©Sipa / Scanpix
ۋكراينادا سوعىس باستالعالى بەرٸ قازا تاپقانى انىقتالعان بەيبٸت تۇرعىن سانى جەتٸ مىڭنان استى. بۇل دەرەك بۇۇ ادام قۇقىقتارى جٶنٸندەگٸ جوعارعى كوميسسارىنىڭ جاڭا بايانداماسىندا ايتىلعان.
باياندامادا "بۇل قۇجاتقا قاتتالىپ, قازاسى راستالعان ادامدار عانا, بٸراق كەسكٸلەسكەن شايقاس بولعان ايماقتاردا (ماريۋپول, سەۆەرودونەتسك, ليسيچانسك, سولەدار مەن باحمۋت) ٶلگەندەر سانى بۇدان دا كٶپ بولۋى ەبدەن مٷمكٸن, ول جاقتان سوعىس كەزٸندە تولىمدى اقپارات الۋ مٷمكٸن ەمەس" دەپ جازىلعان.
بۇۇ دەرەگٸنشە, رەسەي باسقىنشىلىعى باستالعان 2022 جىلدىڭ 24 اقپانىنان بيىلعى 16 قاڭتارعا دەيٸن ۋكراينادا 7031 بەيبٸت تۇرعىن, ونىڭ ٸشٸندە 433 بالا قازا تاپقان. سونداي-اق 11327 ادام جارالانعان, ونىڭ 827-سٸ – بالا. مارقۇمداردىڭ 90 پايىزدان استامى ۋكراينا بيلٸگٸ باقىلايتىن اۋماقتا ٶلگەن.
بۇعان دەيٸن رەسەي زىمىرانى تٷسٸپ, تۇتاس بٸر پودەزٸ تٷگەل قيراعان ۋكراينانىڭ دنەپر قالاسىنداعى تۇرعىن ٷيدە بولعان جارىلىستان قازا تاپقاندار سانى 40 ادامعا جەتتٸ. كەيٸنگٸ مەلٸمەتكە قاراعاندا, قازا بولعاندار اراسىندا ٷش بالا بار, تاعى وتىزعا جۋىق ادامنىڭ تاعدىرى ەلٸ بەلگٸسٸز. قيراعان ٷيدٸڭ ورنىنان 39 ادام قۇتقارىلعان. جارىلىس سالدارىنان جارالانعان 75 ادامنىڭ اراسىندا 14 بالا بار.
