2025 جىلعا دەيٸن قازاقستاندا 9 جاڭا سۋ قويماسىن سالۋ جوسپارلانۋدا. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ايتىپ بەردٸ, دەپ حابارلايدى قازاقپارات.
«سۋ رەسۋرستارىن باسقارۋداعى باستى مٸندەت – قورشاعان ورتانىڭ, حالىقتىڭ جەنە ەكونوميكا سالالارىنىڭ قاجەتتٸلٸكتەرٸ اراسىندا تەپە-تەڭدٸك قۇرۋ. بۇل جاعدايدا حالىق پەن قورشاعان ورتانىڭ ٶمٸر سٷرۋ جاعدايلارىن ساقتاۋ جەنە جاقسارتۋ ٷشٸن سۋدى پايدالانۋدىڭ ەكولوگييالىق قاۋٸپسٸز جەنە ەكونوميكالىق وڭتايلى جاعدايلارىن ٸسكە اسىرۋ قاجەت. «سۋدى ٷنەمدٸ پايدالانۋ ەسەبٸنەن ٶنٸمدٸلٸكتٸ ارتتىرۋ» مٸندەتٸ اياسىندا 401 ارنانى قايتا جاڭارتۋ جەنە 212 ارنانى تسيفرلاندىرۋ ەسەبٸنەن سۋارۋ كەزٸندە سۋ شىعىنىن 4 كم3 قىسقارتۋ جوسپارلانۋدا», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
سونداي-اق, «جاسىل قازاقستان» ۇلتتىق جوباسى اياسىندا سۋارمالى جەرلەردٸ 600 مىڭ گەكتارعا ۇلعايتۋ بويىنشا ٸس-شارالار قاراستىرىلعان.
«قوسىمشا سۋارۋ كٶزدەرٸن قۇرۋ ٷشٸن 2025 جىلعا دەيٸن اقمولا, باتىس قازاقستان, جامبىل, قىزىلوردا جەنە تٷركٸستان وبلىستارىندا جيناقتاۋ كٶلەمٸ 1,7 كم3 بولاتىن 9 جاڭا سۋ قويماسىن سالۋ جوسپارلانۋدا. بيىل تٷركٸستان وبلىسىندا كەڭساي-قوسقورعان-2 سۋ قويماسىنىڭ قۇرىلىسى اياقتالىپ جاتىر, قالعاندارى بويىنشا تەن نەمەسە جسق ەزٸرلەنۋدە», - دەدٸ س. برەكەشەۆ.
ەكولوگييا مينيسترلٸگٸ ەكوجٷيەلەردٸڭ قاجەتتٸلٸكتەرٸن ەسكەرمەستەن سۋدى پايدالانۋ قورشاعان ورتانىڭ توزۋىنا ەكەلەتٸنٸن ەسكە سالدى. بۇل رەتتە قولايسىز سالدارلاردى جويۋعا ارنالعان قارجىلىق شىعىندار ولاردىڭ الدىن الۋ جٶنٸندەگٸ شارالارعا ارنالعان شىعىنداردان جوعارى بولىپ وتىر.
«وسىعان بايلانىستى ەلٸمٸزدٸڭ سۋ وبەكتٸلەرٸنٸڭ ەكوجٷيەلەرٸن ساقتاۋ مٸندەتٸ قويىلعان. مەسەلەن, «سىردارييا ٶزەنٸنٸڭ ارناسىن رەتتەۋ جەنە ارال تەڭٸزٸنٸڭ سولتٷستٸك بٶلٸگٸن ساقتاۋ» جوباسىنىڭ ەكٸنشٸ كەزەڭٸن جەنە بۋراباي, ششۋچە, قوپا, شالقار كٶلدەرٸن قالپىنا كەلتٸرۋ جٶنٸندەگٸ ٸس-شارالاردى ٸسكە اسىرۋ جوسپارلانعان», - دەدٸ مينيستر.
