالار ارقىلى دٷنيەجٷزٸنە تانىتۋ بويىنشا ۇسىنىستارىن بٸلدٸردٸ.
شارا قورىتىندىسىندا بەلسەندٸ جاستارىمىز ۋنيۆەرسيتەتٸمٸزدٸڭ قۇرىلىمدىق بٶلٸمشەلەرٸندە «ابايدى وقى, تاڭىرقا...» اتتى اكتسيياسىن ٶتكٸزٸپ, «اباي ايتادى...» اتتى اقپاراتتى كٸتاپشالارىن تاراتتى.
قازىنا بەكبەنبەتوۆا
