اۋىل ەكٸمدەرٸنٸڭ سايلاۋى ەشبٸر ستسەناريگە باعىنبايتىن, ەركٸن فورماتتا ٶتتٸ. ۇلتتىق قوعامدىق سەنٸم كەڭەسٸنٸڭ مٷشەسٸ الەكساندر دانيلوۆ 730 ەلدٸ مەكەننٸڭ ەكٸمٸن انىقتاعان ساياسي ناۋقانعا وسىنداي باعا بەرٸپ وتىر, دەپ حابارلايدى قازاقپارات.
«سايلاۋ ٸس جٷزٸندە سەتتٸ ٶتتٸ. ٶيتكەنٸ باستى نەتيجە - داۋىس بەرۋشٸلەردٸڭ بەلسەندٸلٸگٸ جوعارى بولدى. قورىتىندىنى قاراساق, بارلىق جەردە جەڭٸسٸ بولجانعان ٷمٸتكەرلەردٸڭ جولى بولا بەرمەگەن. «بەرٸنە قارسىمىن» دەگەن باعاندى بەلگٸلەۋ ارقىلى, ٷمٸتكەرلەردٸڭ ەشبٸرٸنە كٶڭٸلٸ تولمايتىنىن كٶرسەتكەندەر بولدى. ەندٸ بٸر جەردە ٶزٸن-ٶزٸ ۇسىنعانداردىڭ جولى بولىپ جاتتى. ياعني حالىق سونداعى ەلدٸڭ ۋايىمى مەن مٷددەسٸن جاقسى بٸلەتٸن ادامدارعا باسىمدىق بەردٸ. وسىلايشا تۇرعىندارعا ٶز قالاۋىن ورىنداپ, پايىمىن بٸلدٸرۋگە تولىق جاعداي جاسالدى. بۇل سايلاۋ – كانديداتتاردىڭ بەرٸ ٶزدەرٸن ۇسىنۋ ارقىلى سايلاناتىن ماجوريتارلىق ساياسي جٷيەنٸ قۇرۋدىڭ العاشقى قادامى», - دەيدٸ ساراپشى.
الەكساندر دانيلوۆ كەشەگٸ سايلاۋدان بٸرنەشە قورىتىندى شىعارعان.
«بٸرٸنشٸدەن, پارتييالارعا بۇدان بىلاي بەلسەندٸ بولۋ كەرەك. ولار ەندٸ سايلاۋلار اراسىندا بۇرىنعىداي قالىڭ ۇيقىعا كەتە المايدى. جىل سايىن, توقسان سايىن كٷرەسٸپ, كانديداتتاردى باقىلاپ, ايماقتاردا ىقپالىن ارتتىرۋ كەرەك. بۇل ساتىداعى سايلاۋ تۇراقتى تٷردە ٶتكٸزٸلەدٸ جەنە ەر جىل سايىن دەڭگەيٸ ٶسە بەرەدٸ. 2024 جىلى بٸز اۋدان ەكٸمدەرٸن سايلاۋعا كٶشەمٸز. بٷگٸن سايلانعاندار اۋىل ەكٸمدەرٸنٸڭ ٸشٸنەن سول كەزدە اۋدان ەكٸمدٸگٸنە ٷمٸتكەرلەر شىعۋى مٷمكٸن. وسىلايشا تازا ەڭبەكتٸڭ ارقاسىندا ەلەۋەتٸن كٶرسەتٸپ, ساياسي مانسابىن قۇرا الادى. قالاي دەسەك تە, ەل سايلاعان ەكٸم جوعارىدان تاعايىندالعان ەكٸمنەن ٶزگەشە بولادى. وعان ٷنەمٸ ەل الدىندا ەر قادامى ٷشٸن ەسەپ بەرٸپ, بيۋدجەتتٸ قالاي دۇرىس جۇمسايتىنىن تٷسٸندٸرٸپ وتىرۋ كەرەك. وسىلايشا بٸز ساياسي جٷيەنٸ ساپالى ەتەمٸز. داۋىس بەرۋ كەزٸندە زاڭ بۇزۋ از بولعانىنا قۋاندىم», - دەيدٸ ۇلتتىق كەڭەس مٷشەسٸ.
ونىڭ پايىمىنشا, سايلانعان ەكٸمدەر ٸستەن گٶرٸ سٶزگە ەۋەس بولسا, ٶز ورىندارىن ۇزاق ساقتاپ تۇرا المايدى.
«اۋىلداعى حالىقتىڭ قالالىقتارعا قاراعاندا سايلاۋعا بەلسەندٸ قاتىساتىنىن تٷسٸنۋ كەرەك. ادامدار بۇل جولى سوناۋ ورتالىقتاعى بيلٸك ٶكٸلدەرٸن ەمەس, ٶزدەرٸنٸڭ كٶز الدىنداعى بيلٸكتٸ تاڭدادى. ونىمەن كٷندە سٶيلەسٸپ, سۇراق قويا الادى. بٸر سٶزبەن ايتقاندا ادامدار ناقتى پروبلەمالاردىڭ شەشٸلۋ جولىنا داۋىس بەردٸ, ٶز اۋىلىنىڭ, اۋىلدىق وكرۋگٸنٸڭ بولاشاعىن تاڭدادى. سوندىقتان سايلاۋشىلاردىڭ بەلسەندٸ بولاتىن جٶنٸ بار. بۇل نەتيجە تابيعي دەپ ايتۋعا نەگٸز بار», - دەدٸ الەكساندر دانيلوۆ.
