ۇلتتىق بانك تٶراعاسى ەربولات دوساەۆ دەپوزيتتەرگە قاتىستى ٶزگەرٸستٸ جارييالادى, دەپ حابارلايدى Sputnik قازاقستان تٸلشٸسٸ.
باس بانكيردٸڭ سٶزٸنە قاراعاندا, شەتەل ۆاليۋتاسىن ەل ٸشٸندە ۇستاپ وتىرۋ ماقساتىندا ەكٸنشٸ دەڭگەيلٸ بانكتەر ٷشٸن دەپوزيتتٸڭ جاڭا تٷرٸ ەنگٸزٸلەدٸ. ونى ۇلتتىق بانكتٸڭ ٶزٸندە اشۋعا بولادى.
"ۆاليۋتالىق اكتيۆتەردٸ ەل ٸشٸندە ساقتاۋدى ىنتالاندىرۋ ٷشٸن جاڭا قۇرال رەتٸندە 1 شٸلدەدەن باستاپ بانكتەردٸڭ ۇلتتىق بانكتەگٸ ۆاليۋتالىق دەپوزيتتەرٸ ەنگٸزٸلەدٸ. مۇنداي دەپوزيتتەردٸڭ مەرزٸمٸ – بٸر اي. ال جىلدىق مٶلشەرلەمەسٸ 0,5 پروتسەنتكە دەيٸن بولادى", - دەدٸ دوساەۆ ٷكٸمەتتٸڭ بٷگٸنگٸ وتىرىسىندا.
ونىڭ ايتۋىنشا, كەپٸلدٸك بەرۋ قورى ۇسىنعان قازاقستاندىق دەپوزيتتەر بويىنشا ەڭ جوعارى مٶلشەرلەمە ٶزگەرٸپ وتىر.
"حالىقتىڭ تەڭگەدەگٸ مەرزٸمدٸ ەمەس دەپوزيتتەرٸ بويىنشا ۇسىنىلعان مٶلشەرلەمەنٸ 2019 جىلدىڭ 1 شٸلدەسٸنەن باستاپ 10,5%-تەن 9,8%-كە دەيٸن تٶمەندەتۋ تۋرالى شەشٸم قابىلداندى. سونىمەن قاتار, بيىل 1 ماۋسىمنان باستاپ ون ەكٸ اي جەنە ودان جوعارى مەرزٸممەن شەتەل ۆاليۋتاسىنداعى جيناق پەن مەرزٸمدٸ دەپوزيتتەر بويىنشا 2 پروتسەنتكە دەيٸن كٶتەرٸلدٸ. بۇل شارا بانكتەردٸڭ مٸندەتتەمەلەرٸن ۇزارتۋعا باعىتتالعان", - دەپ اتاپ كٶرسەتتٸ دوساەۆ.
