قر بعم «ۇلتتىق تەستٸلەۋ ورتالىعى» رمقك ديرەكتورىنىڭ بۇرىنعى ورىنباسارى سىبايلاس جەمقورلىق قىلمىسىن جاساعانى ٷشٸن سوتتالدى, دەپ حابارلايدى "ۇلت اقپارات" سىبايلاس جەمقورلىققا قارسى قىزمەتكە سٸلتەمە جاساپ.
قر بعم «ۇلتتىق تەستٸلەۋ ورتالىعى» رمقك ديرەكتورىنىڭ بۇرىنعى ورىنباسارى د.س. جاقسىبەكوۆكە قاتىستى سىبايلاس جەمقورلىق قىلمىس جاسادى دەگەن كٷدٸكپەن سوتقا دەيٸنگٸ تەرگەۋ جٷرگٸزدٸ.
«جاقسىبەكوۆ «ProBusineSS.kz» جشس ديرەكتورى س.ا. پانكەەۆتەن قۇنى 8,8 ملن تەڭگە بولاتىن «Toyota camry» ماركالى اۆتوكٶلٸگٸن پارا رەتٸندە الدى دەپ كٷدٸكتەنگەن, ايماقتاردا اتالعان جشس-نٸڭ ۇبت ٶتكٸزۋ كەزٸندە قىزمەت كٶرسەتۋ بويىنشا مٷددەسٸن قورعاعانى ٷشٸن. 9 جەلتوقساندا نۇرسۇلتان قالاسىنىڭ بايقوڭىر اۋداندىق №2 سوتىنىڭ ٷكٸمٸمەن جاقسىبەكوۆ پارا الدى دەپ تانىلىپ, وعان 7 جىلعا باس بوستاندىعىنان ايىرۋ جازاسى تاعايىندالدى», - دەلٸنگەن حابارلامادا.
اتالعان ادام مەملەكەتتٸك قىزمەتتە قىزمەت اتقارۋ قۇقىعىنان ٶمٸر بويىنا ايىرىلدى.
