ۇلتتىق بانك بازالىق مٶلشەرلەمەنٸ +/- 1,00 پايىزدىق تارماق دەلٸزٸمەن جىلدىق 14 پايىز دەڭگەيٸندە بەلگٸلەۋ تۋرالى شەشٸم قابىلدادى, - دەپ حابارلادى "ۇلت اقپارات".
"ٶتٸمدٸلٸكتٸ ۇسىنۋ تۇرعىسىنان تۇراقتى قولجەتٸمدٸ وپەراتسييالار بويىنشا مٶلشەرلەمە 15 پايىز, ال ٶتٸمدٸلٸكتٸ الۋ بويىنشا تۇراقتى قولجەتٸمدٸ وپەراتسييالار بويىنشا مٶلشەرلەمە 13 پايىز بولادى.
بازالىق مٶلشەرلەمەنٸ كٶتەرۋ تۋرالى شەشٸم گەوساياسي تەۋەكەلدەردٸڭ سالدارىنان ينفلياتسييالىق قىسىمنىڭ كٷشەيۋٸ, ەلەمدە, سونداي-اق قازاقستاننىڭ ساۋداداعى سەرٸكتەس ەلدەرٸندەگٸ باعانىڭ ٶسۋٸ مەن ولاردىڭ ەلدەگٸ ٸشكٸ باعاعا اۋىسۋى جاعدايىندا ۇلتتىق بانكتٸڭ ينفلياتسيياعا قارسى ساياسات جٷرگٸزۋگە بەيٸلدٸلٸگٸن كٶرسەتەدٸ. ٷش جىل بويى بايقالىپ وتىرعان وڭ فيسكالدىق قارقىن ينفلياتسييالىق پروتسەستەردٸڭ ماڭىزدى قوزعاۋشى كٷنٸ بولىپ قالا بەرەدٸ", - دەلٸنگەن حابارلامادا.
ۇلتتىق بانكتٸڭ مەلٸمەتٸنشە, 2022 جىلدىڭ ناۋرىز ايىندا جىلدىق ينفلياتسييا تەڭگە باعامى ەلسٸرەپ, سۇرانىس كٶبەيگەندە جەنە جەتكٸزٸلٸم تٸزبەگٸ بۇزىلعاندا 12 پايىزعا (2022 جىلعى اقپاندا - 8,7 پايىز) دەيٸن قارقىن الدى. ازىق-تٷلٸك جەنە ازىق-تٷلٸككە جاتپايتىن تاۋارلار باعاسىنىڭ جىلدىق ٶسۋ قارقىنى, سەيكەسٸنشە 15,4 پايىزدان (10 پايىز) جەنە 10,9 پايىزعا (8,6 پايىز) جەتتٸ. اقىلى قىزمەتتٸڭ قۇنى 8,3 پايىزعا (7,1 پايىز) ٶستٸ.
"ينفلياتسييانىڭ تۇراقتى قالىپتا ٷدەۋٸ تاۋارلار مەن قىزمەتتەردٸڭ كەڭ سپەكترٸنە باعانىڭ ٶسۋٸمەن سيپاتتالادى, بۇنىڭ ٶزٸ 2022 جىلعى ناۋرىزدا بازالىق ينفلياتسييانىڭ ايتارلىقتاي ٶسۋٸمەن راستالادى.
ينفلياتسيياعا قاتىستى كٷتۋلەر بٸر ورىندا تۇراقتاپ قالعان ەمەس جەنە ول جوعارى قۇبىلمالىلىقتى كٶرسەتۋٸن جالعاستىرىپ كەلەدٸ. 2022 جىلدىڭ ناۋرىز ايىندا جٷرگٸزٸلگەن ساۋالناما قورىتىندىسى گەوساياسي احۋالدىڭ ناشارلاعانىن, ۇلتتىق ۆاليۋتانىڭ قۇنسىزدانۋىن كٶرسەتەتٸن قوعامدىق وپتيميزمنٸڭ تٶمەندەۋٸن جەنە ينفلياتسييالىق كٷتۋلەردٸڭ ايتارلىقتاي ارتقانىن كٶرسەتەدٸ. سٶيتٸپ, ينفلياتسييانى بٸر جىل العا ساندىق باعالاۋ 11,4 پايىزدى قۇرادى", - دەلٸنگەن حابارلامادا.
ۇلتتىق بانك اقپاراتىنا سٷيەنسەك, فيسكالدى ساياسات ينفلياتسيياعا قارسى ايتارلىقتاي قىسىم كٶرسەتەدٸ.
"2022 جىلى رەسپۋبليكالىق بيۋدجەتتٸڭ شىعىنى ٶتكەن ٷش جىلدا ورتاشا ٶسۋ قارقىنى 16,7% بولعان كەزٸندە 23,6%-عا ٶسەدٸ. ساقتالىپ وتىرعان وڭ فيسكالدىق سەرپٸن 2022 جىلداعىداي 2023 جىلى دا ينفلياتسيياعا قارسى قىسىم كٶرسەتەدٸ. 2022 جىلى ۇلتتىق قوردان بيۋدجەت تاپشىلىعىن قارجىلاندىرۋعا بەرٸلەتٸن ترانسفەرت 4,6 ترلن تەڭگەنٸ قۇرايدى, سالىستىرمالى تٷردە الىپ قاراعاندا, پاندەمييا مەن جالپى ٸشكٸ ٶنٸم 2,6%-عا قىسقارعاندا 2020 جىلعى 4,8 ترلن تەڭگە بٶلٸنگەن ەدٸ. رەسپۋبليكالىق بيۋدجەت تاپشىلىعىن حالىقارالىق اكتيۆتەرمەن قارجىلاندىرۋ ۆاليۋتا باعامىن قولداۋعا, سونىمەن قاتار يمپورتتى ارتتىرۋعا, بەسەكەگە قابٸلەتتٸلٸكتٸ تٶمەندەتۋگە جەنە تازا فيسكالدىق پوزيتسييانى ەلسٸرەتۋگە مٷمكٸندٸك بەرەدٸ.
2022 جىلدىڭ بٸرٸنشٸ توقسان قورىتىندىسى بويىنشا, قازاقستاندا ەكونوميكالىق بەلسەندٸلٸك ٶسٸمٸ جىلدىق مەندە 4,4% بولدى. قاڭتاردا ەلدٸڭ بارلىق اۋماعىندا تٶتەنشە جاعداي رەجيمٸ ەنگٸزٸلگەندەگٸ ٶسٸمنٸڭ باياۋ ٷردٸسٸ اقپان ايىنان باستاپ ەكونوميكانىڭ كٶپتەگەن سالالارىندا جاقسى كٶرسەتكٸشتەر بايقالدى. جوعارى تۇتىنۋشىلىق سۇرانىس ٸسكەرلٸك بەلسەندٸلٸككە بٸرشاما قولداۋ كٶرسەتتٸ. 2022 جىلدىڭ ناۋرىز ايىندا بٶلشەك ساۋداداعى تاۋار اينالىمىنىڭ ٶسٸمٸ جىلدىق مەندە 3,7%-عا دەيٸن قارقىن الدى. ٷي شارۋاشىلىعىنداعى تۇتىنۋ كٶرسەتكٸشٸ تۇتىنۋشىلىق نەسيەلەۋدٸڭ جەنە حالىقتىڭ ناقتى كٸرٸستەرٸنٸڭ ٶسۋٸمەن دە قولداۋ تاپتى" - دەيدٸ ۇلتتىق بانكتٸڭ باسپاسٶز قىزمەتٸ.
