ۋكراينا شىعىسىنداعى سەپاراتيستٸك قۇرىلىمدار "دحر" مەن "لحر", سونىمەن بٸرگە ۋكراينانىڭ رەسەي باقىلاۋىنداعى حەرسون وبلىسى مەن زاپوروجە وبلىسىنىڭ بٸر بٶلٸگٸندە رەسەيگە قوسىلۋ تۋرالى رەفەرەندۋم باستالدى. ۋكراينا, اقش جەنە باتىس ەلدەرٸ "جالعان" رەفەرەندۋم نەتيجەسٸن مويىندامايتىنىن مەلٸمدەدٸ.
ناۋقان بەس كٷنگە سوزىلادى. العاشقى تٶرت كٷندە داۋىس بەرۋ سايلاۋ ۋچاسكەلەرٸندە ەمەس, ورتالىقتان شەتكەرٸ ورنالاسقان ٷيلەردٸ ارالاۋ ارقىلى جٷزەگە اسادى. دونباسس تۇرعىندارى, سونىمەن بٸرگە ۋكراينانىڭ رەسەي ەسكەرٸ باسىپ العان حەرسون وبلىسى مەن زاپوروجە وبلىسىنىڭ بٸر بٶلٸگٸندە تۇراتىندار سايلاۋ ۋچاسكەلەرٸندە 27 قىركٷيەكتە داۋىس بەرەدٸ.
باسقىنشى بيلٸك مۇنداي شەشٸمدٸ "تۇرعىندار قاۋٸپسٸزدٸگٸن ساقتاۋ ماقساتىندا قابىلداندى" دەپ تٷسٸندٸرگەن. تۇرعىنداردىڭ دەنٸ مايدان شەبٸندەگٸ ەلدٸمەكەندەردە داۋىس بەرۋگە مەجبٷر بولادى. داۋىس بەرۋ ۋچاسكەلەرٸ جۇما كٷنٸ رەسەيدە دە اشىلدى.
رەسەي دەل وسىنداي ەدٸستٸ 2014 جىلى قىرىمدى اننەكسييالاۋ كەزٸندە قولدانعان.
جٸكشٸل "دحر" مەن "لحر" تۇرعىندارىنا بٸر عانا ساۋال قويىلادى: "رەسەيگە قوسىلۋدى قالايسىز با?".
رەسەي پرەزيدەنتٸ ۆلاديمير پۋتين بيىلعى اقپاندا بۇل ەكٸ ايماقتىڭ "تەۋەلسٸزدٸگٸن مويىنداۋ" تۋرالى جارلىققا قول قويعان. حەرسون وبلىسى مەن زاپوروجە وبلىسىنىڭ بٸر بٶلٸگٸندەگٸ تۇرعىندارعا قويىلاتىن ٷش ساۋال بٸر سۇراققا بٸرٸكتٸرٸلەدٸ: "سٸز وبلىستىڭ ۋكراينا قۇرامىنان شىققانىن, وبلىستىڭ دەربەس مەملەكەت بولعانىن, ونىڭ رەسەي فەدەراتسيياسى سۋبەكتٸ قۇقىعىمەن رەسەي فەدەراتسيياسىنا قوسىلۋىن قالايسىز با?".
باسىپ الىنعان اۋماقتارداعى رەفەرەندۋم, 2014 جىلى قىرىمدا ٶتكەن رەفەرەندۋم سەكٸلدٸ, رەسەيدٸڭ دە, ۋكراينانىڭ دا زاڭدارىنا قايشى. رەسەي زاڭدارىندا رەفەرەندۋمدى ۇيىمداستىرۋ مەن ٶتكٸزۋ كەم دەگەندە تٶرت ايدا جٷزەگە اسىرىلۋى كەرەكتٸگٸ جازىلعان. ۋكراينانىڭ رەسەي باقىلاۋىنداعى ايماقتارىندا رەفەرەندۋم كٷنٸ 20 قىركٷيەكتە جارييالاندى. وسىلايشا ساياسي ناۋقانعا دايىندىق بار بولعانى ٷش كٷنگە سوزىلدى.
ۋكراينا كونستيتۋتسيياسىندا ەل اۋماعىن ٶزگەرتۋ جٶنٸندەگٸ مەسەلە جالپىۋكراين رەفەرەندۋمىندا عانا شەشٸلەتٸنٸ جازىلعان.
كيەۆ رەسەيدٸڭ رەفەرەندۋم ٶتكٸزۋ نيەتٸن ۋكراين ارميياسىنىڭ قارىمتا شابۋىلعا كٶشۋٸمەن بايلانىستىردى.
رەفەرەندۋم ٶتەدٸ دەپ جارييالانعان اۋماقتاردىڭ بارلىعىن ەلەم ەلدەرٸنٸڭ باسىم بٶلٸگٸ ۋكراينا جەرٸ دەپ ەسەپتەيدٸ. ۋكراينا بيلٸگٸ, سونىمەن بٸرگە اقش پەن باتىس ەلدەرٸنٸڭ ٶكٸلدەرٸ بۇل اۋماقتاردا ٶتەتٸن رەفەرەندۋمدى زاڭدى دەپ مويىندامايتىنىن بٸرنەشە مەرتە مەلٸمدەدٸ. 2014 جىلى قىرىمنىڭ اننەكسييالانۋىن مويىنداماعان ەۋروپا كەڭەسٸ جاقىندا عانا جارييالاعان مەلٸمدەمەسٸندە باسىپ الىنعان اۋماقتارداعى رەفەرەندۋم نەتيجەسٸن زاڭدى دەپ مويىندامايتىنىن جارييالادى. بۇۇ جارعىسى ٶزگە ەلدٸڭ اۋماعىن اننەكسييالاپ الۋعا تىيىم سالادى.
