ەلورداداعى ۇلتتىق مۋزەي 2015 جىلى «ۇلتتىق مۋزەيگە سىي تارتۋ» اتتى اكتسييانى باستاعان بولاتىن. ماقساتى – قاراپايىم حالىقتىڭ قولىنداعى مۋزەيلٸك ماڭىزى بار جەدٸگەرلەردٸ قورعا الىپ, تالاپقا ساي ساقتاۋ, ەكپوزيتسيياعا قويىپ كەلۋشٸلەردٸڭ نازارىنا ۇسىنۋ. بٷگٸنگە دەيٸن وسى اكتسييا نەتيجەسٸندە ۇلتتىق مۋزەيدٸڭ قانجىعاسىنا 3000-عا جۋىق جەدٸگەر بايلانسا, سولاردىڭ بىلعارىسى بالزامدالىپ, قاعازى قاپتالىپ, اعاشى كەپتٸرٸلٸپ مٶلشەردەن ارتىق جىلۋ, جارىق ھەم جەل تيمەيتٸن قورلارعا قويىلدى. وسىندايدا شەلەكتەگٸ قاتىقتىڭ بەتٸنە توڭ ماي قۇيىپ, قازىنى ۇنعا, سەبٸزدٸ قۇمعا تىعىپ ساقتاپ جاتاتىن ەجەلەرٸمٸز ەلەستەيدٸ كٶزگە.
«ۇلتتىق مۋزەيگە سىي تارتۋ» اكتسيياسى بارىسىندا جينالىپ, مۋزەيدٸڭ قورىنان ورىن العان جەدٸگەرلەردٸڭ قاتارىندا ەل تاريحى ٷشٸن باعاسى ارتىق, قۇنى ٶلشەۋسٸز كەنەن ەزٸرباەۆتىڭ دومبىراسى مەن قۇران كٸتابى, شەمشٸ قالداياقوۆقا 1965 جىلعى 4 اقپاندا شىمكەنت وبلىسىنىڭ جاستارى سىيعا تارتقان «كۋبان» پيانينوسى مەن سازگەردٸڭ قاراكٶل بٶرٸگٸ, ەزٸلحان نۇرشايىقوۆتىڭ «Nikon» فوتواپپاراتى, ەرمەك سەركەباەۆتىڭ 70 جىلدىعىنا ن.نازارباەۆ سىيلاعان قول ساعاتى, ٶزبەگەلٸ جەنٸبەكوۆتٸڭ «تسەنزور» قايشىسى, مادينا ەراليەۆانىڭ بايانى, جۇمەكەن نەجمەدەنوۆتٸڭ كٷلسالعىشى, روزا باعلانوۆانىڭ ساحنالىق كٶيلەگٸ بار. مۋزەي قورىنا الىنعان وسىناۋ جەدٸگەرلەردٸڭ بارلىعى ارنايى مامانداردىڭ سٷزگٸسٸنەن ٶتٸپ, سۇرىپتالدى, قاجەت دەپ تابىلعانى مۋزەي رەستوۆراتورلارىنىڭ شەبەرحاناسىندا قالپىنا كەلتٸرٸلدٸ. ٶڭدەۋدەن ٶتكەن جەدٸگەرلەر ەكپوزيتسيياعا قويىلدى. مۋزەيگە كەلگەن مەيماندار وسىناۋ جەدٸگەرلەردٸ دە تاماشالاپ جٷر.
كٷللٸ قازاق دالاسىنداعى قۇندى جەدٸگەرلەردٸ جيناۋدى ماقسات تۇتقان ۇلتتىق مۋزەي 2017 جىلعى 25 قىركٷيەكتە سولتٷستٸك قازاقستان وبلىسىنىڭ ورتالىعى پەتروپاۆل قالاسىندا دا «ۇلتتىق مۋزەيگە سىي تارتۋ» اكتسيياسىن ٶتكٸزدٸ. قىزىلجار ٶڭٸرٸندە ٶتكەن اكتسييادا قوجابەرگەن جىراۋ, شال اقىن, توقسان بي جابايۇلى, ماعجان جۇماباەۆ سىندى اقىن-جىراۋ, بي-شەشەندەرگە ارنالعان كٸتاپتار, ولاردىڭ فوتوسۋرەتتەرٸ, شوقان ۋەليحانوۆتىڭ ەجەسٸ ايعانىمنىڭ قىستاۋىندا قولدانىلعان اس ٷي تەگەنەسٸ مۋزەي قورىنا الىندى. پەتروپاۆلدا ٶتكەن اكتسيياعا بارلىعى 21 ادام قاتىسىپ 236 جەدٸگەردٸ ۇلتتىق مۋزەيگە تابىستادى.
«ۇلتتىق مۋزەيگە سىي تارتۋ» اكتسيياسى ۇيىمداستىرىلعان الماتى, قىزىلوردا, اقتٶبە, شىمكەنت, قوستاناي ورال قالالارىنىڭ قاتارىنا قىزىلجار ٶڭٸرٸ دە قوسىلدى. الداعى ۋاقىتتا ەلٸمٸزدٸڭ ٶزگە ٶڭٸرلەرٸندە دە بۇل اكتسييا ٶتكٸزٸلەتٸن بولادى.
تالاپقا ساي ساقتاماساق كەز-كەلگەن جەدٸگەر, ارى كەتكەندە, بٸر عاسىردىڭ عانا كۋەسٸ بولا الادى. حالقىمىزدىڭ كەشەگٸ تاريحىنان تەلٸم الىپ, مەيەكتٸ مۇرالاردى كەلەشەككە اماناتتايمىز دەسەك مۇرانى ساقتاۋعا ەرەكشە مەن بەرۋٸمٸز كەرەك. مۋزەيلەر مەن ارنايى ورىنداردا ساقتالعان جەدٸگەرلەر عانا مەڭگٸ جاسايدى.
دوسجان سقاقوۆ
قر ۇلتتىق مۋزەيٸنٸڭ قىزمەتكەرٸ
