ۇلتتىق بانك ورتاشا ەسەپپەن كٷنٸنە ۇلتتىق تٶلەم جٷيەلەرٸ ارقىلى جالپى سوماسى 3,1 ترلن تەڭگەگە 169,3 مىڭ تٶلەم جٷرگٸزگەن, دەپ حابارلايدى "ۇلت اقپارات".
بىلتىر قازاقستان اۋماعىندا ۇلتتىق ۆاليۋتادا جٷرگٸزٸلگەن قولما-قول اقشاسىز تٶلەمدەر مەن اقشا اۋدارىمدارىنىڭ جالپى كٶلەمٸ 793 ترلن تەڭگەنٸ قۇرادى, ونىڭ 96%-ى ۇلتتىق بانكتٸڭ تٶلەم جٷيەلەرٸ (بانكارالىق اقشا اۋدارۋ جٷيەسٸ جەنە بانكارالىق كليرينگ جٷيەسٸ) ارقىلى جٷرگٸزٸلدٸ.
«2019 جىلى كٶرسەتٸلگەن تٶلەم جٷيەلەرٸ ارقىلى 762,0 ترلن تەڭگە سوماسىنا 41,6 ملن ترانزاكتسييا جٷرگٸزٸلدٸ. ورتاشا ەسەپپەن كٷنٸنە ۇلتتىق تٶلەم جٷيەلەرٸ ارقىلى جالپى سوماسى 3,1 ترلن تەڭگەگە 169,3 مىڭ تٶلەم جٷرگٸزٸلەدٸ, ياعني وپەراتسييالىق كٷندەرٸ ورتا ەسەپپەن مينۋتىنا 4,4 ملرد تەڭگە ٶتەدٸ», – دەپ حابارلايدى ۇلتتىق بانكتٸڭ باسپاسٶز قىزمەتٸ.
ۇلتتىق بانكتٸڭ تٶلەم جٷيەلەرٸنٸڭ جۇمىسقا قابٸلەتتٸلٸك كوەففيتسيەنتٸ 2019 جىلى 99,99% بولدى. بۇل بەلگٸلەنگەن نىسانالى كٶرسەتكٸشتەن اسىپ تٷسەدٸ جەنە ۇلتتىق تٶلەم جٷيەلەرٸ جۇمىسىنىڭ جوعارى تيٸمدٸلٸگٸن سيپاتتايدى.
