"ەۆروۆيدەنيە" مۋزىكالىق بايقاۋىنىڭ بيىلعى جەڭٸمپازى, ۋكراينانىڭ Kalush Orchestra توبى ٶزدەرٸنە بەرٸلگەن "حرۋستال ميكروفوندى" اۋكتسيونعا شىعارىپ, 900 مىڭ دوللارعا ساتتى.
اۋكتسيون YouTube ارناسىندا تٸكەلەي ەفيردەن كٶرسەتٸلدٸ. اكتسييانى تەلەجٷرگٸزۋشٸ سەرگەي پريتۋلانىڭ قايىرىمدىلىق قورى ۇيىمداستىردى. قارجى ۋكراينا كريپتوۆاليۋتا بيرجاسىنداعى كريپتوۆاليۋتالاردىڭ بٸرٸمەن ەسەپتەلدٸ, دەپ حابارلايدى بي-بي-سيدٸڭ ورىس رەداكتسيياسى.
سەرگەي پريتۋلا بۇعان دەيٸنگٸ سٶزٸندە جينالعان اقشاعا ۇيىمداستىرۋشىلاردىڭ ۋكراينا قارۋلى كٷشتەرٸنە ۇشقىشسىز باسقارىلاتىن PD-2 اپپاراتىن ساتىپ العىسى كەلەتٸنٸن ايتقان.
جەكسەنبٸ كٷنٸ بەرليننٸڭ براندەنبۋرگ قاقپاسىنىڭ الدىندا "Save Ukraine — #StopWar" ("ۋكراينانىن قۇتقارىڭدار — سوعىستى توقتاتىڭدار") دەگەن قايىرىمدىلىق شوۋى ٶتٸپ, وعان ەلەمنٸڭ ەسترادا جۇلدىزدارى, ۋكراينانىڭ Kalush Orchestra توبى دا قاتىسقان. جينالعان اقشا سوعىستا جارالانعاندار ەمدەلٸپ جاتقان ۋكراينانىڭ 12 وبلىسىنداعى اۋرۋحانالارعا كٶمەككە بەرٸلگەن.
ليتۆا حالقى بەس كٷن ٸشٸندە ۋكراينا ەسكەرٸنە تٷركييانىڭ "بايراكتار" اپپاراتىن ساتىپ الۋ ٷشٸن 5 ميلليون دوللار جيناعان. بۇل اقپاراتتى ليتۆا قورعانىس مينيسترٸ ارۆيداس انۋشاۋسكاس راستاعان.
