11 قىركٷيەككە قاراعان تٷنٸ زاپوروجە اتوم ەلەكتر ستانتسيياسىنىڭ جۇمىس ٸستەپ تۇرعان سوڭعى بلوگى ەنەرگييالىق جەلٸلەردەن اجىراتىلدى. قازٸر بلوكتى سۋىتىپ, سالقىن كٷيگە اۋىستىرۋ جۇمىستارى جٷرٸپ جاتىر. بۇل تۋرالى ۋكراينانىڭ "ەنەرگواتوم" كونتسەرنٸ حابارلادى, دەپ جازادى ازاتتىق.
اەس زاپوروجە وبلىسى ەنەرگودار قالاسىندا ورنالاسقان. ۋكراينانىڭ بۇل قالاسىن رەسەي كٷشتەرٸ باقىلاۋدا ۇستاپ وتىر. التىنشى ەنەرگييالىق بلوكتىڭ توقتاعانىن وككۋپاتسييالىق ەكٸمشٸلٸك تە راستادى.
"ەنەرگواتومنىڭ" مەلٸمەتٸنشە, كەيٸنگٸ ٷش تەۋلٸكتە التىنشى ەنەرگييالىق بلوك ستانتسييانىڭ تەك ٶز مۇقتاجدىعىن ٶتەۋ ٷشٸن جۇمىس ٸستەگەن. ۆەدومستۆونىڭ حابارلاۋىنشا, رەسەيدٸڭ اتقىلاۋىنان ستانتسييانى ۋكراينا ەنەرگييا جٷيەسٸمەن بايلانىستىراتىن جەلٸلەردٸڭ بەرٸ زاقىمدانعان. ال رەسەي بولسا, اتىستى ۋكراينا ەسكەرٸ جٷرگٸزٸپ وتىر دەيدٸ.
زاپوروجە اەس-ٸندە جاعدايعا بايلانىستى بۇۇ مەن ەلەمنٸڭ كٶپتەگەن ەلٸ الاڭداۋشىلىق بٸلدٸردٸ. مۇنىڭ الدىندا ستانتسيياعا ماگاتە ميسسيياسى كەلگەن. 6 قىركٷيەك كٷنٸ ۇيىم ستانتسيياداعى جاعداي جٶنٸندە ەسەبٸن جارييالاعان. ماگاتە ينسپەكتورلارى بٸرقاتار كەمشٸلٸكتەردٸ اتاپ ٶتكەن. سونىڭ ٸشٸندە, ٶڭدەلگەن جەنە جاڭادا ٶندٸرٸلگەن يادرولىق جانارمايدى ساقتاۋ قويماسىنىڭ بٷلٸنگەنٸن مەلٸمدەگەن. ماماندار سونداي-اق ستانتسييا اۋماعىندا رەسەيدٸڭ ەسكەري تەحنيكاسى تۇرعانىن ايتقان. اۋماقتىڭ اتقىلانۋىنا ينسپەكتورلاردىڭ ٶزدەرٸ دە تاپ بولعان, بٸراق ولار اتىستى كٸم جٷرگٸزٸپ وتىرعانىن ايتپادى.
ماگاتە ٶز ەسەبٸندە ستانتسييا تٶڭٸرەگٸندەگٸ اۋماقتى «قاۋٸپسٸزدٸگٸ ايماعى» دەپ جارييالاۋدى ۇسىندى. اگەنتتٸك ستانتسييانى اتقىلاۋدى توقتاتۋعا شاقىرىپ وتىر. ەيتپەسە يادرولىق اپات بولۋى ىقتيمال دەيدٸ ولار.
ۋكراينا ستانتسييادان ەسكەري كٷشتەردٸ تولىق ەكەتۋدٸ تالاپ ەتٸپ وتىر. مۇنى ەۋرووداق پەن اقش قولدادى. رەسەي بۇل تالاپتى ورىنداۋدان تٷبەگەيلٸ باس تارتىپ وتىر. رەسەي سىرتقى ٸستەر مينيسترلٸگٸنٸڭ ايتۋىنشا, بۇلاي جاساسا, ستانتسيياعا تٶنەر قاۋٸپ كٷشەيە تٷسپەك.
