فوتو: freepik
قازاقستان رەسپۋبليكاسىنىڭ ۇلتتىق بانكٸ مەملەكەت باسشىسىنىڭ باستاماسىمەن ٸسكە قوسىلعان "ۇلتتىق قور – بالالارعا" باعدارلاماسى اياسىندا 18 جاسقا دەيٸنگٸ (قوسا العاندا) بالالارعا كەزەكتٸ نىسانالى تٶلەمدەر ەسەپتەلگەنٸن مەلٸمدەدٸ, - دەپ حابارلايدى ۇلتتىق بانكتٸڭ باسپاسٶز قىزمەتٸ.
تاراتىلعان حابارلاماعا سەيكەس, "ۇلتتىق قور – بالالارعا" باعدارلاماسى اياسىندا 2025 جىلعى قورىتىندىسى بويىنشا ەربٸر بالانىڭ شوتىنا 130,71 اقش دوللارى ەسەپتەلگەن. 2025 جىلدىڭ سوڭىنداعى مەلٸمەت بويىنشا, باعدارلاماعا قاتىسۋشىلاردىڭ جالپى سانى 6 918 656 بالا بولدى.
"ۇلتتىق قور – بالالارعا" باعدارلاماسى 2024 جىلعى 1 قاڭتاردان باستاپ ٸسكە قوسىلدى. 2024 جىلى ەر بالاعا ەسەپتەلگەن سوما 100,52 اقش دوللار بولعان. 2025 جىلى 129,38 اقش دوللارى ەسەپتەلگەن.
ۇلتتىق بانكتە بالالارعا ەسەپتەلەتٸن قاراجات جىل سايىن قازاقستان رەسپۋبليكاسىنىڭ ۇلتتىق قورىنىڭ ۇزاق مەرزٸمدٸ ينۆەستيتسييالىق كٸرٸسٸنٸڭ جارتىسى ەسەبٸنەن قالىپتاساتىنىن جەنە بۇل تٸكەلەي قوردىڭ ۆاليۋتالىق اكتيۆتەرٸنٸڭ كٶلەمٸنە بايلانىستى ەكەنٸن ەسكە سالدى. سونىمەن قاتار, الدىڭعى جىلدارى بالالاردىڭ شوتتارىنا ەسەپتەلگەن قاراجات بالا 18 جاسقا تولعانعا دەيٸن ۇلتتىق قوردىڭ پورتفەلٸندە ينۆەستيتسييالانۋىن جالعاستىرىپ, قوسىمشا تابىس ەكەلەدٸ.
باعدارلاما ٸسكە اسقان 3 جىل ٸشٸندە (ينۆەستيتسييالىق تابىستى قوسا ەسەپتەگەندە) بٸر بالاعا شاققانداعى جالپى جيناقتالعان سوما - 370,56 اقش دوللار. تيٸستٸ اقپارات 31 قاڭتاردا eGov mobile موبيلدٸ قوسىمشاسىندا جەنە kids.enpf.kz سايتىندا قولجەتٸمدٸ بولادى.
