قازاقستان ۇلتتىق بانكٸ الداعى 10 جىلعا ارنالعان اقشا-كرەديت ساياساتى سالاسىنداعى نەگٸز بولارلىق قۇجات – اقشا-كرەديت ساياساتىنىڭ 2030 جىلعا دەيٸنگٸ ستراتەگيياسىن ماقۇلداپ, جارييالادى. وسى ورايدا قر ۇلتتىق بانكٸ تٶراعاسىنىڭ ورىنباسارى اقىلجان بايماعامبەتوۆ اتالعان قۇجاتقا قاتىستى تٷسٸنٸك بەردٸ, دەپ حابارلايدى قازاقپارات.
ونىڭ ايتۋىنشا, مەملەكەت باسشىسى 2020 جىلدىڭ 1 قىركٷيەگٸندەگٸ جولداۋىندا «اقشا-كرەديت ساياساتىن جاڭادان قاراۋ» مٸندەتٸن اتادى. وسى تاپسىرمانى ٸسكە اسىرۋ ٷشٸن جٷرگٸزٸلٸپ وتىرعان اقشا-كرەديت ساياساتىنىڭ تيٸمدٸلٸگٸن ارتتىرۋ ماقساتىندا ۇلتتىق بانك اقشا-كرەديت ساياساتىنىڭ 2030 جىلعا دەيٸنگٸ ستراتەگيياسىن ەزٸرلەدٸ. ستراتەگييا 2025 جىلعا دەيٸنگٸ ۇلتتىق دامۋ جوسپارى سيياقتى ەلدٸڭ ۇزاق مەرزٸمدٸ قۇجاتتارىمەن ٷيلەستٸرٸلدٸ.
«بٸزدٸڭ نەگٸزگٸ ماقسات – باعا تۇراقتىلىعىن قامتاماسىز ەتۋ. ينفلياتسييالىق تارگەتتەۋ رەجيمٸنە ٶتكەننەن كەيٸن جىل سايىن اقشا-كرەديت ساياساتىنىڭ نەگٸزگٸ باعىتتارى قابىلداندى, ولاردا جٷرگٸزٸلٸپ وتىرعان ساياساتتىڭ الداعى جىلعا ارنالعان باسىمدىقتارى ايقىندالدى. ەندٸ ستراتەگييادا ۇزاق ارالىققا پايىم قالىپتاستىرىلدى, قازاقستانداعى سيياقتى باسقا دا ەلدەردەگٸ ينفلياتسييالىق تارگەتتەۋگە ٶتۋدٸڭ تەجٸريبەسٸ تالداندى, سونداي-اق ترانسميسسييالىق تەتٸكتٸڭ تيٸمدٸلٸگٸن شەكتەيتٸن اعىمداعى كەدەرگٸلەر قارالدى», - دەدٸ اقىلجان بايماعامبەتوۆ.
اقپاندا قابىلدانعان ەلدٸڭ 2025 جىلعا دەيٸنگٸ ۇلتتىق دامۋ جوسپارىن ەسكەرە وتىرىپ, ستراتەگييادا كەدەرگٸلەردٸ جويۋعا جەنە تولىققاندى ينفلياتسييالىق تارگەتتەۋ رەجيمٸنە ٶتۋدٸ اياقتاۋعا مٷمكٸندٸك بەرەتٸن نەگٸزگٸ باسىمدىقتار كٶرسەتٸلدٸ.
«بٸز حالىقارالىق قارجى ينستيتۋتتارىمەن, سونىڭ ٸشٸندە حۆق, دٷنيەجٷزٸلٸك بانك, ەقدب-مەن, سونداي-اق قازاقستاندىق ساراپشىلارمەن, قازاقستاننىڭ قارجىگەرلەر قاۋىمداستىعىمەن جەنە بانك سەكتورىنىڭ ٶكٸلدەرٸمەن ستراتەگييا جوباسىن تالقىلاۋ بويىنشا بٸرنەشە راۋند ٶتكٸزدٸك. ولاردىڭ قورىتىندىسىنا ساي قۇجات تولىقتىرىلىپ, پىسىقتالدى», - دەدٸ ول.
