ۇلتتىق بانك بازالىق مٶلشەرلەمەنٸ جىلدىق 9,00 پروتسەنتكە دەيٸن تٶمەندەتۋگە شەشٸم قابىلدادى. پروتسەنتتٸك دەلٸز ارتىق/كەمٸ 1,5 پروتسەنتتٸك تارماققا دەيٸن قىسقارىپ وتىر, دەپ حابارلايدى "ۇلت اقپارات" بانكتٸڭ رەسمي سايتىنا سٸلتەمە جاساپ.
"تيٸسٸنشە, ٶتٸمدٸلٸكتٸ ۇسىنۋ بويىنشا تۇراقتى قول جەتكٸزۋ وپەراتسييالارى بويىنشا مٶلشەرلەمە 10,5% جەنە ٶتٸمدٸلٸكتٸ الۋ بويىنشا تۇراقتى قول جەتكٸزۋ وپەراتسييالارى بويىنشا مٶلشەرلەمە 7,5% بولادى", – دەلٸنگەن رەسمي حابارلامادا.
بيىل مامىر-ماۋسىم ايلارىندا ەكونوميكالىق بەلسەندٸلٸك قاتتى قىسقاردى. پروينفلياتسييالىق تەۋەكەلدەر دە ەلسٸرەدٸ. الايدا بولجام باسقاشا بولعان. كارانتيندٸ قاتاڭداتۋ بويىنشا قابىلدانعان قوسىمشا شارالار دا دەزينفلياتسييالىق ەسەر ەتەدٸ. سول سەبەپتٸ بازالىق مٶلشەرلەمەنٸ تٶمەندەتۋگە تۋرا كەلگەن.
"دوللارلاندىرۋدىڭ ٶسۋ تەۋەكەلدەرٸ ايتارلىقتاي تٶمەندەدٸ, بۇل مٶلشەرلەمەنٸ تٶمەندەتۋ ٷشٸن ەلەۋەتتٸ كەڭەيتتٸ. تەڭگە اكتيۆتەرٸن قورعاۋ بويىنشا جەدەل شارالار نەتيجەسٸندە اعىمداعى جىلعى التى ايدىڭ قورىتىندىسى بويىنشا دەپوزيتتەردٸ دوللارلاندىرۋ الدىن الا دەرەكتەر بويىنشا 43,1%-تەن 40,0%-كە دەيٸن تٶمەندەدٸ. بۇل بازالىق مٶلشەرلەمەنٸ تٶمەندەتۋ مٷمكٸندٸگٸنە دە ىقپال ەتەدٸ",– دەيدٸ بانك ماماندارى.
رەسمي اقپاراتقا سەيكەس, بازالىق مٶلشەرلەمەنٸڭ جاڭا دەڭگەيٸ كرەديتتەردٸڭ قۇنىن تٶمەندەتە وتىرىپ, ٶسٸرٸلگەن كرەديتتٸك تەۋەكەلدەردٸ بەلگٸلٸ بٸر دەرەجەدە ٶتەۋگە مٷمكٸندٸك بەرەدٸ. سونىمەن قاتار, قازاقستان ەكونوميكاسىنا كارانتيندٸ كٷشەيتۋ جٶنٸندەگٸ شارالار سالدارىنىڭ ىقپالىن رەتتەۋگە ىقپال ەتٸپ, قازاقستان ەكونوميكاسىنىڭ ٶسۋٸن قالپىنا كەلتٸرۋ پروتسەسٸن قولدايدى.
