ۆيدەو كادرى
"اق جول" دەموكراتييالىق پارتيياسىنىڭ پلەنۋمى ۋكرايناداعى سوعىستى "ارنايى وپەراتسييا" دەپ اتاپ, رەسەي پرەزيدەنتٸ ۆلاديمير پۋتيندٸ اشىق قولداعان دەپۋتات ازامات ەبٸلداەۆتى پارتييادان شىعاردى, - دەپ حابارلايدى "ۇلت اقپارات" پارتييانىڭ سايتىنا سٸلتەمە جاساپ.
"بٷگٸن استانادا "اق جول" دەموكراتييالىق پارتيياسى ۇلتتىق كەڭەسٸنٸڭ پلەنۋمى ٶتتٸ. پارتييا تٶراعاسى ازات پەرۋاشەۆتىڭ تٶراعالىعىمەن ٶتكەن جيىندا مەجٸلٸس دەپۋتاتى ازامات ەبٸلداەۆتىڭ جۋرناليستكە بەرگەن سۇحباتىندا ۋكرايناداعى سوعىس تۋرالى ايتقان سٶزدەرٸ سارالانىپ, تيٸستٸ ساياسي باعا بەرٸلدٸ.
ۇلتتىق كەڭەس مٷشەلەرٸ ازامات ەبٸلداەۆتىڭ سٶزدەرٸ "اق جول" پارتيياسىنىڭ پوزيتسيياسىنا قاراما-قايشى ەكەنٸنە, سونىمەن قاتار پارتييالىق جەنە دە دەپۋتاتتىق ەتيكانى دا بۇزىپ تۇرعانىنا باسا نازار اۋداردى.
كەشە پارتييا پرەزيديۋمى حابارلاعانداي, “اق جول” پارتيياسى قاشان دا رەسپۋبليكامىزدىڭ, سونداي-اق باسقا دا دوس مەملەكەتتەردٸڭ تەۋەلسٸزدٸگٸ مەن جەر تۇتاستىعىن قۇرمەتتەيدٸ جەنە قولدايدى" - دەلٸنگەن حابارلامادا.
باسپاسٶز قىزمەتٸنٸڭ مەلٸمەتٸنشە, ۇلتتىق كەڭەس ازامات ەبٸلداەۆتى "اق جول" دەموكراتييالىق پارتيياسىنان شىعارۋ تۋرالى شەشٸم قابىلدادى. سونىمەن قاتار "اق جول" پارتيياسى ازامات ەبٸلداەۆتىڭ دەپۋتاتتىق مانداتىن توقتاتۋ تۋرالى ورتالىق سايلاۋ كوميسسيياسىنا حات جولدادى.
ايتا كەتەيٸك, ازامات ەبٸلداەۆ - 1998 جىلدان "اقبٶكەن" قوعامدىق قورىنىڭ مٷشەسٸ. 2015 جىلدان قالماق تۇقىمىنىڭ رەسپۋبليكالىق پالاتاسىنىڭ تٶراعاسى, 2021 جىلدىڭ قىركٷيەك ايىنان "قازاقستاننىڭ ەت وداعى" دكزتب باسقارماسىنىڭ تٶراعاسى, قازاقستاننىڭ "اق جول" دەموكراتييالىق پارتيياسىنىڭ مٷشەسٸ.
ەسكە سالايىق, كەشە, 18 قاڭتاردا مەجٸلٸس دەپۋتاتى "ازاتتىق" راديوسىنا بەرگەن سۇحباتىندا رەسەي پرەزيدەنتٸ پۋتيندٸ قولدايتىنىن اشىق ايتقان. ول سونىمەن بٸرگە رەسەيدٸڭ ۋكرايناعا باسقىنشىلىعىن "ارنايى وپەراتسييا" دەپ اتاعان. ەبٸلداەۆ بۇعان قوسا, ۋكراينا پرەزيدەنتٸ ۆلاديمير زەلەنسكييدٸ جۋىردا ٶز حالقى ۇستاپ, سوتقا بەرەتٸنٸن جەنە پارلامەنتتە دەل وسىلاي ويلايتىن ەكٸ-ٷش دەپۋتات بارىن ايتتى.
