ۇلتتىق بانك تٶراعاسىنىڭ كەڭەسشٸسٸ ولجاس تٶلەۋوۆ Galymzhan باعا مونيتورينگٸ جٷيەسٸ مەن ايماقتارداعى ينفلياتسييانىڭ قالىپتاسۋ ەرەكشەلٸكتەرٸ تۋرالى ايتتى, دەپ حابارلايدى قازاقپارات.
Galymzhan – ۇلتتىق بانك ماماندارى جاساپ شىعارعان جەنە ٷنەمٸ جەتٸلدٸرٸپ وتىرعان اناليتيكالىق باعدارلاما. بۇل قۇرال ەڭ الدىمەن ينفلياتسييانىڭ پروكسي-ينديكاتورىن قۇرۋ ارقىلى تۇتىنۋ نارىعىنداعى باعانى كٷن سايىن باقىلاۋ ٷشٸن جەنە سول كەزدەگٸ جاعدايعا باعا بەرۋ ٷشٸن پايدالانىلادى.
ينفلياتسييالىق تارگەتتەۋ ساياساتىن ۇستاناتىن ورتالىق بانكتەر ٷشٸن قازٸرگٸ ۋاقىتتا بولىپ جاتقان ينفلياتسييالىق ٷردٸستەردٸ باقىلاۋ جەنە تالداۋ ماڭىزدى ەكەنٸ انىق. باعانىڭ ٶزگەرٸسٸنە قاتىستى ۋاقىتىلى اقپارات الىپ وتىرسا, ەر تٷرلٸ داعدارىس كەزٸندە ەرەكەت ەتٸپ, قاجەت بولعان جاعدايدا اقشا-كرەديت ساياساتى بويىنشا شەشٸمدەردٸ ۋاقىتىندا تٷزەتۋگە مٷمكٸندٸك بەرەدٸ. بٸراق, سولاي بولا تۇرا, تۇتىنۋشى كورزيناسىنداعى تاۋارلاردىڭ باعاسىنداعى ٶزگەرٸسكە جەدەل اناليز جاساۋدى تەجەپ وتىرعان فاكتور – رەسمي باعا ستاتيكاسىنىڭ جيٸ جارييالانۋى.
«مەسەلەن, ايدىڭ سوڭىندا قازاقستاندا تۇتىنۋ باعالارىنىڭ يندەكسٸن ۇلتتىق ستاتيستيكا بيۋروسى جارييالايدى, ال ەلەۋمەتتٸك ماڭىزى بار ازىق-تٷلٸك تاۋارلارىنىڭ ينفلياتسيياسى تۋرالى مەلٸمەتتەر اپتا سايىن ۇسىنىلادى. بۇل ٶتە ماڭىزدى جەنە جەدەل اقپارات. الايدا, جەكەلەگەن سەتتەردە ەكونوميكالىق جاعدايعا نەعۇرلىم ەگجەي-تەگجەيلٸ جەنە تيٸمدٸ تالداۋ جٷرگٸزۋ جەتكٸلٸكسٸز بولۋى مٷمكٸن. وسىعان بايلانىستى Galymzhan جٷيەسٸ سيياقتى زاماناۋي ەدٸستەر مەن قۇرالداردىڭ قاجەتتٸلٸگٸ تۋىندايدى», - دەيدٸ ولجاس تٶلەۋوۆ.
ونىڭ ايتۋىشا, Galymzhan جٷيەسٸنٸڭ جۇمىسى ۆەب-سكرەپينگ تەحنولوگيياسىن قولدانۋعا نەگٸزدەلگەن, ياعني, ينتەرنەتتەگٸ باعالار تۋرالى اقپارات اۆتوماتتاندىرىلعان تەسٸلمەن جينالادى.
«بٸز قازٸر جٷيەنٸڭ ەكٸنشٸ نۇسقاسىن دايىنداپ جاتىرمىز, ول Galymzhan 2.0 دەپ اتالادى. ول ەزٸرگە سىنالىپ جاتىر. باعدارلاما كٷن سايىن قازاقستاننىڭ 6 قالاسىنداعى ەر تٷرلٸ برەندتەردٸڭ 16 رەسمي ينتەرنەت-رەسۋرسىندا بار 140 مىڭعا جۋىق ازىق-تٷلٸك جەنە تۇتىنۋ تاۋارلارىن باقىلايدى. بۇل – نۇر-سۇلتان, الماتى, شىمكەنت, قاراعاندى, پاۆلودار, ٶسكەمەن قالالارى. كٶپ ۇزاماي سولتٷستٸك پەن باتىستاعى قالالاردى دا قامتۋ ويدا بار. سونىمەن, NWPT توبى بويىنشا بٸز باعا ينديكاتورلارىن تولىق بٸرٸكتٸرۋ ارقىلى كٷن سايىن 19 تاۋار كاتەگوريياسى بويىنشا 5000 ازىق-تٷلٸك تاۋارلارى-ٶكٸلدەرٸ تۋرالى اقپارات جينايمىز. ياعني, ورتا ەسەپپەن NWPT سەبەتٸنەن بٸر تاۋار ساناتىنا شامامەن 263 ٶكٸل-تاۋاردان كەلەدٸ. سونىمەن بٸرگە, 2018 جىلى قۇرىلعان Galymzhan 1.0 جٷيەسٸنٸڭ بٸرٸنشٸ نۇسقاسىندا تۇتىنۋ سەبەتٸ ٶنٸمنٸڭ بٸر ساناتىنا تەك بٸر تاۋاردان كەلگەن. ٶكٸلەتتٸ تاۋارلاردىڭ نەعۇرلىم كٶپ مٶلشەرٸن قولدانۋ ٷلگٸنٸڭ رەپرەزەنتاتيۆتٸلٸگٸن ارتتىرۋعا جەنە سوڭعى ەسەپتەلگەن يندەكس ديناميكاسىنىڭ قۇبىلمالىلىعىن تٶمەندەتۋگە مٷمكٸندٸك بەردٸ», - ۇلتتىق بانك ٶكٸلٸ.
