ۋكراينادان مولداۆاعا ٶزدەرٸ جەتكەن قازاقستان ازاماتتارىن ەلگە قايتارۋ مەسەلەسٸ شەشٸلٸپ جاتىر. بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مەلٸم ەتتٸ, دەپ حابارلايدى قازاقپارات.
«مولدوۆاداعى جاعداي كەلسەك. بٷگٸن ەلشٸلٸك ونداعى ازاماتتارعا كٶلٸك ۇيىمداستىردى. قازٸرگٸ ۋاقىتتا رۋمىنييانىڭ باس كونسۋلدىعىنان ترانزيتتٸك ۆيزا الۋ ٷشٸن قازاقستان ازاماتتارىن كاگۋل قالاسىنا جەتكٸزۋ جاعى جوسپارلانىپ جاتىر. ۆيزا العاننان كەيٸن رۋمىنييا ارقىلى شەكارادان شىعارىلادى. شەكارادان ٶتكەننەن كەيٸن شارۋاعا بۋحارەست قالاسىنداعى قازاقستاننىڭ ەلشٸلٸگٸ كٸرٸسەدٸ. سول ارقىلى ىستانبۇلعا ودان ەرٸ ازاماتتارىمىزدى ەلگە جەتكٸزۋ ۇيىمداستىرىلادى», - سماديياروۆ مينيسترلٸكتە ٶتكەن بريفينگتە.
ايتا كەتەيٸك, بٷگٸن سىرتقى ٸستەر مينيسترلٸگٸندە ۋكرايناداعى قازاقستاندىقتاردى ەلگە قايتارۋدى ۇيىمداستىرۋ بارىسىنا ارنالعان شۇعىل بريفينگ ٶتتٸ.
