فوتو: ەدەبيەت پورتالى
قازاقستاننىڭ حالىق جازۋشىسى, كٶرنەكتٸ اقىن تەمٸرحان مەدەتبەك دٷنيەدەن وزدى. قارالى حاباردى جازۋشىلار وداعى باسقارما تٶراعاسىنىڭ ورىنباسارى قاسىمحان بەگمانوۆ جارييالادى.
— قازاق پوەزيياسىنا قۇبىلىس بولىپ كەلگەن, ۇلتتىڭ اسقاق رۋحتى ۇلى اقىنى تەمٸرحان مەدەتبەك دٷنيەدەن ٶتتٸ.
قارشادايىمنان ٶلەڭدەرٸن وقىپ, قاسىنا ەرگەن اسىل اعام, قازاقستاننىڭ حالىق جازۋشىسى, قازاقستان مەملەكەتتٸك سىيلىعىنىڭ لاۋرەاتى, كٶرنەكتٸ اقىن تەمٸرحان مەدەتبەكتٸڭ دٷنيەدەن وزعانىن قازٸر عانا شولپان جەڭگەم ماعان ەڭ بٸرٸنشٸ حابارلادى.
سوڭعى اپتادا تەمٸرحان اعامىزدىڭ اۋىر حالدە اۋرۋحاناعا تٷسۋٸنە بايلانىستى وتباسىمەن, دەرٸگەرلەرمەن جازۋشىلار وداعىنىڭ باسشىلارى ٷنەمٸ حابارلاسىپ تۇردى.
قازاقستان جازۋشىلار وداعىنىڭ تٶراعاسى مەرەكە قۇلكەنوۆ ەكەۋٸمٸز ەكٸ كٷن بارعاندا جانساقتاۋ بٶلٸمٸنە كٸرگٸزبەگەن سوڭ, مەن «اعا, بٸز كەلٸپ تۇرمىز, جانىڭىزدامىز» دەپ حات جازىپ, قالدىرىپ كەتٸپ ەدٸم.
بٷگٸن مەرەكە قۇلكەنوۆ, ونىڭ كەڭەسشٸسٸ ەمٸرجان قوسانوۆ جەنە بەلگٸلٸ كەسٸپكەر قانات سەنٸك تٶرتەۋمٸز الماتىداعى اۋرۋحانادا — اعامىز جاتقان جانساقتاۋ بٶلٸمٸنە كەزەكپەن كٸرٸپ, ٷنسٸز باقۇلداسىپ, قوشتاسىپ شىققان ەدٸك.
يە, ٶتكەندە عانا اعامىزدىڭ 80 جاسىن دٷركٸرەتٸپ الماتىدا تويلاعان ەدٸك. 81 جاسىندا ٶمٸردەن ٶتتٸ, — دەپ جازعان وداق ٶكٸلٸ جەلٸدەگٸ پاراقشاسىنا.
ول الاماندا الدىنا جان سالماي شاپقان داۋىلپاز اقىننىڭ دٷنيەدەن ٶتۋٸنە وراي بٷكٸل قازاق حالقىنا, ونىڭ وقىرماندارىنا قاتتى قايعىرىپ, كٶڭٸل ايتقان.
ايتا كەتەيٸك, تەمٸرحان مەدەتبەك 1945 جىلى 6 ناۋرىزدا تٷركٸستان وبلىسىندا دٷنيەگە كەلگەن.
اباي اتىنداعى قازاق مەملەكەتتٸك پەداگوگيكا ينستيتۋتى (قازٸرگٸ ۇلتتىق پەداگوگيكا ۋنيۆەرسيتەتٸ) فيلولوگييا فاكۋلتەتٸندە وقىعان. 1968-2002 جىلدارى راديو مەن تەلەۆيدەنيەدە, ەرتٷرلٸ گازەت-جۋرنالدا, شىعارماشىلىق ۇيىمداردا قىزمەت اتقارعان. قازاقستان جازۋشىلار وداعىندا ەكٸنشٸ حاتشى بولدى, 2003 جىلدان «اقيقات» جۋرنالىنىڭ باس رەداكتورى.
العاشقى جىر جيناعى «جانىمنىڭ جاس قۇراعى» دەگەن اتپەن 1970 جىلى جارىق كٶردٸ. وننان استام ٶلەڭ جيناقتارى جارييالانىپ, وقىرماندار مەن سىنشىلاردىڭ جوعارى باعاسىن الدى.
«اباي ەلەمٸ» (1995) جەنە «بابا دەستٷردٸڭ مۇراگەرٸ كٸم: تۋعان ەدەبيەت تۋرالى ويلار» (2001) اتتى ەدەبي-سىن ەڭبەكتەرٸندە قالامگەر اباي ەلەمٸنٸڭ پوەتيكالىق تەرەڭدٸگٸن, قازاق مەدەنيەتٸنٸڭ دامۋ سيپاتىن سارالاپ, اقىندىق پسيحولوگييانىڭ ٸشكٸ بولمىسىنا باعا بەردٸ.
قازاق پوەزيياسىنىڭ تٷركٸلەر كەزەڭٸنەن قالىپتاسقان رومانتيكالىق-رەاليستٸك ٶرشٸل سارىنىن ٶزٸندٸك كٶركەمدٸك شەشٸم اياسىندا جاڭاشىل تۋىندىلارىمەن بايىتتى.
«كٶك تٷرٸكتەر سارىنى» اتتى جيناعىندا (2002) زامانا زارى مەن بٷگٸنگٸ كٷن مەسەلەلەرٸ ەجەلگٸ تٷركٸ جىرلارى ٷلگٸسٸندە ايتىلعان, اقىن كٶنە تٷرگە جاڭا مازمۇن سىيدىرعان.
