ەلٸمٸزدە قۇرىلاتىن قارجى نارىعىن رەتتەيتٸن اگەنتتٸككە ۇلتتىق بانكتٸڭ 500 قىزمەتشٸسٸ اۋىسادى. بۇل تۋرالى ۇلتتىق بانك تٶراعاسى ەربولات دوساەۆ پارلامەنت سەناتىنىڭ جالپى وتىرىسىندا مەلٸمدەدٸ.
"قىزمەتٸشەلەر مەرتەبەسٸن بەكٸتۋدٸ ۇسىنا وتىرىپ ۇلتتىق بانك جوعارى بٸلٸكتٸ قىزمەتكەرلەردٸ جٷيەلٸ قابىلداۋدى, ەڭبەكاقى تٶلەۋدٸڭ بەسەكەلەس دەڭگەيدە قامتاماسىز ەتەدٸ. سونىمەن قاتار, قارجىلىق تۇراقتىلىقتى قامتاماسىز ەتۋ ماقساتىندا ۇلتتىق بانك پەن اگەنتتٸك قارجىلىق تۇراقتىلىق جٶنٸندەگٸ كەڭەستٸڭ قىزمەتٸ اياسىندا ٶزارا ٸس-قيمىل جاسايدى",- دەدٸ تٶراعا.
دوساەۆتىڭ ايتۋىنشا, ۇلتتىق بانكتەن اگەنتتٸككە اۋىسۋعا بولجانىپ وتىرعان قىزمەتكەرلەردٸڭ جالپى سانى - 500 ادام.
"ۇلتتىق بانكتٸڭ 1200 قىزمەتكەرٸنٸڭ 500-ٸن جاڭا اگەنتتٸككە كٶشٸرەمٸز. بيۋدجەت كوميسسيياسى بٸزگە بەرگەن قارجىسى - 10 ملرد تەڭگە, ونىڭ ٸشٸندە ەڭبەكاقى - 9 ملرد دەيٸن. قارجى سالاسىندا ورتاشا ايلىققا قاراساڭىزدار, ۇلتتىق بانك ٸشٸندە ەكٸ ەسە تٶمەن تٶلەپ وتىرمىز. بٸزدٸڭ جالاقىمىز - 770 مىڭ تەڭگە. نارىققا قاراعاندا ولاردىڭ جالاقىسى 530-540 مىڭعا جەتٸپ وتىر. بانكتەگٸ اكتيۆتەر - 25 ترلن تەڭگە, ساقتاندىرۋ كومپانييالارىنىڭ اكتيۆتەرٸ - 1 ترلن تەڭگە, سوعان قارايتىن ادامداردىڭ جالاقىسى ۇلتتىق بانكتەگٸدەي بولۋى كەرەك", - دەپ ايتتى ول سەناتتىڭ جالپى وتىرىسىندا.
