اۋىل شارۋاشىلىعى مينيسترٸنٸڭ كەڭەسشٸسٸ تٶلەۋتاي راقىمبەكوۆ ۇلتتىق قوعامدىق سەنٸم كەڭەسٸنٸڭ 6-وتىرىسىندا كٶتەرٸلگەن مەسەلەلەرگە قاتىستى پٸكٸر بٸلدٸردٸ, دەپ حابارلايدى قازاقپارات.
«بٷگٸن مەملەكەت باسشىسى قاسىم-جومارت توقاەۆتىڭ قاتىسۋىمەن ۇلتتىق قوعامدىق سەنٸم كەڭەسٸنٸڭ 6-وتىرىسى ٶتتٸ. پرەزيدەنت تٷرلٸ سالالارداعى مەسەلەلەرگە قاتىستى ەگجەي-تەگجەيلٸ توقتالدى. بۇل تۇرعىدا ۇلتتىق قوعامدىق سەنٸم كەڭەسٸنٸڭ وسى ۋاقىتقا دەيٸنگٸ زور ٷلەسٸ تۋرالى ايتىلدى. شىنىمەن دە كەڭەس بيلٸك پەن ازاماتتىق قوعام اراسىندا ديالوگ الاڭىنا اينالدى. ەكٸ جىل ٸشٸندە ۇلتتىق كەڭەس مٷشەلەرٸنٸڭ باستامالارى بويىنشا 90-نان استام نورماتيۆتٸك-قۇقىقتىق اكتٸ قابىلدانعان. سونىڭ اراسىندا زاڭدار, پرەزيدەنت جارلىعى مەن ٷكٸمەت قاۋلىلارى, مينيسترلٸكتەردٸڭ بۇيرىقتارى قامتىلىپ وتىر. مەملەكەت باسشىسى رەفورمالاردىڭ باستى ماقساتىن تٷسٸندٸردٸ. بۇل رەتتە بٸرقاتار ماڭىزدى باستامالاردى كٶپشٸلٸك نازارىنا ۇسىندى», - تٶلەۋتاي راقىمبەكوۆ.
وسى ورايدا ول بٷگٸن پرەزيدەنت تاراپىنان ەلدٸ مەكەن ەكٸمدەرٸنە قاتىستى ماڭىزدى ۇسىنىمدار بولعانىن جەتكٸزدٸ.
«بۇدان بٶلەك, قاسىم-جومارت كەمەلۇلى بٸلٸم بەرۋ سالاسىنداعى مەسەلەلەرگە قاتىستى تاپسىرمالار بەردٸ. بۇل باعىتتا 2025 جىلدىڭ سوڭىنا دەيٸن 1 مىڭ مەكتەپ سالۋ تۋرالى تاپسىرماسىنا توقتالدى. مەملەكەت باسشىسى تۇرعىن ٷي الاپتارى بوي كٶتەرگەن كەزدە ونىمەن بٸرگە مٸندەتتٸ تٷردە مەكتەپ پەن بالاباقشا جەنە باسقا دا ەلەۋمەتتٸك نىسانداردىڭ سالىنۋى ايرىقشا نازاردا بولۋى كەرەك ەكەنٸن قاداپ ايتتى. قازٸرگٸ قۇرىلىس قارقىنىن ەسكەرسەك, بۇل مەسەلە ٶتە ٶزەكتٸ», - دەدٸ اۋىل شارۋاشىلىعى مينيسترٸنٸڭ كەڭەسشٸسٸ.
ونىڭ ايتۋىنشا, ۇلتتىق قوعامدىق سەنٸم كەڭەسٸنٸڭ وتىرىسىندا تسيفرلاندىرۋعا بايلانىستى مەسەلەلەر نازاردان تىس قالمادى. پرەزيدەنت اقپاراتتىق بازالاردىڭ اراسىندا بايلانىس جوق ەكەنٸن سىنعا الدى. وسىنىڭ سالدارىنان تۇرعىنداردان مٶر باسىلعان قاعاز انىقتاما قاجەت ەتەدٸ. بيىل حالىققا قىزمەت كٶرسەتۋ ورتالىقتارى وسىنداي 2 ميلليوننان استام قۇجات بەرگەن.
«مۇنىمەن قوسا, پرەزيدەنت بانكتەردٸڭ كەپٸل ساياساتىن جەتٸلدٸرۋ جەنە باعالاۋ قىزمەتٸن رەتتەۋ مەسەلەسٸنە ارنايى توقتالدى. سونىمەن قاتار, قانداستارىمىزدىڭ ٶز اتاجۇرتىنا ورالۋ مەسەلەسٸ تۋرالى ەلباسى بٸرقاتار ماڭىزدى تاريحي شەشٸم قابىلداعانى بەلگٸلٸ. 30 جىل ٸشٸندە 1,5 ملن-نان استام قازاق قازاقستانعان كەلدٸ. بۇل رەتتە قاسىم-جومارت توقاەۆ ٷكٸمەتكە ۇلى كٶشتٸڭ باستالۋىنا جول اشقان داتانى اتاۋلى كٷندەر كٷنتٸزبەسٸنە قوسۋ مەسەلەسٸن قاراستىرۋدى جٷكتەدٸ», - دەدٸ تٶلەۋتاي راقىمبەكوۆ.
«پرەزيدەنتتٸڭ تاعى بٸر ماڭىزدى تاپسىرماسى شەكارالاس ايماقتاردى دامىتۋعا قاتىستى بولىپ وتىر. ٶيتكەنٸ بۇل تاقىرىپ ۇلتتىق قاۋٸپسٸزدٸككە تٸكەلەي بايلانىستى. مامان رەتٸندە بۇل مەسەلە مەنٸ دە الاڭداتىپ جٷرگەن ەدٸ. ٶزدەرٸڭٸز بٸلەسٸزدەر, شەكارا بويىنداعى ەلدٸ مەكەندەردەن تۇرعىندار قونىس اۋدارىپ جاتىر. سوندىقتان وسى مەسەلەگە قاتىستى مەملەكەت باسشىسى ٷكٸمەتكە شەكارالاس ايماقتاردى دامىتۋ جٶنٸندەگٸ ۇسىنىس ەنگٸزۋدٸ جٷكتەدٸ», - دەدٸ ساراپشى.
