سەيسەنبٸ كٷنٸ تاڭەرتەڭ ۋكراينانىڭ وڭتٷستٸگٸندەگٸ نيكولاەۆ قالاسىندا رەسەي زىمىرانىنىڭ سوققىسى سالدارىنان وبلىس ەكٸمشٸلٸگٸنٸڭ عيماراتى قيرادى, دەپ حابارلايدى ازاتتىق.
قالا مەرٸ ۆيتاليي كيم سوققىدان قيراعان عيماراتتىڭ سۋرەتٸن جارييالادى. سۋرەتتەن عيماراتتىڭ ورتاڭعى بٶلٸگٸ قيراعانى كٶرٸنەدٸ. قالا مەرٸنٸڭ ايتۋىنشا, ٷيٸندٸ استىندا سەگٸز ادام قالعان بولۋى مٷمكٸن. جارالانعاندار بار.
نيكولاەۆ قالاسى اقپان ايىنىڭ سوڭىنان بەرٸ اتقىلاۋعا ۇشىراپ كەلەدٸ. ەزٸرگە رەسەي ەسكەرٸ قالاعا باسىپ كٸرگەن جوق.
كەيٸنگٸ ايدا ۋكرايناداعى ەلەۋمەتتٸك جەلٸلەردە ۆيتاليي كيمنٸڭ تانىمالدىعى ارتتى. ول سوعىس باستالعالى بەرٸ كٷن سايىن قالاداعى جاعداي تۋرالى روليكتەر تٷسٸرٸپ, تۇرعىنداردى جٸگەرلەندٸرۋگە تىرىسادى.
سەيسەنبٸ كٷنٸ دنەپروپەتروۆسك وبلىسى اۋماعىنا دا رەسەي ەسكەرٸنٸڭ زىمىرانمەن بٸرنەشە سوققى جاساعانى بەلگٸلٸ بولدى. وبلىستىڭ ەسكەري ەكٸمشٸلٸگٸنٸڭ جەتەكشٸسٸ ۆالەنتين رەزنيچەنكونىڭ حابارلاۋىنشا, نوۆوموسكوۆسك اۋدانىندا زىمىران وبلىستاعى فەرمەر شارۋاشىلىعى اۋماعىنا تٷسكەن, تەحنيكا بٷلٸنگەن. بٸر ادام جارالانعان. پاۆلوگرادتا زىمىران كٶپٸرگە تٷسٸپ, جول قوزعالىسى توقتاعان. نيكوپول اۋدانىنا دا زىمىران تٷسكەن. ەزٸرگە تولىق ەمەس اقپارات بويىنشا, قازا بولعاندار جوق.
- رەسەي ەسكەرٸ 24 اقپاندا ۋكرايناعا باسىپ كٸرگەن. پۋتين ۋكراينانى "دەناتسيفيكاتسييا" جەنە "دەميليتاريزاتسييالاۋ" ماقساتىندا كٶرشٸ ەلگە "ارنايى وپەراتسييا" باستاعانىن مەلٸمدەگەن. بۇۇ-عا مٷشە ەلدەردٸڭ باسىم بٶلٸگٸ وقيعانى رەسەي باسقىنشىلىعى دەپ اتاپ, مەسكەۋدەن ەسكەرٸن ۋكراينادان الىپ كەتۋدٸ تالاپ ەتكەن.
- بٸر ايدان استام ۋاقىتقا سوزىلعان سوعىس كەزٸندە ۋكراينانىڭ كٶپتەگەن قالاسى اتقىلاۋعا ۇشىرادى. ەلدٸڭ بٸراز بٶلٸگٸن رەسەي ەسكەرٸ باسىپ الدى. قازا بولعاندار تۋرالى ناقتى مەلٸمەت جوق. ساراپشىلار مىڭداعان ادام قازا بولۋى مٷمكٸن دەيدٸ. ۋكراينانىڭ ونداعان قالاسىندا تۇرعىن ٷيلەر, مەكتەپتەر, اۋرۋحانالار جەنە ٶزگە دە نىساندار قيرادى.
