قازاقستان رەسپۋبليكاسى پرەزيدەنتٸنٸڭ جانىنداعى «رۋحاني جاڭعىرۋ» باعدارلاماسىن ٸسكە اسىرۋ جٶنٸندەگٸ ۇلتتىق كوميسسييا وتىرىسى ٶتتٸ, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى قاسىم-جومارت توقاەۆتىڭ جارلىعىمەن جاڭارتىلعان ۇلتتىق كوميسسييا قۇرامىنا قازاقستان رەسپۋبليكاسىنىڭ مەملەكەتتٸك حاتشىسى مارات تەجين جەتەكشٸلٸك ەتەدٸ.
كوميسسييا وتىرىسىندا «رۋحاني جاڭعىرۋ» باعدارلاماسى مەن ەلباسىنىڭ «ۇلى دالانىڭ جەتٸ قىرى» اتتى ماقالاسىنىڭ ٸسكە اسىرىلۋ قورىتىندىلارى, سونىمەن قاتار جاڭا جوبالاردى جٷزەگە اسىرۋ جوسپارلارى قارالدى.
جيىندى اشقان مەملەكەتتٸك حاتشى مارات تەجين ەكٸ جىل ٸشٸندە قوعامدىق جەنە تاريحي سانانى جاڭعىرتۋدى باستى ماقسات ەتكەن اۋقىمدى جۇمىس اتقارىلعانىن اتاپ ٶتتٸ.
لاتىن گرافيكاسى نەگٸزٸندەگٸ قازاق ەلٸپبيٸ بەكٸتٸلدٸ. «تۋعان جەر» جوباسى اياسىندا مەتسەناتتار قاراجاتىنا 27 مەكتەپ, 115 بالاباقشا, 479 ەلەۋمەتتٸك ينفراقۇرىلىم نىسانى سالىندى. وتاندىق تاريحتا العاش رەت شەت تٸلدەردەن ەكونوميكا, ەلەۋمەتتانۋ, ساياساتتانۋ, پسيحولوگييا جەنە ٶزگە دە عىلىم سالالارى بويىنشا ەلەمدەگٸ 48 ٷزدٸك وقۋلىق قازاق تٸلٸنە اۋدارىلىپ, باسىپ شىعارىلدى. ەلدٸڭ گۋمانيتارلىق بٸلٸم قورى 2019 جىلى تاعى 30 كٸتاپپەن تولىقپاق. سونداي-اق بۇۇ-نىڭ نەگٸزگٸ 6 (اعىلشىن, فرانتسۋز, يسپان, اراب, قىتاي, ورىس) تٸلٸندە قازاقستان جازۋشىلارى مەن اقىندارىنىڭ پروزا جەنە پوەزييا انتولوگييالارى باسپاعا ەزٸرلەنٸپ, وسى جىلى جارىق كٶرەتٸن بولادى. «كيەلٸ قازاقستان» جوباسى تابىستى جٷرگٸزٸلۋدە: 28 تاريحي نىساندا رەستاۆراتسييا جاسالدى, جاڭادان «بوزوق», «بوتاي», «سارايشىق» قورىق-مۋزەيلەرٸ اشىلدى. ەلباسىنىڭ «ۇلى دالانىڭ جەتٸ قىرى» ماقالاسىنداعى جوبالار قىزۋ ٸسكە اسىرىلۋدا.
جٷرگٸزٸلٸپ جاتقان جۇمىستىڭ ناقتى نەتيجەلەرٸ مەن جوسپارلارى تۋرالى وتىرىستا قازاقستان رەسپۋبليكاسى پرەزيدەنتٸ ەكٸمشٸلٸگٸ مەملەكەتتٸك باقىلاۋ جەنە ۇيىمداستىرۋ-اۋماقتىق جۇمىسى بٶلٸمٸنٸڭ مەڭگەرۋشٸسٸ نۇرلان ساۋرانباەۆ, «Wikibilim» قوعامدىق قورى قامقورشىلار كەڭەسٸنٸڭ تٶراعاسى راۋان كەنجەحانۇلى, قازاقستان رەسپۋبليكاسى پرەزيدەنتٸ ەكٸمشٸلٸگٸ ٸشكٸ ساياسات بٶلٸمٸنٸڭ مەڭگەرۋشٸسٸ ايدا بالاەۆا, نۇر-سۇلتان قالاسىنىڭ ەكٸمٸ باقىت سۇلتانوۆ, مەدەنيەت جەنە سپورت مينيسترٸ ارىستانبەك مۇحامەديۇلى, بٸلٸم جەنە عىلىم مينيسترٸ كٷلەش شەمشيدينوۆا, اقپارات جەنە قوعامدىق دامۋ مينيسترٸ دەۋرەن اباەۆ سٶز سٶيلەدٸ.
مەملەكەتتٸك حاتشى مارات تەجين «رۋحاني جاڭعىرۋ» باعدارلاماسىن ەرٸ قاراي ٸسكە اسىرۋ جۇمىسىن جانداندىرۋ قاجەتتٸگٸن ايرىقشا اتاپ ايتىپ, بٸرقاتار تاپسىرما بەردٸ, ولاردىڭ ورىندالۋى قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ تيٸستٸ بٶلٸمدەرٸ مەن ۇلتتىق كوميسسييانىڭ ۇدايى باقىلاۋىندا بولماق.
.jpeg)