ۇلتتىق بانكتٸڭ مونەتارلىق وپەراتسييالار دەپارتامەنتٸنٸڭ ديرەكتورى نۇرجان تۇرسىنحانوۆ ۆاليۋتا نارىعىنداعى قازٸرگٸ جاعداي تۋرالى تٷسٸندٸردٸ, دەپ حابارلايدى قازاقپارات.
ونىڭ پايىمىنشا, دامىعان جەنە دامۋشى ەلدەردٸڭ ۆاليۋتالارى ينفلياتسييا مەن گەوساياسي تۇراقسىزدىققا قارسى كٷرەس اياسىندا قىسىمعا ۇشىراپ وتىر. ۇلتتىق ۆاليۋتا دا ورنىعىپ قالعان ٸشكٸ فاكتورلارعا بايلانىستى جەنە سىرتقى ٶزگەرٸستەردٸڭ ەسەرٸنەن قۇبىلمالى كٷي كەشۋدە.
«دوللاردىڭ رەسمي باعامى اي باسىنان بەرٸ 12,16 تەڭگەگە نەمەسە 2,6%-عا ەلسٸرەپ, 8 شٸلدەدە 477,24 تەڭگەنٸ قۇرادى. بۇل ورايدا, اقش دوللارىنىڭ جاھاندىق نىعايۋى, ەنەرگييا تاسىمالداۋشىلار باعاسىنىڭ تٶمەندەۋٸ, سونداي-اق قازاقستانداعى كاسپيي قۇبىرى جەلٸسٸ كونسورتسيۋمىنىڭ تەڭٸز تەرمينالى قىزمەتٸن توقتاتا تۇرۋ تەۋەكەلدەرٸ, سول سەبەپتەن نارىققا قاتىسۋشىلار سەنتيمەنتٸنٸڭ ناشارلاۋى, قازاقستاندىق كومپانييالاردىڭ يمپورتتىق وپەراتسييالارى تەڭگە ديناميكاسىنا ەسەر ەتكەن نەگٸزگٸ فاكتورلار بولدى. اقش قازىناشىلىق وبليگاتسييالارى كٸرٸستٸلٸگٸنٸڭ ٶسۋٸ مەن اقش دوللارىنىڭ نىعايۋى دامىعان, سول سيياقتى دامۋشى ەلدەردٸڭ ۆاليۋتالارىنا قىسىم جاسادى», - دەدٸ ول.
نۇرجان تۇرسىنحانوۆتىڭ مەلٸمەتٸنشە, DXY يندەكسٸ 7 شٸلدەدە 107,13 دەڭگەيٸنە دەيٸن, ياعني 2,3%-عا ٶستٸ, ال JPMorgan دامۋشى ەلدەرٸ ۆاليۋتالارىنىڭ يندەكسٸ 3,3%-عا ەلسٸرەدٸ. ەۋرونىڭ اقش دوللارىنا قاتىستى 1,016 دەڭگەيٸنە دەيٸن ەلسٸرەۋٸ شامامەن تەپە-تەڭدٸككە جەتٸپ, ەلەۋلٸ جاعداي ورىن الدى.
«7 شٸلدەدەگٸ جاعداي بويىنشا, Brent ماركالى مۇناي باعاسى اي باسىنان بەرٸ 8,8%-عا تٶمەندەپ, باررەلٸنە 104,65 اقش دوللارىن قۇرادى. مەسكەۋ بيرجاسىنداعى رەسەي رۋبلٸنٸڭ باعامى اي باسىنان بەرٸ 20%-عا ەلسٸرەپ, 61,95 دەڭگەيٸندە قالىپتاستى. ٸشكٸ فاكتورلار اراسىندا يمپورتتىق وپەراتسييالاردى جٷزەگە اسىرۋ ٷشٸن ۆاليۋتاعا ساقتالىپ وتىرعان سۇرانىس, سىرتقى بورىشتاردى ٶتەۋ, سونداي-اق جەكە تۇلعالار تاراپىنان شەتەل ۆاليۋتاسىنا تۇراقتى سۇرانىس تەڭگە ديناميكاسىنىڭ نەگٸزٸن قالادى», - دەدٸ ۇلتتىق بانك ٶكٸلٸ.
جالپى العاندا, ەنەرگييا تاسىمالداۋشىلار باعاسىنىڭ تٶمەندەۋٸنە بايلانىستى نارىققا قاتىسۋشىلار سەنتيمەنتٸنٸڭ ناشارلاۋى بايقالادى.
ەركٸن ٶزگەرمەلٸ باعام جاعدايىندا تەڭگە ٷشٸن قۇبىلمالىلىقتىڭ ورىن الۋى – نارىقتاعى قالىپتى جاعداي.
ماماننىڭ ايتۋىنشا, اي باسىنان بەرٸ ۇلتتىق بانك ۆاليۋتالىق ينتەرۆەنتسييالار جٷرگٸزگەن جوق. بۇل رەتتە قارجىلىق تۇراقتىلىققا تٶنەتٸن قاۋٸپتٸ بولدىرماۋ ٷشٸن ۆەدومتسۆو شامادان تىس باعام قۇبىلمالىعى كەزٸندە ۆاليۋتا ساۋدا-ساتتىعىنا ارالاسۋ قۇقىعىن ٶزٸنە قالدىرادى.
«قىسقا مەرزٸمدٸ پەرسپەكتيۆادا تەڭگە ديناميكاسى يمپورتتىق وپەراتسييالار مەن دەمالىس ماۋسىمى اياسىندا قاتىسۋشىلار تاراپىنان شەتەل ۆاليۋتاسىنا سۇرانىستىڭ ارتۋىنا بايلانىستى بولادى. كٶرشٸلەس ٶڭٸرلەردەگٸ گەوساياسي احۋال, سونداي-اق ەلەمدٸك نارىقتارداعى جاعدايلار دامۋشى ەلدەردٸڭ ۆاليۋتالارىنا قاتىستى ينۆەستورلاردىڭ جالپى سەنتيمەنتٸنە ىقپالىن ساقتايدى», - دەدٸ نۇرجان تۇرسىنحانوۆ.
ۇلتتىق بانك تەڭگەرٸمسٸزدٸكتەردٸڭ جيناقتالۋىن بولدىرمايتىن جەنە التىن-ۆاليۋتا رەزەرۆتەرٸنٸڭ ساقتالۋىن قامتاماسىز ەتەتٸن يكەمدٸ باعام بەلگٸلەۋ رەجيمٸن ۇستانۋدى جالعاستىرا بەرەدٸ.
