ۇلتتىق قۇرىلتاي بۇل نەگٸزگٸ ٶكٸلەتتٸك فۋنكتسيياسىن جٷزەگە اسىراتىن ينستيتۋتسيونالدى الاڭعا اينالادى. بۇل تۋرالى «ۇلتتىق قۇرىلتاي – قوعامدىق ديالوگتىڭ جاڭا مودەلٸ» اتتى «Sarap» ەكسپەرتتٸك كلۋبىنىڭ وتىرىسىندا مەجٸلٸس دەپۋتاتى ساياسات نۇربەك مەلٸم ەتتٸ, دەپ حابارلايدى قازاقپارات.
«مەملەكەت باسشىسى ٶز جولداۋىندا ناقتى ۇسىنىستار جاسادى. سوڭعى 10 جىلدا ساياسي جٷيەنٸڭ سەزگٸشتٸگٸن جوعالتىپ الدىق. ەكٸنشٸدەن, ساياسي جٷيەنٸڭ تەپە-تەڭدٸگٸنەن ايىرىلدىق. سوندىقتان حالىقپەن تٸكەلەي جۇمىس ٸستەيتٸن, ياعني مەسليحاتتار مەن پارلامەنت مەجٸلٸسٸ ەكەنٸ تٷسٸنٸكتٸ. بٸراق بۇل فۋنكتسييا ەلسٸرەپ كەتكەننەن كەيٸن, ونىڭ ورنىنا وسىنداي بٸرنەشە ورگان جاساۋعا تۋرا كەلدٸ. بيلٸك ونى 10 جىلدا سەزٸندٸ, بٸز حالىقپەن تٸكەلەي بايلانىستى جوعالتىپ جاتىرمىز. بۇل رەتتە مەملەكەتتٸك ورگاننىڭ جانىنان قوعامدىق كەڭەستەر پايدا بولدى. پرەزيدەنت 2019 جىلى كەلگەندە وسىنىڭ بەرٸن جاقسى تٷسٸندٸ, ياعني «حالىقتىڭ ٷنٸن قالاي ەستيمٸن» دەگەن قاعيداتقا ەكپٸن قويدى. مەملەكەتتٸك ورگاندار باياندامالار جازعاندا – بۇل مەلٸمەتتەر بٸرنەشە سٷزگٸدەن ٶتكٸزٸلەدٸ. وسىنىڭ بەرٸن نازارعا الىپ, ۇلتتىق قوعامدىق سەنٸم كەڭەسٸ قۇرىلدى», - دەدٸ ول.
وسى ورايدا ول ۇلتتىق كەڭەس وسى ۋاقىت ٸشٸندە ٶزٸنٸڭ رٶلٸن اتقارا العانىن اتاپ ٶتتٸ.
«ٷش جىل بويى جۇمىس ٸستەدٸك. بٸزدٸڭ سول كەزدەگٸ نەگٸزگٸ قىزمەتٸمٸز پرەزيدەنتكە تٷرلٸ ەلەۋمەتتٸك توپتاردىڭ ٷنٸن تازا جەتكٸزۋ بولدى. سول جەتكٸزٸلگەن اقپاراتتارعا, حالىقتىڭ كٶكەيٸندە جٷرگەن سۇراقتار مەن تالاپتارعا كەرەكتٸ جاۋاپ قايتارۋ نازارعا الىندى», - دەدٸ دەپۋتات.
«ەندٸ ۇلتتىق قۇرىلتاي نەلٸكتەن ەلٸ كٷنگە دەيٸن قاجەت ? جولداۋدا ٷش مەسەلە ايتىلدى. بٸرٸنشٸدەن, قۇرىلتاي قوعامدىق كەرٸ بايلانىستىڭ ينستيتۋتسيونالدىق الاڭى بولادى. ول بٷكٸل قۇرىلعان قوعامدىق كەڭەستەردٸ بٸرٸكتٸرەتٸن, بٸر جەرگە جيناقتايتىن بٸركەلكٸ بيلٸكپەن, پرەزيدەنپەن حالىقتىڭ اراسىنداعى بايلانىس. ەكٸنشٸدەن, ونىڭ قۇرامىنا دەپۋتاتتار دا, تٷرلٸ سالانىڭ ٶكٸلدەرٸ دە كٸرۋٸ كەرەك. وسى ورايدا بٷكٸل قازاقستاننىڭ اتىنان سٶيلەي الاتىن ورگان بولۋى ماڭىزدى. مەنٸڭ ويىمشا, بۇل ۋاقىتشا ورگان بولۋى كەرەك. سەبەبٸ, نەگٸزگٸ ينستيتۋتسيونالدى ٶزگەرٸس - ول زاڭ شىعارۋشى ٶكٸلەتتٸ بيلٸكتٸڭ ٶزٸن قالپىنا كەلتٸرۋ. حالىقتىڭ ٷنٸ, حالىقتىڭ ٶكٸلەتٸ, كونستيتۋتسييامىز بەكٸتكەن فۋنكتسيياسى – ول مەسليحاتتار, مەجٸلٸس ارقىلى بەرٸلۋٸ كەرەك. بٸراق ونى بٸر كٷندە جاساي المايمىز. ەلٸ دە كونستيتۋتسييانىڭ 30-دان استام بابىنا ٶزگەرٸس ەنگٸزۋ قاجەت جەنە تاعى 20-دان استام زاڭ قابىلداۋ كەرەك. پارلامەنت مەجٸلٸسٸنٸڭ الدىندا اۋقىمدى جۇمىس تۇر. وسى ۋاقىتتا ۇلتتىق قۇرىلتاي بۇل نەگٸزگٸ ٶكٸلەتتٸك فۋنكتسيياسىن جٷزەگە اسىراتىن ينستيتۋتسيونالدى الاڭعا اينالماق», - دەدٸ ساياسات نۇربەك.
