ۇلتتىق قۇرىلتايدىڭ قۇرىلۋى «حالىق ٷنٸنە قۇلاق اساتىن مەملەكەت» تۇجىرىمداماسىن جٷزەگە اسىرۋدا ماڭىزدى كەزەڭ بولىپ وتىر. بۇل تۋرالى قر اقپارات جەنە قوعامدىق دامۋ ۆيتسە-مينيسترٸ دانييار قادىروۆ مەلٸم ەتتٸ, حابارلايدى قازاقپارات.
«مينيسترلٸك قوعامدىق كەڭەستەردٸڭ قىزمەتٸن جەتٸلدٸرۋ جەنە قۇرامىن جاڭارتۋ جٶنٸندەگٸ جۇمىستى جالعاستىراتىن بولادى. قازٸرگٸ ۋاقىتتا 102 قوعامدىق كەڭەس قۇرىلعان, 111-ٸ قالىپتاسۋ بارىسىندا. سونىمەن قاتار, جاڭارتىلعان قۇرامداردى قالىپتاستىرۋ كەزٸندە بەلسەندٸ ٷەۇ-لار ٶكٸلدەرٸن, پارتييالار مەن ازاماتتىق ينستيتۋتتاردى بارىنشا تارتۋ ۇسىنىلادى», - دەدٸ د. قادىروۆ قازاقستاننىڭ ازاماتتىق اليانسى الاڭىندا جولداۋدى تالقىلاۋ كەزٸندە.
ونىڭ سٶزٸنە قاراعاندا, بيىل العاش رەت قازاقستان رەسپۋبليكاسىنداعى قوعامدىق كەڭەستەردٸڭ قىزمەتٸ تۋرالى ۇلتتىق بايانداما دايىندالادى. وندا قوعامدىق كەڭەستەر جۇمىسىنىڭ تيٸمدٸلٸگٸنە جەنە ونىڭ ودان ەرٸ دامۋى پەرسپەكتيۆالارىنا تالداۋ جاسالاتىن بولادى.
وسىعان قوسا, بٸرٸنشٸدەن, مەملەكەتتٸك ەلەۋمەتتٸك تاپسىرىس جٷيەسٸ ارقىلى ٷەۇ جوبالارىن جوسپارلاۋ تەسٸلٸ قايتا ساراپتالادى. مەسەلەن, قازٸرگٸ تاڭدا پارلامەنتتە تيٸستٸ زاڭ جوباسى قارالۋدا, ول ٷەۇ-نى مەملەكەتتٸك قولداۋدىڭ ساپاسى مەن اشىقتىعىن ايتارلىقتاي دەرەجەدە جاقسارتاتىنى انىق.
«ەكٸنشٸدەن, ەلدٸ دامىتۋدىڭ ٶزەكتٸ مٸندەتتەرٸ مەن مەسەلەلەرٸن شەشۋ ٷشٸن بەلسەندٸ ازاماتتاردى تارتۋ ماقساتىندا مٷددەلٸ مەملەكەتتٸك ورگاندارمەن بٸرلەسٸپ, ٷەۇ-نى ونىڭ بارلىق كەزەڭدەرٸندە مەملەكەتتٸك شەشٸمدەر قابىلداۋ پروتسەسٸنە تارتۋ تەتٸكتەرٸ جەتٸلدٸرٸلەتٸن بولادى. ەربٸر شەشٸمگە تىڭعىلىقتى تالداۋ جاسالادى. ٷشٸنشٸدەن, پارلامەنت قابىرعاسىندا ازاماتتار مەن مەملەكەتتٸڭ ٶزارا ٸس-قيمىلىنىڭ ساپالى جاڭا قاعيداتتارىن قالىپتاستىراتىن «قوعامدىق باقىلاۋ تۋرالى» زاڭ جوباسى تالقىلانۋدا», - دەدٸ ۆيتسە-مينيستر.
ونىڭ پايىمىنشا, ۇلتتىق قۇرىلتايدىڭ قۇرىلۋى اشىق قوعامدى قالىپتاستىرۋدا جەنە «حالىق ٷنٸنە قۇلاق اساتىن مەملەكەت» تۇجىرىمداماسىن جٷزەگە اسىرۋدا ماڭىزدى كەزەڭ بولىپ وتىر. ۇلتتىق قۇرىلتاي جۇمىسىنا ازاماتتىق قوعام ٶكٸلدەرٸ كەڭٸنەن جۇمىلدىرىلادى. وسى ورايدا ەلٸمٸزدٸڭ بارلىق ٶڭٸرٸنەن تٷرلٸ باعىتتار بويىنشا قامتىلادى.
ايتا كەتەيٸك, مەملەكەت باسشىسى بيىلعى جولداۋىندا ۇلتتىق قوعامدىق سەنٸم كەڭەسٸ ٶز مٸندەتٸن تابىستى اتقارعانىن ايتا كەلە, ەندٸ ونىڭ ورنىنا قۇرامى جاعىنان اۋقىمدى ۇلتتىق قۇرىلتاي قۇرۋدى ۇسىندى.
«ۇلتتىق قۇرىلتايدىڭ قۇرامىندا ەلٸمٸزدەگٸ بارلىق ايماقتىڭ ٶكٸلدەرٸ بولادى. سونداي-اق, وعان پارلامەنتتٸڭ بٸرقاتار دەپۋتاتى, قازاقستان حالقى اسسامبلەياسى مەن ازاماتتىق اليانستىڭ, قوعامدىق كەڭەستەر مەن ۇيىمداردىڭ مٷشەلەرٸ, بەدەلدٸ قوعام قايراتكەرلەرٸ, ٶندٸرٸس جەنە اۋىل شارۋاشىلىعى جۇمىسشىلارى, بيزنەس ٶكٸلدەرٸ جەنە تاعى باسقا ازاماتتار كٸرەدٸ», - دەدٸ قاسىم-جومارت توقاەۆ.
