قر مەدەنيەت جەنە سپورت مينيسترٸ ارىستانبەك مۇحامەديۇلى ۇلتتىق وپەرالارعا دەگەن سۇرانىستىڭ ارتىپ كەلە جاتقانىن ايتىپ بەردٸ, دەپ حابارلايدى قازاقپارات تٸلشٸسٸ.
«بٷگٸنگٸ تاڭدا بٸزدٸڭ تەاترلار كٶرەرمەندەردٸڭ ٷلكەن ىقىلاسىنا, نازارىنا يە ەكەنٸن ايتا الامىن. «استانا وپەرادا» بارلىق سپەكتاكلدەردٸڭ بيلەتتەرٸ ەكٸ اي بۇرىن ٶتٸپ كەتەدٸ. بۇدان بۇرىن ۇلتتىق وپەرالاردىڭ رەپەرتۋارىن ساقتاۋ ٷشٸن شىنى كەرەك, زالعا ستۋدەنتتەردٸ قۋىپ تىعاتىنبىز. سەبەبٸ, ەگەر وپەرا تابىسقا يە بولماسا, ونى رەپەرتۋاردان الىپ تاستاۋى كەرەكتٸگٸ تۋرالى تالاپ بار», - دەدٸ مينيستر ٷكٸمەتتٸڭ باسپاسٶز ورتالىعىندا ٶتكەن بريفينگ بارىسىندا.
مينيستردٸڭ ايتۋىنشا, بٸزدە اينالدىرعان ٷش-تٶرت ۇلتتىق وپەرا بار.
«ولاردى رەپەرتۋاردان الىپ تاستاساق جارامايدى عوي. سول ٷشٸن بٸز امالدىڭ جوقتىعىنان ستۋدەنتتەردٸ, اعايىن-تۋىستاردى اپارىپ «مٸنەكەي, كٶرەرمەن كەلدٸ» دەپ وتىرعىزىپ قوياتىنبىز. ال قازٸرگٸ تاڭدا ەڭ بٸرٸنشٸ كەزەكتە ۇلتتىق وپەرالاردىڭ بيلەتتەرٸ ٶتٸپ جاتىر. اباي وپەراسى, بٸرجان سارا, قىز-جٸبەك وپەراسىنا كەلۋشٸلەر جەتەرلٸك. قىزىقتى بولعاننان كەيٸن حالىق وپەراعا كەلەدٸ. ال ەگەر دە جوعارى دەڭگەيدە بولماسا, قازٸرگٸ ۋاقىتتا كٶرەرمەندٸ تەاترعا كٷشتەپ اپارا المايسىڭ», - دەدٸ ارىستانبەك مۇحامەديۇلى.
