فوتو: وكق باسپاسٶز قىزمەتٸ
قارجى ۆيتسە-مينيسترٸ ەرجان بٸرجانوۆ ۇلتتىق قوردان بالا شوتىنا اۋدارىلاتىن اقشانىڭ سوماسى ەلٸ ەسەپتەلٸپ بٸتپەگەنٸن ايتتى, - دەپ حابارلايدى Kazinform اگەنتتٸگٸ.
«قازٸرگٸ تاڭدا ەسەپ جٷرگٸزٸلٸپ جاتىر. جالپى قازاقستانداعى 18-گە تولماعان بالالاردىڭ سانى 7 ملن 200 مىڭ بولىپ وتىر. ال 18-گە تولعان, بٸرٸنشٸ ەتاپتا تٶلەم الاتىن ازاماتتاردىڭ سانى قازٸرگٸ تاڭدا 300 مىڭعا جۋىق. ولار بويىنشا قازٸر سوڭعى ەسەپتەر جٷرگٸزٸلٸپ جاتىر. وسى ايدىڭ اياعىنا دەيٸن قورىتىندىسى بەلگٸلٸ بولۋ كەرەك دەپ ويلايمىن. 18-گە تولعان 300 مىڭ ادام بويىنشا قاراجات اۋدارىلادى. سوماسى ساناۋلى. جوبالىق سوما بار. بٸراق قاتەلەسپەۋ ٷشٸن ونى ەزٸرگە ايتا المايمىن», - دەدٸ ەرجان بٸرجانوۆ.
