ۇلتتىق قوردىڭ اكتيۆتەرٸ جىل باسىنان بەرٸ 3,4 ملرد دوللارعا تٶمەندەدٸ. بۇل تۋرالى ٷكٸمەتتٸڭ كەڭەيتٸلگەن وتىرىسىندا ۇلتتىق بانك تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«ۇلتتىق بانكتٸڭ التىن-ۆاليۋتا رەزەرۆتەرٸ ۆاليۋتالىق ينتەرۆەنتسييالار, ەكٸنشٸ دەڭگەيدەگٸ بانكتەر شوتتارىنداعى قالدىقتاردىڭ قىسقارۋى جەنە سىرتقى بورىش بويىنشا تٶلەمدەر سالدارىنان جىل باسىنان بەرٸ 2,4 ملرد دوللارعا تٶمەندەپ, 32 ملرد دوللار بولدى. ۇلتتىق قوردىڭ اكتيۆتەرٸ جىل باسىنان بەرٸ 3,4 ملرد دوللارعا تٶمەندەپ ماۋسىمنىڭ سوڭىندا 51,9 ملرد دوللاردى قۇرادى. رەسپۋبليكالىق بيۋدجەتكە بيىلعى 6 ايدا 2,4 ترلن تەڭگە سوماسىنا ترانسفەرتتەر بٶلۋ ٷشٸن 2,7 ملرد دوللارعا ۆاليۋتالىق اكتيۆتەر ساتىلدى», - دەدٸ ۇلتتىق بانك تٶراعاسى.
عالىمجان پٸرماتوۆتىڭ اتاپ ٶتۋٸنشە, مۇناي باعاسىنىڭ ايتارلىقتاي ٶسۋٸ اياسىندا جىل باسىنان بەرٸ تٷسٸمدەر 3,1 ترلن تەڭگەنٸ قۇرادى. بۇل ٶتكەن جىلدىڭ سەيكەس كەزەڭٸمەن سالىستىرعاندا 3 ەسەدەن استامعا ارتقانىن كٶرسەتەدٸ.
«ۇلتتىق قوردىڭ كٸرٸستٸلٸگٸ قۇرىلعاننان باستاپ 30 ماۋسىم ارالىعىندا جىلدىق مەندە 3,05 پايىز بولدى. جالپى حالىقارالىق رەزەرۆتەر ماۋسىمنىڭ سوڭىندا 83,9 ملرد دوللاردى قۇرادى. ۇلتتىق بانك تەڭگەرٸمسٸزدٸكتەردٸڭ جيناقتالۋىن بولدىرماۋ جەنە التىن-ۆاليۋتا رەزەرۆتەرٸنٸڭ ساقتالۋىن قامتاماسىز ەتۋ ٷشٸن يكەمدٸ باعام بەلگٸلەۋ رەجيمٸن ۇستانۋدى جالعاستىرادى», - دەدٸ ول.