سونىمەن قاتار ول ينفلياتسييالىق تارگەتتەۋدٸڭ تولىققاندى رەجيمٸنە كٶشۋ بويىنشا قاجەتتٸ شارالار تۋرالى ايتىپ بەردٸ.
2015 جىلى ينفلياتسييالىق تارگەتتەۋ رەجيمٸنە كٶشكەن سەتتەن باستاپ ۇلتتىق بانك ونىڭ «تٶرت تٸرەك» دەپ اتالاتىن نەگٸزگٸ ەلەمەنتتەرٸن ەنگٸزدٸ. بۇل ٶزگەرمەلٸ ۆاليۋتا باعامى, پايىزدىق ساياسات, اشىق بايلانىس, تالداۋ جەنە بولجاۋ جٷيەسٸ.
«سوعان قاراماستان, ەنگٸزٸلگەن رەجيمدٸ «ٶتپەلٸ» دەپ سيپاتتاۋعا بولادى, ٶيتكەنٸ قۇرىلىمدىق شەكتەۋلەر بار, نەتيجەسٸندە اقشا-كرەديت ساياساتىنىڭ ەلدەگٸ ينفلياتسييالىق پروتسەستەرگە ەسەرٸ ەلسٸرەدٸ. بۇل كٶبٸنە ەكونوميكانىڭ تٶمەن ەرتاراپتاندىرىلۋىمەن, يمپورتقا تەۋەلدٸلٸكتٸڭ جوعارى بولۋىمەن, قارجى نارىعىنىڭ جەتكٸلٸكتٸ دامىماۋىمەن, جەڭٸل فيسكالدىق شەكتەۋلەر كەزٸندەگٸ مەملەكەتتٸك كرەديتتەۋدٸڭ بەلسەندٸ بولۋىمەن بايلانىستى. حالىقارالىق تەجٸريبەدە مۇنداي رەجيم «light IT» دەپ اتالادى. اتالعان سىن-قاتەرلەردٸ ەڭسەرە وتىرىپ, بٸز ەكونوميكانىڭ تٷرلٸ تەۋەكەلدەرگە ۇشىراۋىنىڭ تٶمەندەۋٸن جەنە سونىڭ سالدارىنان اقشا-كرەديت ساياساتىنىڭ ينفلياتسيياعا ەسەرٸنٸڭ كٷشەيۋٸن كٷتەمٸز. وسىلايشا, بٸز ينفلياتسييالىق تارگەتتەۋدٸڭ تولىق نەمەسە «full-fledged» رەجيمٸنە قول جەتكٸزە الامىز. بۇل قابىلداناتىن شەشٸمدەردٸڭ تيٸمدٸلٸگٸن ارتتىرۋعا جەنە ەكونوميكانىڭ ورنىقتى دامۋى ٷشٸن بازالىق ارتىقشىلىقتارعا قول جەتكٸزۋگە مٷمكٸندٸك بەرەدٸ», - دەپ تٷسٸندٸردٸ ۇب ٶكٸلٸ.
مۇنىمەن قوسا, اقىلجان بايماعامبەتوۆ ستراتەگييا اياسىنداعى جۇمىستىڭ نەگٸزگٸ باعىتتارىن ايتتى.
«قازٸرگٸ بار سىن-قاتەرلەردٸ ەڭسەرٸپ, اقشا-كرەديت ساياساتىنىڭ تيٸمدٸلٸگٸن ارتتىرۋ ٷشٸن بٸز مونەتارلىق نەگٸزدەردٸ كٷشەيتۋ, قارجى سەكتورىن ودان ەرٸ دامىتۋ, سونداي-اق ەلدٸڭ ماكروەكونوميكالىق ساياساتى سالاسىنداعى ٸس-قيمىلداردى ٷيلەستٸرۋ جٶنٸندەگٸ باسىم مٸندەتتەردٸ قامتيتىن ٷش باستى باعىتتى بٶلٸپ كٶرسەتەمٸز», - دەدٸ ول.
