ۇلتتىق قوعامدىق سەنٸم كەڭەسٸندەگٸ بيلٸك پەن قوعام ديالوگى وتىرىستان وتىرىسقا جاقسارىپ كەلەدٸ. بۇل پٸكٸردٸ ۇلتتىق قوعامدىق سەنٸم كەڭەسٸنٸڭ مٷشەسٸ ماكسيم روجين ايتتى, دەپ حابارلايدى قازاقپارات.
«شىنىن ايتۋ كەرەك, بۇل كەڭەس قۇرىلعان سەتتەن بەرٸ مەنٸڭ نازارىمدا. ٶيتكەنٸ بۇل – ەل بيلٸگٸ مەن حالىقتىڭ ٶزارا ديالوگى. مەنٸڭشە, ٶتە جاقسى نەتيجە بەرۋٸ تيٸس. بٷگٸن دە سٶيلەيمٸن دەگەن ادامدار ٶز ويلارىن جەتكٸزدٸ. مەن ٶزٸم رۋحاني-مەدەني توپتىڭ مٷشەسٸمٸن, ٶزٸمٸز التى ۇسىنىس بەردٸك. بٸزدٸڭ ويىمىزشا, وسى التى ۇسىنىستىڭ اينالاسىندا كٶتەرٸلگەن مەسەلەلەر ەل نازارىن اۋدارىپ وتىر. بۇل جەردە مٷگەدەك جاندار مەسەلەسٸن كٶتەردٸك, تٸلگە ارنايى باعدارلاما قاجەتتٸگٸن ايتتىق, جاستارمەن ەسٸرەسە, اۋىلداعى جۇمىستى جاڭا دەڭگەيدە جٷرگٸزۋ كەرەكتٸگٸن تٸلگە تيەك ەتتٸك. تاعى ٶزٸمٸزگە جاۋىر كٶرٸنگەنٸ – سوڭعى ۋاقىتتا ەلدە كٶپ جاعداي تۋىنداپ جاتىر. ەرٸكتٸلەرمەن جۇمىس, ودان بٶلەك, ونلاين ەرٸكتٸلەر دە پايدا بولدى. بٸرەۋ شىن نيەتٸمەن كٶمەكتەسسە, بٸرەۋلەر ونى الاياقتىقتىڭ بٸر ايلاسىنا اينالدىردى. سول مەسەلەلەر جٶنٸندە ۇسىنىمدار بەردٸك», - دەدٸ ماكسيم روجين تٸلشٸلەرگە بەرگەن سۇحباتىندا.
ونىڭ ايتۋىنشا, ۇلتتىق كەڭەستەگٸ باسقا دا توپتاردا ەر مٷشە ٶز باعىتىندا, ٶز دەڭگەيٸندە ٶزەكتٸ مەسەلەلەردٸ كٶتەرٸپ جاتىر.
«مەنٸڭ تٷسٸنٸگٸمدە بۇل بيلٸك پەن قوعام اراسىنداعى ديالوگتىڭ تاعى بٸر مىسالى بٷگٸنگٸ تٶرتٸنشٸ وتىرىستا ايقىن كٶرٸندٸ. ٶزٸم وسى ديالوگقا ٷلكەن سەنٸم ارتامىن. ٶيتكەنٸ وسى ۋاقىتقا دەيٸن ەل باسىنا جينالعان پروبلەمالاردىڭ شەشٸمٸن تابا بٸلدٸك. ونىڭ ٸشٸندە ٶزٸمٸز ەرٸپتەس بولىپ جٷرگەن تٸلشٸلەردٸڭ «جالا جابۋ» بابى قىلمىس ساناتىنان الىندى, ەكونوميكالىق ۇسىنىستار زاڭ جٷزٸندە قابىلداندى. بۇل بيلٸك پەن قوعام اراسىنداعى ديالوگتىڭ كەڭەستەن كەڭەسكە, وتىرىستان وتىرىسقا, ۇسىنىستان ۇسىنىسقا جاقسارۋى دەپ ويلايمىن», - دەدٸ م. روجين.
