ۇلتتىق بانك تٶراعاسىنىڭ ورىنباسارى ەلييا مولدابەكوۆا سەۋٸردەگٸ ۆاليۋتا نارىعىنداعى احۋال تۋرالى ايتتى, دەپ حابارلايدى "ۇلت اقپارات".
ۇلتتىق بانك ٶكٸلٸ وپەك + ەلدەرٸ سەۋٸردٸڭ باسىندا كەلٸسٸمگە قول جەتكٸزگەننەن كەيٸن, تەڭگەنٸڭ وڭ ديناميكاسى بايقالعانىن اتاپ ٶتتٸ.
«سەۋٸردە ۇلتتىق ۆاليۋتامىز 5,2% -عا 447,67-دەن 424,57-گە نىعايدى. تەڭگەنٸڭ قىمباتتاۋى شەتەل ۆاليۋتاسىنا دەگەن سۇرانىستى تٶمەندەتتٸ. سەۋٸردٸڭ ەكٸنشٸ جارتىسىنداعى مۇناي نارىعىنىڭ تۇراقسىزدىعىنا قاراماستان, مۇناي ساقتاۋ ورىندارىنىڭ جەتٸسپەۋشٸلٸگٸنە جەنە نارىقتىڭ ارزان مۇنايمەن تولىپ كەتۋٸنە بايلانىستى ۆاليۋتا باعامى ورتاشا ەسەپپەن 430 دەڭگەيٸندە بولدى»,– دەيدٸ ەلييا مولدابەكوۆا.
كٶپتەگەن كەسٸپورىن شەكتەۋلٸ رەجيمدە جۇمىس ٸستەدٸ, بۇل شەتەل ۆاليۋتاسىنا دەگەن سۇرانىستىڭ تٶمەندەۋٸنە, ياعني بيرجاداعى ساۋدا-ساتتىقتىڭ كٶلەمٸنە ەسەر ەتتٸ.
«مەملەكەت باسشىسىنىڭ تاپسىرماسىمەن ۇلتتىق بانك ٷكٸمەتپەن بٸرلەسٸپ كۆازيمەملەكەتتٸك كومپانييالاردىڭ ۆاليۋتا نارىعىنا قاتىسۋىن ٷيلەستٸرەدٸ. وسى تاپسىرمانى ورىنداۋ اياسىندا ٸشكٸ نارىقتى تۇراقتاندىرۋعا كٶمەكتەسۋ ٷشٸن كۆازيمەملەكەتتٸك كومپانييالار ٶزدەرٸنٸڭ ۆاليۋتالىق تٷسٸمدەرٸنٸڭ بٸر بٶلٸگٸن مٸندەتتٸ تٷردە ساتۋدى جالعاستىردى. سەۋٸر ايىنداعى تٷسٸم 230 ميلليون دوللاردان استى», - دەدٸ ول.
ونىڭ ايتۋىنشا, الدىن الا مەلٸمەتتەر بويىنشا ۇلتتىق بانكتٸڭ رەزەرۆتەرٸ سەۋٸردە 720 ميلليون دوللارعا ارتىپ, 30,5 ميلليارد دوللارعا جەتتٸ.
قورلاردىڭ ۇلعايۋى نەگٸزٸنەن التىن باعاسىنىڭ ۋنتسييدٸڭ 1 605-تەن 1 717 دوللارعا دەيٸن ٶسۋٸنە بايلانىستى بولىپ, التىن قورى 1,1 ملرد دوللاردان 20,8 ملرد دوللارعا دەيٸن ٶستٸ. ۇلتتىق بانك 250 ملن اقش دوللارى مٶلشەرٸندەگٸ تازارتىلعان التىندى ۇلتتىق قورعا ساتتى.
« ۇلتتىق بانكتٸڭ رەزەرۆتەرٸندەگٸ جەنە ۇلتتىق قوردىڭ اكتيۆتەرٸندەگٸ التىن پورتفوليوسى, ەسٸرەسە وسى جىلدىڭ ناۋرىز ايىنىڭ ەكٸنشٸ جارتىسىنان باستاپ, سىرتقى نارىقتارداعى جوعارى قۇبىلمالىلىق كەزەڭٸندە قاۋٸپسٸزدٸكتٸ قامتاماسىز ەتەدٸ», – دەيدٸ ەلييا مولدابەكوۆا.
ناۋرىز ايىندا بايقاعان نارىقتارداعى قۇلدىراۋ قور بيرجاسىندا كومپانييالاردىڭ اكتيۆتەرٸنٸڭ تٶمەندەۋٸنە سوقتىردى.
«الايدا سەۋٸر ايىندا قور نارىعىنىڭ جارتىلاي قالپىنا كەلۋٸنە, سونداي-اق التىن پورتفەلٸ مەن وبليگاتسييالىق پورتفەلدٸڭ وڭ كٸرٸسٸنە بايلانىستى ۇلتتىق قوردىڭ ينۆەستيتسييالىق كٸرٸسٸ 1,5 ملرد دوللاردى قۇرادى», – ۇلتتىق بانك ٶكٸلٸ.
سونىمەن بٸرگە رەسپۋبليكالىق بيۋدجەتتٸڭ قاجەتتٸلٸكتەرٸن قاناعاتتاندىرۋ ٷشٸن سەۋٸردە ۇلتتىق قوردان 706 ملرد تەڭگە سوماسىندا ترانسفەرتتەر بٶلٸندٸ. ۆاليۋتا نارىعىنداعى ترانسفەرتتەردٸ ايقىنداۋ ٷشٸن 817,5 ملن اقش دوللارى سوماسىنداعى شەتەل ۆاليۋتاسىنداعى اكتيۆتەر ساتىلدى, بۇل 355 ملرد تەڭگە.
ترانسفەرتتٸڭ ەدەۋٸر كٶلەمدٸ بٶلگەنٸنە قاراماستان, ۇلتتىق قوردىڭ ۆاليۋتا اكتيۆتەرٸ الدىن الا مەلٸمەتتەر بويىنشا سەۋٸردە 1,11 ملرد دوللارعا ارتىپ, 58,6 ملرد-تى قۇرادى. بۇل ٶسۋ جوعارىدا اتالعان ينۆەستيتسييالىق كٸرٸستەرمەن جەنە ۇلتتىق قورداعى ۆاليۋتالىق تٷسٸممەن بايلانىستى بولدى
«بٸز بۇرىنعىداي ەلەمدٸك قارجى نارىقتارىنداعى ٷردٸستەردٸ قاداعالاپ, تالدايمىز. ينفلياتسييالىق تارگەتتەۋ بويىنشا نەگٸزگٸ ماندات اياسىندا, سونداي-اق قارجىلىق تۇراقتىلىقتى قامتاماسىز ەتۋ مٸندەتتەرٸ اياسىندا ۇلتتىق بانك ۆاليۋتالىق ينتەرۆەنتسييالاردى جٷرگٸزۋگە قۇقىلى, سونداي-اق جاعدايدى تۇراقتاندىرۋعا باعىتتالعان باسقا شارالاردى قولدانۋعا دايىن»,– دەپ قورىتىندىلادى ەلييا مولدابەكوۆا.
