ۇلتتىق قوعامدىق سەنٸم كەڭەسٸنٸڭ مٷشەسٸ, ساراپشى مارات شيبۇتوۆ اۋىل ەكٸمٸنٸڭ سايلاۋىنا ٷمٸتكەردٸ ٸرٸكتەۋ جەنە ٷگٸت-ناسيحات جٷرگٸزۋ تالاپتارىنا ناقتى قانداي ٶزگەرٸستەر ەنگٸزٸلگەنٸن ايتتى, دەپ حابارلايدى قازاقپارات.
«الەكساندر دانيلوۆ ەكەۋمٸز كەلٸسٸپ اۋىل ەكٸمدەرٸن سايلاۋ بويىنشا زەرتتەۋ جٷرگٸزگەن بولاتىنبىز. مەن يدەيا ايتىپ, الەكساندر سونى ٸسكە اسىردى. زەرتتەۋگە پرەزيدەنتتٸڭ جاستار كادرلىق رەزەرۆٸنٸڭ مٷشەلەرٸ تارتىلعان. اۋىل ەكٸمدەرٸنٸڭ سايلاۋىنا كانديدات رەتٸندە تٷسكەندەردەن, باقىلاۋشىلاردان, پارتييا فيليالدارىنىڭ باسشىلارىنان, اۋدان ەكٸمدٸگٸنٸڭ ٶكٸلدەرٸنەن جاۋاپ الدى. سولاردىڭ اۋىل ەكٸمٸنٸڭ سايلاۋىنا بەرگەن باعاسىن نەگٸزدەۋ ٷشٸن 5 وبلىسقا ٸسساپارمەن باردى. وسى جۇمىستاردىڭ قورىتىندىسى بويىنشا ٷلكەن ماتەريال پايدا بولدى. الەكساندر سولاردى جيناقتاپ بايانداما جاسادى دا, سونىڭ نەگٸزٸندە ۇسىنىستار دايىندادىق», - دەيدٸ ساراپشى.
ونىڭ سٶزٸنشە, پرەزيدەنت بۇلار جولداعان ٷش ۇسىنىستى ماقۇلداعان.
«ۇسىنىستار دايىنداعان كەزدە باياندامادان بٶلەك, مەنٸڭ زەرتتەۋ جۇمىستارىما گٷلميرا ەەلەۋوۆانىڭ زەرتتەۋلەرٸنە ارقا سٷيەدٸك. سونىڭ نەتيجەسٸندە پرەزيدەنت بٸز جولداعان ٷش ۇسىنىستى ماقۇلدادى.
بٸرٸنشٸ ۇسىنىس اۋىل ەكٸمدٸگٸنە ٷكمەتكەرلەرگە قويلاتىن تالاپتىڭ ٸشٸنەن جوعارى بٸلٸمٸ بار بولۋ كەرەك دەگەن كەدەرگٸنٸ الىپ تاستاۋ بولاتىن. ونىڭ ورنىنا ورتا-ارنايى دەپ قالدىردىق. ٶيتكەنٸ, اۋىلداردا بۇل مەسەلە كەڭٸنەن كەزدەسەدٸ. جوعارى بٸلٸمٸ بارلار اۋىلدا كٶپ تۇراقتامايدى. ونداعى قولىنان ٸس كەلەتٸندەردٸڭ كٶبٸ ورتا نەمەسە ارنايى بٸلٸم بارلار. گٷلميرا ەلەۋوۆانىڭ وسى ۇسىنىسى قابىلداندى», - دەيدٸ مارات شيبۇتوۆ.
ۇلتتىق كەڭەس مٷشەسٸ پرەزيدەنت سايلاۋ الدىنداعى ٷگٸت-ناسيحات مەرزٸمٸن ۇزارتۋ تۋرالى ۇسىنىستى دا وڭ باعالاعانىن ايتادى.
«10 كٷن دەگەن ٶتە از. مەنٸڭ ۇسىنىسىم وسى تۋرالى بولاتىن. ەلٸ ناقتىلانىپ جاتىر, بەلكٸم 20 نەمەسە 30 كٷن بولاتىن شىعار. ٶيتكەنٸ كەيبٸر اۋىلدىق وكرۋگتەردٸڭ قۇرامىندا بٸرنەشە اۋىل بار. سولاردىڭ بەرٸن ارالاپ شىعۋ وڭاي ەمەس.
سونداي-اق, پرەزيدەنت اۋىل ەكٸمٸنٸڭ سايلاۋىنا تٷسكٸسٸ كەلەتٸندەر ٷشٸن قۇرىلاتىن سايلاۋ قورىنىڭ سوماسىن سارالاپ بەلگٸلەۋ تۋرالى ۇسىنىسىمىزدى قولدادى. قازٸر بۇل سوما بەرٸنە ورتاق – 200 مىڭ تەڭگە. سايلاۋ قورىنىڭ سوماسى ەكٸمٸ اۋىساتىن ەلدٸ مەكەننٸڭ مٶلشەرٸنە قاراي بەلگٸلەنۋٸ كەرەك. سەبەبٸ ەلدٸ مەكەن شاعىن بولسا, تۇرعىندارىنىڭ سانى 500-1000 ادامنان اسپاسا, ٷگٸت-ناسيحات جۇمىستارىنا كٶپ شىعىن كەتپەيدٸ. ال الماتى وبلىسىنداعى بايسەركە اۋىلى سيياقتى 25 مىڭ حالقى بار اۋىلداردا 200 مىڭ تەڭگەگە ەشتەڭە ٸستەي المايسىڭ. مەملەكەت باسشىسى وسى ٷش ۇسىنىمىزدى ماقۇلدادى. ەندٸ پرەزيدەنت ەكٸمشٸلٸگٸ سولاردى ەنگٸزۋ جۇمىستارىن پىسىقتاپ جاتىر», - دەدٸ ۇلتتىق قوعامدىق سەنٸم كەڭەسٸنٸڭ مٷشەسٸ.
