ۇلتتىق بانك تٶراعاسى عالىمجان پٸرماتوۆ تەڭگەنٸڭ قۇبىلمالىق قاۋپٸنٸڭ ساقتالاتىنىن مەلٸمدەدٸ, - دەپ حابارلايدى Tengrinews.kz.
ول سەۋٸردە ەلەمدٸك قارجى نارىعىنداعى قۇبىلمالىققا قاراماستان, تەڭگە بٸر دوللارعا 445,62 تەڭگەگە نەمەسە 4,6 پايىزعا قىمباتتاعانىن ەسكە سالدى.
"سەۋٸردە شەتەل ۆاليۋتاسىنا سۇرانىس ايتارلىقتاي تٶمەندەدٸ. قازاقستان قور بيرجاسىنداعى ساۋدا-ساتتىقتىڭ ورتاشا كٷندٸك كٶلەمٸ 179 ميلليون دوللاردان 92 ميلليون دوللارعا دەيٸن ازايدى. ۆاليۋتا نارىعىنا كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمدٸ ساتۋى قولداۋ كٶرسەتتٸ, ولار شامامەن 253,2 ميلليون دوللار بولدى", - دەدٸ پٸرماتوۆ ٷكٸمەت وتىرىسىندا.
ۇلتتىق بانكتٸڭ مەلٸمەتٸنشە, سەۋٸردە ۇلتتىق قوردان رەسپۋبليكالىق بيۋدجەتكە اۋدارىمداردى قامتاماسىز ەتۋ ٷشٸن شەتەل ۆاليۋتاسىن ساتۋ 168,3 ميلليون دوللار بولعان. ۇلتتىق قوردان تٷسكەن ساتۋ ٷلەسٸ جالپى ساۋدا كٶلەمٸنٸڭ 8,7 پايىزىن قۇراعان.
"سەۋٸردە ٸشكٸ ۆاليۋتا نارىعىنداعى جاعدايدىڭ تۇراقتانۋى اياسىندا ۇلتتىق بانك ۆاليۋتالىق ينتەرۆەنتسييالاردى جٷرگٸزگەن جوق. قىسقا مەرزٸمدٸ پەرسپەكتيۆادا گەوساياسي جاعدايدىڭ بەلگٸسٸزدٸگٸنە بايلانىستى تەڭگەنٸڭ قۇبىلمالىق تەۋەكەلدەرٸ ساقتالادى. ۇلتتىق بانك تەڭگەرٸمسٸزدٸكتٸڭ جينالۋىن بولدىرمايتىن جەنە التىن-ۆاليۋتا رەزەرۆتەرٸنٸڭ ساقتالۋىن قامتاماسىز ەتەتٸن يكەمدٸ ايىرباس باعامى رەجيمٸن ساقتاۋدى جالعاستىرادى", - دەپ قوستى پٸرماتوۆ.
