نارازىلاردىڭ قارسىلىعىنا تاپ بولىپ, بەتٸنە سۇيىقتىق شاشىلعان بۇرىنعى پرەزيدەنت پەترو پوروشەنكو جاقتاستارىمەن كەزدەسٸپ جاتىر. تامىز ايى, 2021 جىل.
ۋكراينانىڭ بۇرىنعى پرەزيدەنتٸ پەترو پوروشەنكو "وليگارحتاردىڭ ساياسي ىقپالىن ازايتۋعا باعىتتالعان" جاڭا زاڭ تالاپتارىن ورىنداۋ ٷشٸن ەكٸ تەلەارنانى قىزمەتكەرلەرٸنە ساتىپ جٸبەرگەنٸن حابارلادى. 2014-2019 جىلدارى ۋكراينانى باسقارعان ميلليونەر 8 قاراشادا جارييالاعان ۆيدەومەلٸمدەمەسٸندە ٶزٸنٸڭ سونداي قادامدارعا بارۋعا مەجبٷر بولعانىن ايتتى. ونىڭ مەلٸمدەمەسٸ "ەۋروپا ىنتىماقتاستىعى" پارتيياسىنىڭ سايتىندا جارييالاندى, دەپ حابارلايدى ازاتتىق.
پوروشەنكو مەلٸمدەمەسٸندە قازٸرگٸ پرەزيدەنت ۆلاديمير زەلەنسكييدٸ "پٸكٸر ەركٸندٸگٸن شەكتەدٸ" دەپ ايىپتادى. 2024 جىلى ٶتەتٸن پرەزيدەنت سايلاۋىنا قاتىسادى دەلٸنگەن پوروشەنكونىڭ پٸكٸرٸنشە, پرەزيدەنت كەڭسەسٸ ەلدەگٸ بارلىق مەديانى ۋىسىندا ۇستاپ تۇرۋ ٷشٸن "وليگارحتارعا قارسى زاڭدى" قابىلداپ وتىر.
2019 جىلعى پرەزيدەنت سايلاۋىندا پوروشەنكونى جەڭگەن زەلەنسكيي جىلدار بويى ٷكٸمەت, بيزنەس, مەدياعا ىقپال ەتٸپ, مەملەكەت دامۋىن تەجەگەن وليگارحتاردىڭ ىقپالىن ازايتۋعا ۋەدە بەرگەن. 5 قاراشادا زەلەنسكيي قول قويعان زاڭدا وليگارح ۇعىمىنا دا انىقتاما بەرٸلگەن. زاڭعا سەيكەس, ونداعان ميلليون دوللارى بار بەلگٸلٸ بٸر سالادا مونوپولييا ورناتقان, مەديا اكتيۆتەرٸ بار ساياسي ىقپالعا يە ادامدار وليگارحتار ساناتىنا كٸرەدٸ.
اقش جەنە ەۋرووداق ۇزاق ۋاقىتتان بەرٸ ۋكراينانى حالىق مٷددەسٸنە قايشى جۇمىس ٸستەپ كەلە جاتقان وليگارحتاردىڭ ەرەكەتٸن تەجەۋگە شاقىرىپ كەلەدٸ. الايدا زاڭ جوباسىن سىناۋشىلاردىڭ پٸكٸرٸنشە, اتالعان قۇجات "جەكە باستىڭ كەگٸن الۋعا" جول اشادى.