Galymzhan جٷيەسٸنٸڭ جالپى ماقساتى – بەلگٸلٸ بٸر دەڭگەيدە قازاقستانداعى ينفلياتسييالىق پروتسەستەردٸڭ ديناميكاسىن كٶرسەتەتٸن پروكسي-ينفلياتسييا ينديكاتورىن قۇرۋ ەكەنٸن اتاپ ٶتكەن جٶن. باعالار تۋرالى جيناقتالعان مەلٸمەتتەر ولاردى قازاقستانداعى تۇتىنۋشىلىق ينفلياتسييانىڭ جەتەكشٸ بولجامى رەتٸندە پايدالانۋعا مٷمكٸندٸك بەرەدٸ.
«Galymzhan جٷيەسٸندەگٸ ەلەۋمەتتٸك ماڭىزى بار ازىق-تٷلٸك تاۋارلارى توبى بويىنشا بٸز جيناقتاعان مەلٸمەتتەردٸ تالداۋ بارىسىندا ينتەرنەت-دٷكەندەردٸڭ مەلٸمەتتەرٸ ۇلتتىق ستاتيستيكا بيۋروسىنىڭ كلاسسيكالىق زەرتتەۋ ەدٸسٸمەن بەلگٸلەنگەن باعالارمەن سالىستىرعاندا تەز ٶزگەرەتٸنٸ انىقتالدى. بۇل ينتەرنەت-دٷكەندەردەگٸ تاۋار اينالىمىنىڭ جوعارىلاۋىمەن جەنە باعانى جاڭارتۋعا ايقىن شىعىنداردىڭ بولماۋىمەن بايلانىستى بولۋى مٷمكٸن. ماكروەكونوميكاداعى بۇل قۇبىلىس «مەزٸر ەففەكتٸسٸ» دەپ اتالادى», - دەيدٸ سپيكەر.
سونىمەن قاتار, ينتەرنەت-دٷكەندەردەگٸ باعانىڭ ٶسۋ قارقىنى كٶپ جاعدايدا بٶلشەك ساۋدا نٷكتەلەرٸنە قاراعاندا تٶمەن ەكەنٸن بايقادىق. بولجام بويىنشا, بۇل فاكت ٶزٸنٸڭ جەكە ينتەرنەت-دٷكەنٸنٸڭ بولۋى ٸرٸ ازىق-تٷلٸك تٸزبەگٸنٸڭ قۇزىرەتٸنە بايلانىستى, مۇندا تٷپكٸلٸكتٸ ٶنٸمنٸڭ قۇنى ماسشتابتى ٷنەمدەۋگە بايلانىستى جالعىز ساۋدا نٷكتەلەرٸمەن سالىستىرعاندا تٶمەن بولۋى مٷمكٸن.
«بٸز, سونداي-اق, ونلاين-باعانىڭ ٶزگەرۋٸ مەن ۇلتتىق ستاتيستيكا بيۋروسىنىڭ كلاسسيكالىق زەرتتەۋ ەدٸسٸمەن تٸركەلگەن باعالار اراسىنداعى ۋاقىتتىڭ ارتتا قالۋىن بايقادىق. بۇل, ٶز كەزەگٸندە, Galymzhan جٷيەسٸمەن ەسەپتەلگەن ينديكاتوردى جەتەكشٸ ينديكاتور رەتٸندە جەنە ەلەۋمەتتٸك ماڭىزدى ٶنٸم باعالارىنىڭ ٶزگەرۋٸ تۋرالى رەسمي دەرەكتەردٸڭ بولجامى رەتٸندە پايدالانۋعا مٷمكٸندٸك بەرەدٸ», - دەيدٸ ول.
Galymzhan 2.0 جٷيەسٸنٸڭ ارتىقشىلىعى - نارىقتاعى اياق استى كەزەڭدەردە باعا ديناميكاسىنا تەرەڭ تالداۋ جٷرگٸزە الاتىنىن كٶرسەتٸپ وتىر.
«ٶز كەزەگٸندە, ساراپشىلار, اكادەمييالىق ورتا مەن قارجى نارىعىنىڭ قاتىسۋشىلارى ٷشٸن جٷيەنٸڭ نەتيجەلەرٸ ماڭىزدى اقپارات كٶزٸنە اينالۋى مٷمكٸن, ونىڭ نەگٸزٸندە ينفلياتسييالىق پروتسەستەرگە قاتىستى ماڭىزدى جەنە ەگجەي-تەگجەيلٸ عىلىمي-قولدانبالى زەرتتەۋلەر جٷرگٸزۋگە بولادى», - دەپ قورتىندىلادى ولجاس تٶلەۋوۆ.
