قازاقستان رەسپۋبليكاسىنىڭ سىرتقى بورىشى 2018 جىلعى 1 قاڭتارداعى جاعداي بويىنشا 168 ملرد اقش دوللارىن قۇرادى. بۇل تۋرالى پارلامەنت سەناتىندا تٸلشٸلەرگە ۇلتتىق بانك تٶراعاسى دانييار اقىشەۆ مەلٸم ەتتٸ, دەپ حابارلايدى قازاقپارات تٸلشٸسٸ.
ونىڭ اتاپ ٶتۋٸنشە, سىرتقى بورىشتىڭ 62 پايىزى فيرماارالىق بەرەشەككە تيەسٸلٸ. ول نەگٸزٸنەن قازاقستاننىڭ اۋماعىندا مۇناي-گاز جوبالارىن ٸسكە اسىراتىن شەتەلدٸك كومپانييالار فيليالدارىنىڭ قارىزىنان تۇرادى.
«مەملەكەتتٸك سەكتوردىڭ سىرتقى بورىشى 8 پايىزدى, مەملەكەت باقىلايتىن ۇيىمداردىڭ ٷلەسٸ - 16 پايىزدى, جەكە سەكتوردىڭ بورىشى 14 پايىزدى قۇرايدى», - دەپ تٷسٸندٸردٸ د. اقىشەۆ.
ۇب باسشىسى سوڭعى 3 جىلدا قازاقستاننىڭ سىرتقى بورىشى مەملەكەتتٸڭ جەنە ونىڭ باقىلاۋىنداعى ۇيىمداردىڭ سىرتقى بورىشىنىڭ, سونداي-اق توپٸشٸلٸك قارجىلاندىرۋدىڭ ەسەبٸنەن 10 ملرد اقش دوللارىنا نەمەسە 6% ۇلعايعانىن ايتىپ بەردٸ.
«جەكە قارجى سەكتورىنىڭ سىرتقى مٸندەتتەمەلەرٸ 4 ملرد اقش دوللارىنا نەمەسە 56 پايىزعا قىسقاردى», - دەپ اتاپ ٶتتٸ د. اقىشەۆ.
د. اقىشەۆتٸڭ سٶزٸنە قاراعاندا, قازٸرگٸ ۋاقىتتا ٷكٸمەت مەملەكەتتٸك جەنە كۆازيمەملەكەتتٸك قارىز الۋدى باقىلاۋ كٷشەيتٸلٸپ جاتىر. ۇلتتىق بانك ٶز كەزەگٸندە قارجى ۇيىمدارىنىڭ سىرتقى بورىشىن رەتتەۋ جۇمىسىن جالعاستىرادى.
