18 جەلتوقساندا ۋكراينانىڭ جوعارعى راداسى دەپۋتاتتاردىڭ تيٸسپەۋشٸلٸك مەرتەبەسٸن جويۋ تۋرالى زاڭدى ەكٸنشٸ وقىلىمدا ماقۇلدادى. جوباعا 291 دەپۋتات قولداپ داۋىس بەردٸ. قۇجات 2020 جىلدىڭ 1 قاڭتارىنان باستاپ كٷشٸنە ەنەدٸ.
دەپۋتاتتار بۇل زاڭدى 3 جەلتوقساندا العاشقى وقىلىمدا قاراپ ماقۇلداعان. بٸراق ەكٸنشٸ وقىلىمعا دەيٸن زاڭ جوباسىنا 101 تٷزەتۋ ەنگٸزۋدٸ ۇسىنعان. ولار ۇسىنعان 32 تٷزەتۋ تولىعىمەن نەمەسە جارتىلاي قابىلدانعان.
دەپۋتاتتاردىڭ تيٸسپەۋشٸلٸك مەرتەبەسٸن جويۋ - بۇل پرەزيدەنت ۆلاديمير زەلەنسكيي مەن ونىڭ "سلۋگا نارودا" پارتيياسىنىڭ سايلاۋالدى كامپانيياسى كەزٸندە سايلاۋشىلارعا بەرگەن نەگٸزگٸ ۋەدەلەرٸنٸڭ بٸرٸ. پرەزيدەنتتٸڭ پٸكٸرٸنشە, بۇل زاڭ جەمقورلىق بابى بويىنشا كٷدٸككە ٸلٸنگەن دەپۋتاتتاردىڭ ٷستٸنەن تەز قىلمىستىق ٸس قوزعاۋعا مٷمكٸندٸك بەرەدٸ.
"ەۆروپەيسكايا سوليدارنوست", "باتكيۆششىنا" جەنە "گولوس" فراكتسيياسىنان ەشكٸم زاڭ جوباسىن قولدامادى.
زاڭ ۋكراينا كونستيتۋتسيياسىنان "دەپۋتاتتاردىڭ تيٸسپەۋشٸلٸگٸنە كەپٸلدٸك بەرۋ" جايلى 80-باپتى الىپ تاستاۋعا مٷمكٸندٸك بەرەدٸ. كونستيتۋتسييادان سونىمەن بٸرگە حالىق دەپۋتاتتارى "ۋكراينانىڭ جوعارعى راداسىنىڭ كەلٸسٸمٸنسٸز قىلمىستىق جاۋاپكەرشٸلٸككە تارتىلمايدى, ۇستالمايدى نەمەسە قامالمايدى" دەگەن باپ الىنادى.
بۇل زاڭعا سەيكەس, زاڭ بۇزعان دەپۋتاتتار تۋرالى اقپاراتتى سوتقا دەيٸنگٸ تەرگەپ-تەكسەرۋ بويىنشا بٸرٸڭعاي رەەسترگە باس پروكۋروردىڭ ەنگٸزۋٸنە قۇقىعى بار. باس پروكۋرور ۇستاۋعا دا رۇقسات بەرەدٸ. ۋكراينانىڭ جەمقورلىقپەن كٷرەس ورتالىعى ساراپشىلارى بۇل باس پروكۋراتۋرانىڭ "وسى سالادا مونوپولييا جاساۋىنا مٷمكٸندٸك بەرەدٸ", باسقا ۆەدومستۆولار دەپۋتاتتى پارا العان جەرٸنە ۇستاسا دا, تەرگەۋ باستاي المايدى دەپ سىنايدى.
