اقش دوللارى باعامىنىڭ قارقىنى فەدەرالدى رەزەرۆ جٷيەسٸنٸڭ مەلٸمدەمەسٸنە وراي ٶزگەرەدٸ. بۇل تۋرالى ۇلتتىق بانك تٶراعاسىنىڭ ورىنباسارى ەلييا مولدابەكوۆا ايتتى, دەپ حابارلايدى قازاقپارات.
«اقش دوللارى مەن ەۋرونىڭ باعامىنا بٸرقاتار فاكتور ىقپال ەتەتٸنٸ تٷسٸنكتٸ. ولاردىڭ اراسىندا نەگٸزگٸسٸ فەدەرالدى رەزەرۆ جٷيەسٸنٸڭ (فرج) ساياساتىنا قاتىستى. بۇعان دەيٸن بٸرنەشە رەت اقش-تىڭ فەدەرالدى رەزەرۆ جٷيەسٸ ينفلياتسييامەن كٷرەس اياسىندا بازالىق مٶلشەرلەمەنٸ ارى قاراي كٶتەرەتٸنٸ جايىندا مەلٸمدەگەن ەدٸ. بۇل ٶز كەزەگٸندە ۆاليۋتا نارىعىنداعى احۋالعا ايتارلىقتاي ەسەر ەتٸپ وتىر», - دەدٸ مولدابەكوۆا ەلوردادا ٶتكەن باسپاسٶز مەسليحاتىندا.
ونىڭ ايتۋىنشا, فرج مٶلشەرلەمەسٸنٸڭ ارتۋى دوللاردىڭ نىعايۋىنا الىپ كەلەدٸ. بۇل تۇرعىدا دامىعان جەنە دامۋشى ەلدەردٸڭ ۆاليۋتالارى, سونىڭ اراسىندا ەۋرو باعامى قۇبىلمالى بولادى. سونىڭ سالدارىنان بۇل ۆاليۋتالار دوللارعا قاراعاندا ەلسٸرەپ وتىر.
«اقش دوللارى, ەۋرو جەنە باسقا دا ۆاليۋتالار باعامىنىڭ الداعى قارقىنى فەدەرالدى رەزەرۆ جٷيەسٸنٸڭ مەلٸمدەمەسٸنە, سونداي-اق پايىز مٶلشەرلەمەسٸن كٶتەرۋ قارقىنىنا وراي ٶزگەرەدٸ», - دەدٸ ۇب باسشىسىنىڭ ورىنباسارى.
فەدەرالدى رەزەرۆ جٷيەسٸ قاتاڭ مونەتارلى ساياساتتى ۇستانىپ وتىرعانىنا توقتالعان ول: «سوندىقتان نارىققا قاتىسۋشىلاردىڭ كٶبٸسٸ اقش دوللارى ارى قاراي نىعايا تٷسەدٸ دەگەن بولجام ايتىپ وتىر», - دەدٸ.
