فوتو: kargali.kz
2025 جىلدىڭ اعىمداعى كەزەڭٸندە ۇلتتىق جەنە دٸني ارازدىقتى قوزدىرۋ فاكتٸسٸ بويىنشا 11 ادام سوتتالدى. بۇل تۋرالى استانا قالاسىنىڭ پروكۋراتۋراسى مەلٸمدەدٸ, دەپ حابارلايدى Ult.kz.
مىسالعا, ەلوردا تۇرعىنى تيك توك ەلەۋمەتتٸك جەلٸسٸندە, تٸكەلەي ەفيردە ەدەپسٸز سٶزدەردٸ قولدانىپ, باسقا ۇلتقا قاتىستى بۇرىس پٸكٸر بٸلدٸرٸپ, سول ارقىلى ۇلتتىق نەگٸزدە جانجال تۋدىرعان.
"بۇل ەرەكەتتەر قازاقستان رەسپۋبليكاسى قىلمىستىق زاڭناماسى تالاپتارىنا قاراما-قايشى بولىپ كەلەدٸ.
مەملەكەتتٸك ايىپتاۋشىلارمەن سوتتالۋشىلاردىڭ كٸنەسٸ تولىق دەلەلدەنگەن, نەتيجەسٸندە ولاردىڭ بارلىعىنا ەرتٷرلٸ مەرزٸمگە باس بوستاندىعىنان ايىرۋ جازاسى تاعايىندالعان", - دەلٸنگەن حابارلامادا.
11 تۇلعاعا قاتىستى سوت اكتٸلەرٸ زاڭدى كٷشٸنە ەندٸ.
قالا پروكۋراتۋراسى ارانداتۋشىلىققا بوي الدىرماۋعا, تٷرلٸ ۇلت پەن دٸن ٶكٸلدەرٸنٸڭ اراسىنا ارازدىق تۋدىراتىن سٶزدەر مەن ەرەكەتتەرگە جول بەرمەۋگە نازار اۋدارادى, ەلەۋمەتتٸك, ۇلتتىق, رۋلىق, نەسٸلدٸك, تاپتىق نەمەسە دٸني ارازدىقتى قوزدىرعانى ٷشٸن قىلمىستىق جاۋاپتىلىقتىڭ قاراستىرىلعانىن, 20 جىلعا دەيٸن باس بوستاندىعىنان ايىرۋ تٷرٸندە جازا كٶزدەلگەنٸن ەسكە سالادى.
