نۇر-سۇلتان قالاسىنىڭ ەسٸل اۋداندىق سوتىندا ۇلتتىق ەكونوميكا مينيسترلٸگٸ كەسٸپكەرلٸكتٸ دامىتۋ دەپارتامەنتٸنٸڭ ديرەكتورى اسلانبەك جاقىپوۆقا قاتىستى العاشقى سوت تىڭداۋى ٶتتٸ, دەپ حابارلايدى Sputnik اگەنتتٸگٸ.
سۋديا قانات توباعاليۇلىنىڭ سۇراعىنا جاۋاپ بەرگەن ايىپتالۋشى 1987 جىلى ٷشٸنشٸ تامىزدا اقمولا وبلىسى كٶكشەتاۋ قالاسىندا دٷنيە كەلگەنٸن ايتتى.
"ەكٸ جوعارى بٸلٸمٸم بار: زاڭ جەنە ەكونوميكا سالاسىندا, ساياساتتانۋ بويىنشا ماگيستر دەرەجەسٸن العانمىن, ٸسكەرلٸك باسقارۋ دوكتورىمىن. ۇلتتىق ەكونوميكا مينيسترلٸگٸ كەسٸپكەرلٸكتٸ دامىتۋ دەپارتامەنتٸنٸڭ ديرەكتورىمىن. ٷيلەنبەگەنمٸن, وسى جازدا شاڭىراق كٶتەرگەلٸ وتىرمىن", - دەدٸ جاقىپوۆ.
ۇلتتىق ەكونوميكا مينيسترلٸگٸنٸڭ باسپاسٶز قىزمەتٸ حابارلاعانداي, اسلانبەك جاقىپوۆ قىزمەتٸنەن بوساتىلىپ نەمەسە شەتتەتٸلمەگەن, قازٸر ەڭبەك دەمالىسىندا ەكەن.
ٸس بويىنشا مەملەكەتتٸك ايىپتاۋشى – پروكۋرور مۇرات ەدٸل. وتىرىس باستالعاننان كەيٸن ايىپتاۋ تارابى مەن جەبٸرلەنۋشٸلەر سوت وتىرىسىن 29 مامىرعا قالدىرۋ تۋرالى ٶتٸنٸشحات بەردٸ.
شەنەۋنٸككە قازاقستاننىڭ قىلمىستىق كودەكسٸنٸڭ 190-بابى ٷشٸنشٸ بٶلٸمٸ (جاۋاپتى مەملەكەتتٸك لاۋازىم يەسٸنٸڭ الاياقتىق جاساۋى) بويىنشا ايىپ تاعىلعان.
بۇل باپ بويىنشا سوتتالۋشى ٷش جىلدان جەتٸ جىلعا دەيٸن باس بوستاندىعىنان ايىرىلىپ, مٷلكٸ تەركٸلەنەدٸ, سونداي-اق, بەلگٸلٸ بٸر قىزمەتتٸ اتقارۋ قۇقىعىنان ٶمٸر بويىنا ايىرىلادى.
ەسكە سالا كەتسەك, اسلانبەك جاقىپوۆقا بيىل سەۋٸر ايىندا 500 مىڭ تەڭگە پارا الدى دەگەن ايىپ تاعىلدى.
كەيٸنٸرەك سىبايلاس جەمقورلىققا قارسى ٸس-قيمىل ۇلتتىق بيۋروسى حابارلاعانداي, ۇلتتىق ەكونوميكا مينيسترلٸگٸنٸڭ بٸرقاتار لاۋازىمدى تۇلعاسىنا قاتىستى سوتقا دەيٸنگٸ تەرگەۋ باستالعان بولاتىن. جاقىپوۆتىڭ ٸسٸ الاياقتىق بابىمەن الماستىرىلدى.
